اتوار, 16 مئی 2021


سی ایس ایس کارنرسےبڑی تعدادمیں ذہین طلبہ وطالبات استفادہ کررہےہیں

کراچی :فریئر ہال لائبریری میں منعقدہ سی ایس ایس کارنر کلاس سے خطاب کرتے ہوئےمیٹروپولیٹن کمشنر افضل زیدی نے کہا ہے کہ
مستقبل میں کسی بھی شعبے میں شمولیت اختیار اور کامیابی حاصل کرنے کے لئے اپنی صلاحیتوں کو جاننا اور ان سے آگاہ ہونا انتہائی ضروری ہے اس حوالے سے کیا جانے والا درست فیصلہ اور سخت محنت ہی کامیابیوں سے ہمکنار کرسکتی ہے ،بلدیہ عظمیٰ کراچی نے طلبہ و طالبات کے لئے سی ایس ایس کارنر قائم کرکے اپنی نوعیت کا پہلا کامیاب تجربہ کیا ہے جس سے بڑی تعداد میں ذہین طلبہ و طالبات استفادہ کررہے ہیں۔


اس موقع پر سینئر ڈائریکٹر کلچر اینڈ اسپورٹس خورشید شاہ بھی موجود تھے ۔ میٹروپولیٹن کمشنر نے کہا کہ بلدیہ عظمیٰ کراچی شہر کے حوالے سے جہاں اپنی دیگر ذمہ داریوں کو نبھا رہی ہے وہیں طلبا کو آگے لانے کے لئے ایسے اقدامات بھی کئے جارہے ہیں جن سے طلبا کو مستقبل میں اعلیٰ تعلیم کے حصول کے لئے سہولت میسر ہوسکے ۔

انہوں نے کہا کہ جو افراد سی ایس ایس کرنے میں دلچسپی رکھتے ہیں انہیں چاہئے کہ وہ بلدیہ عظمی کراچی کی جانب سے شروع کئے گئے سی ایس ایس کارنر سے استفادہ کریں اور مستقل مزاجی کے ساتھ سخت محنت کرتے ہوئے سی ایس ایس امتحانات کی تیاری کریں۔ انہوں نے کہا کہ کراچی میں بے پناہ ٹیلنٹ موجود ہے ،ضرورت صرف اس بات کی ہے کہ ایسے ذہین لوگوں کو درست رہنمائی کے ساتھ صحیح سمت میں سفر کرنے اور آگے بڑھنے کا موقع دیا جائے ۔

پرنٹ یا ایمیل کریں

Leave a comment