ایمزٹی وی(کراچی)سند اسمبلی میں اجلاس کے دوران پیپلز پارٹی کے رہنما امداد پتافی نے وزیر اعظم کو گالی دے دی ۔تفصیل کے مطابق آج سندھ اسمبلی کا اجلاس ہوا جس میں بہت شور شرابہ اور ہنگامہ آرائی دیکھنے میں آئی ۔اجلاس کے دوران امداد پتافی نے گفتگو کرتے ہوئے وزیراعظم کو سخت تنقید کا نشانہ بنا یا اور کہا کہ نواز شریف سندھ میں گھوم رہا ہے اور ایسے پیسے بانٹ رہا ہے جیسے اندھا ریوڑیاں بانٹتا ہے ۔
فرط جذبات میں امداد پتافی نے وزیراعظم کو گالی بھی دیتے ہوئے کہا کہ نواز شریف جو ترقیاتی اعلان کر رہا ہے وہ سندھ کی عوام کو ”پاگل “بنا رہا ہے ۔امدادپتافی کے وزیر اعظم کے خلاف نا زیبا الفاظ کو اجلاس کی کارروائی سے حذف کردیا ۔نجی نیوز چینل پر رد عمل دیتے ہوئے طلال چوہدری نے کہا کہ صبح کے وقت امداد پتافی ہو ش میں نہیں ہوتے اس لیے ایسی باتیں کرتے ہیں ۔ان کا کہنا تھا کہ انسان کے الفاظ سے اس کی تربیت اور کردار کا پتہ لگتا ہے ۔
واضح رہے کہ امداد پتافی رکن سندھ اسمبلی نصرت سحر عباسی کے خلاف بھی نا زیبا زبان استعمال کر چکے ہیں جس پر انہیں معافی مانگنا پڑی تھی ۔