ایمز ٹی وی (کراچی) کراچی میں ہیٹ سٹروک سے ہلاکتوں کے بعد وزیراعظم نواز شریف مختصر دورے پر کراچی پہنچ گئے ۔ وزیر اعظم کے ہمراہ وفاقی وزرا چودھری نثار، عبدالقادر بلوچ اور سائرہ افضل تارڑ بھی ہیں ۔ ائیر پورٹ پر وزیراعطم کا استقبال گورنر سندھ ڈاکٹر عشرت العباد ، وزیراعلیٰ سید قائم علی شاہ ، مسلم لیگ کے رہنمائوں اور دیگر اعلیٰ حکام نے استقبال کیا ۔ وزیراعظم نواز شریف کراچی ایئر پورٹ سے ہیلی کاپٹر کے ذریعے وزیراعلیٰ ہاؤس پہنچے ہیں جہاں وہ ایک اعلیٰ سطحی اجلاس کی صدارت کررہے ہیں، جس میں گورنر سندھ عشرت العباد بھی موجود ہے۔ اجلاس کے دوران کراچی میں گرمی سے ہونے والی ہلاکتوں، بجلی کے بحران اور حالیہ صورت حال پر قابو پانے کے لیے حکومتی اقدام سمیت دیگر امور کا بھی جائزہ لیا جائے گا۔