ایمز ٹی وی (اسپورٹس) ویسٹ انڈیزنے زمبابوے کو ڑک ورتھ لوئس سسٹم کے تحت 73 رنز سے شکست دے دی۔ زمبابوے نے ویسٹ انڈیز کے 372 رنز کے پہاڑ جیسے ہدف کا تعاقب آخری وکٹ تک جواں مردی سےکیا اوردلچسپ میچ میں زمبابوےکی ٹیم 289رنز بنا کر آئوٹ ہو گئی۔   ابتدائی وکٹیں جلد گرنے کے باوجود زمبابوے کے بیٹسمین سین ولیم76اورکریگ ارون52اور برینڈن ٹیلر37نے جم کر حریف ٹیم کا مقابلہ کیا۔ ویسٹ انڈیز کی جانب سے کرس گیل نے  215رنز کی تاریخی اننگ کھیلی جس میں انہوں نے16چھکے اور10چوکے لگائے اور 2وکٹیں بھی حاصل کیں۔ کرس گیل نےورلڈ کپ کرکٹ کی تاریخ میں پہلی مرتبہ ڈبل سنچری بنانے کا اعزاز بھی حاصل کیا، گیل کے علاوہ مارلن سیموئل نے سنچری اسکور کرتے ہو ئے133رنز بنائے ان کی اننگ میں11چوکے اورتین چھکے شامل تھے۔ ویسٹ انڈیز کی جانب سے جیروم ٹیلر اور جیسن ہولڈر نے 3،3 وکٹیں حاصل کی۔