جمعرات, 25 اپریل 2024


سالانہ امتحانی فارم جمع کرانےکی تاریخ میں توسیع

کراچی: جامعہ اردو نے سالانہ امتحانی فارم جمع کرانےکی تاریخ میں توسیع کردی

وفاقی اردو یونیورسٹی کے قائم مقام ناظم امتحانات غیاث الدین کے مطابق ایم اے(پرائیویٹ) کے سالانہ امتحانی فارم جمع کرانے کی تاریخ میں11 اور12اکتوبر2022 تک توسیع کردی گئی ہے۔

طلباءو طالبات امتحانی فارم جامعہ اردو کی ویب سائٹ سے صبح9سے شام5بجے تک آن لائن پر کرنے کے بعد ڈاؤن لوڈ کرکے پرنٹ حاصل کریں۔

کراچی کے طلبہ فیس واؤچرپر درج بینک میں جمع کرائیں فیس واؤچر اور فارم گلشن اقبال شعبہ امتحانات پرائیویٹ رجسٹریشن کاؤنٹر پر جمع کروائیں اور وہیں سے ایڈمٹ کارڈ حاصل کریں۔

اسلام آباد کے طلبہ فیس واؤچر عسکری بینک آبپارہ برانچ میں جمع کرانے کے بعد فیس واؤچر اور فارم اسلام آباد کیمپس شعبہ امتحانات میں جمع کروائیں اور14اکتوبر2022 اپنی IDسے ایڈمٹ کارڈ پرنٹ کریں۔

کراچی کے طلبہ کی امتحانی فیس 5000/=روپے اور اسلام آباد کے طلبہ کی امتحانی فیس 5200/=مقرر کی گئی ہے۔واضح رہے کہ ایم اے (پرائیویٹ)کے امتحانات 15اکتوبر2022سے منعقد کئے جارہے ہیں۔

پرنٹ یا ایمیل کریں

Leave a comment