ایمزٹی وی(کھیل) برطانیہ میں جاری انٹرنیشنل چیمپئنز فٹبال کپ کے میچ میں یووینڈس نے ٹوٹنہیم کو ایک کے مقابلے میں دو گولز سے ہرا دیا ہے ۔ انٹرنیشنل چیمپئنز کپ کے میچ میں یووینڈس اور ٹوٹنہیم کی ٹیمیں میدان میں اتریں ، یووینڈس نے میچ کے آغاز سے ہی بہترین کھیل پیش کیا اور چھٹے منٹ میں پہلا گول سکور کر کے حریف ٹیم کو دباؤ کا شکار کر دیا ۔
اس کے بعد پندرہویں منٹ میں انہوں نے ایک اور شاندار گول داغ کر اپنی برتری دو صفر کر لی ۔ حریف ٹیم سر توڑ کوشش کے بعد دوسرے ہاف میں صرف ایک گول کرنے میں کامیاب ہوئی جو ان کی جیت کیلئے ناکافی ثابت ہوا ۔ فاتح ٹیم کی جانب سے پاؤلو اور مہدی ایک ایک گول کیساتھ نمایاں رہے۔