ایمزٹی وی (اسپورٹس) بھارتی کرکٹ ٹیم کے کپتان ویراٹ کوہلی بھی سو کروڑ کلب میں شامل ہو گئے ہیں۔ کوہلی کا ایک کمپنی کے ساتھ ایک سو دس کروڑ میں معاہدہ ہو گیا ہے۔بھارتی فلموں کی سوکروڑ کلب میں شامل ہونا عام سی بات ہے۔ جن کا تذکرہ بھی ہوتا رہتا ہے لیکن اب کرکٹرز بھی سو کروڑ کلب میں شامل ہو رہے ہیں۔ سچن ٹنڈولکر اور ایم ایس دھونی کے بعد بھارتی کپتان ویراٹ کوہلی بھی سو کروڑ کلب کا حصہ بن گئے۔ ان کا ایک اسپورٹس شوز کمپنی کے ساتھ آٹھ برس کا معاہدہ ایک سو دس کروڑ میں ہوا ہے۔کوہلی سنگل برانڈ کے ساتھ معاہدہ کرنے والے پہلے کھلاڑی ہیں،یوسین بو لٹ ، اسافا پوول،تھیری ہنری اور اولیور جیراڈ کا بھی اسی کمپنی کے ساتھ معاہدہ ہے۔ویراٹ کوہلی کا کہنا ہے کہ اس کمپنی کا حصہ بننا اور بڑے کھلاڑیوں کے ساتھ کام کرنا ان کے لیے اعزاز ہے۔