کراچی : بلدیہ عظمیٰ کراچی کی جانب سے کے الیکٹرک کی املاک کو نقصان پہنچانے پر کے الیکٹرک نے سخت مذمت کا اظہار کیا ہے۔
گزشتہ روز کے الیکٹرک نے اپریل 2019 سے ماہانہ بجلی بلوں کی عدم ادائیگی پر بلدیہ عظمیٰ کراچی (کے ایم سی) کے متعدد کنکشنز منقطع کردیئے تھے۔
یہ بات قابل ذکر ہے کہ کے ایم سی پر کے الیکٹرک کے4 ارب 11 کروڑ روپے واجب الادا ہیں اور معزز عدالت نے بلدیہ عظمی کراچی کو اپریل 2019سے کے الیکٹرک کے ماہانہ بلوں کی ادائیگی کیلئے ہدایات جاری کی تھیں۔
کے الیکٹرک کی جانب سے کنکشنز منقطع کرنے سے قبل بلدیہ عظمی کراچی کو ماہانہ بلوں کی ادائیگی کیلئے متعدد نوٹسز بھی بھیجے گئے تھے تاہم کے ایم سی نے جوابی کارروائی کرتے ہوئے کے الیکٹرک کے دفاتر اور انفراسٹرکچر کو نقصان پہنچایا۔
کے الیکٹرک ایک بار پھر متعلقہ حکام سے مطالبہ کیا ہے کہ عدالتی احکامات کی پاسداری کرتے ہوئے واجبات کی جلد ادائیگیوں کویقینی بنانے سمیت منصفانہ انداز میں لینڈ ریگولرائزیشن کے معاملے کو حل کیا جائے۔