جمعرات, 25 اپریل 2024


ویسٹ انڈیز کے خلاف ٹیم میں کوئی تبدیلی نہیں کی جارہی، مصباح الحق

ایمز ٹی وی (اسپورٹس) قومی کرکٹ ٹیم کے کپتان مصباح الحق کا کہنا ہے ویسٹ انڈیز کے خلاف میچ انتہائی اہم ہے اور دونوں ٹیمیں جیت کے لئے میدان میں اتریں گی، ویسٹ انڈیز کے خلاف ٹیم میں کوئی تبدیلی نہیں کی جارہی لیکن بلے بازوں کو ذمہ دارانہ انداز اپناتے ہوئے بیٹنگ کرنا ہوگی، وہ کھلاڑی جو پرفارم نہیں کر پارہے امید ہے ویسٹ انڈیز کے خلاف بہترین کارکردگی پیش کریں گے۔ انہوں نے کہا کہ بھارت سے شکست کی وجہ مڈل میں پارٹنرشپ کا نہ لگنا تھا اور صرف 9 گیندوں پر تین کھلاڑیوں کا آؤٹ ہوجانا شکست کی وجہ بنا۔ اپنی بیٹنگ آرڈر کی تبدیلی کے حوالے سے مصباح الحق کا کہنا تھا کہ میرے نمبر 4 پر کھیلنے سے مسئلہ حل نہیں ہوگا اس کے لئے تمام کھلاڑیوں کو ذمہ داری ادا کرنا ہوگی اور چاہے ابتدا میں یا مڈل آرڈر بلے بازوں کو مستقل بنیاد پر اچھی پارٹنرشپ دینا ہوگی۔ مصباح الحق کا کہنا تھا کہ گزشتہ 2 سے تین میچز میں بولرز نے بہترین کارکردگی پیش کی اور امید ہے کہ پیسر ویسٹ انڈیز کے خلاف اہم کردار ادا کریں گے، بھارت کے خلاف محمد عرفان کو پچ پر آنے کی دو مرتبہ وارنننگ ملی جس پر انہوں نے نے پریکٹس سیشن کے دوران قابو پالیا ہے۔

پرنٹ یا ایمیل کریں

Leave a comment