کراچی: ثانوی تعلیمی بورڈکراچی نے سالانہ امتحانی فارم جمع کرانے کی آخری مہلت دے دی۔

ثانوی تعلیمی بورڈکراچی کے چیئرمین پروفیسر سید شرف علی شاہ نے جماعت نہم و دہم سائنس وجنرل گروپ ریگولر اور پرائیویٹ کے سالانہ امتحانی فارم سال 2021کے جمع کرانے کی تاریخ میں آخری دفعہ 21جون سے30جون2021ء تک توسیع کردی ہے۔

انہوں نے کہا کہ آخری تاریخ گزرنے کے بعد کسی بھی طرح کا امتحانی فارم جمع نہیں کیا جائے گا۔

لہٰذا بورڈ سے الحاق شدہ اسکول اور طلباء وطالبات جلد ہی اپنے امتحانی فارم لیٹ فیس 2500روپے کے ساتھ لازمی جمع کرادیں۔