ایمزٹی وی(بدین)بلدیاتی انتخابات کے دوسرے مرحلے میں ووٹنگ کا عمل مکمل ہونے کے بعد ووٹوں کی گنتی اور نتائج کی آمد کا سلسلہ جاری ہے ذرائع کے مطابق بدین سے غیر حتمی غیر سرکاری نتائج کے مطابق سابق وزیر داخلہ سندھ ذوالفقار مرزا کے حمایتی گروپ نے 14 وارڈ کی تمام یونین کونسل کی نشستیں جیت لی ہیں اور علاقے میں پیپلزپارٹی کو بدترین شکت کا سامنا کرنا پڑا ہے۔بدین میں پیپلزپارٹی کے اثرورسوخ رکھنے والے علاقوں میں بھی اسے بدترین شکست ہوئی جب کہ مرزا گروپ کی کامیابی کے بعد اس گروپ کے حمایتی سڑکوں پر نکل آئے اور جشن منایا۔میڈیاسے گفتگو کرتے ہوئے ذوالفقار مرزا نے اپنی جماعت بنانے اعلان کرتے ہوئے کہا کہ کامیابی پر اللہ کا شکر گزار ہوں، بدین میں شکست پیپلزپارٹی کے لیے پیغام ہے کہ اگر انہوں نے غریب عوام کا کچھ مداوا نہیں کیا تو ان کے لیے کچھ بھی نہیں بچے گا، پیپلزپارٹی کا جو حال پنجاب میں ہوا وہ اب سندھ کےمزید اضلاع میں بھی ہوگا۔ان کا کہنا تھا کہ جلد ہی کراچی جاؤں گا جہاں لیاری اور ملیر سمیت دیگر علاقوں کا دورہ کروں گا اور وہاں اپنا گروپ بنا کر الیکشن لڑنے کی کوشش کروں گا۔