جمعرات, 29 فروری 2024
×

Warning

JUser: :_load: Unable to load user with ID: 46


کتب خانوں میں بہتری لانےکیلئےہرممکن اقدامات بروئےکارلائےجائیں گے،رحمت اللہ شیخ

کراچی: ایڈمنسٹریٹر بلدیہ شرقی رحمت اللہ شیخ نےسپریٹنڈنگ انجینئر بی اینڈآرسلمان میمن اور ڈائریکٹرلائبریریزطلعت شکیل کے ہمراہ لائبریریزکادورہ کیا۔

اس موقع پر ایڈمنسٹریٹر بلدیہ شرقی رحمت اللہ شیخ نے کہا ہے کہ ماضی گواہ ہے کہ کتابوں کے اخراجات برداشت نہ کرنے والوں نے لائبریریوں سے استفادہ حاصل کر کے اعلی ڈگریاں حاصل کرکے ملک میں نام پیدا کیا، آج کے جدید دور میں بھی لائبریریوں کی اہمیت اپنی جگہ موجود ہے

انہوں نے اختر کالونی لائبریری، شفیع دہلوی لائبریری کے معائنے کے دوران ہدایت کی کہ مذکورہ لائبریریوں میں قارئین کو پرسکون ماحول فراہم کرنے کیلئے اقدامات بروئے کار لائے جائیں عمارتوں کو درست کرنے کے ساتھ ایسا ماحول فراہم کیا جائے کہ آنے والے پرسکون ماحول میں مطالعے کےذوق کی تسکین کے ساتھ حصول تعلیم میں مدد حاصل کر سکیں۔مزید براں انہوں نے لائبریریوں کو جدید خطوط پر استوار کرنے کے حوالے سے بھی ہدایات جاری کیں

اس موقع پر ڈائریکٹر لائبریریز طلعت شکیل نے انہیں بلدیہ شرقی میں موجود لائبریریوں کے حوالے سے بریفنگ دیتے ہوئے بتایا کہ بلدیہ شرقی میں قدیم لائبریریاں بھی موجود ہیں جس سے ان گنت لوگوں نے استفادہ حاصل کیا اور اب بھی لوگ اس سے مستفید ہورہے ہیں انہوں نے لائبریریوں کی حالت زار بہتر بنانے کے حوالے س احکامات صادر کرنےپر ایڈمنسٹریٹر بلدیہ شرقی کا شکریہ ادا کیا.

پرنٹ یا ایمیل کریں

Leave a comment