ایمز ٹی وی (اسپورٹس) کرس گیل ٹی 20 کرکٹ میں 10 ہزار رنز مکمل کرنے والے دنیا کے پہلے بلے باز بن گئے۔ ویسٹ انڈیز کے جارح مزاج بلے باز کرس گیل نے آئی پی ایل میں رائل چیلنجرز بنگلور کی نمائندگی کرتے ہوئے ٹی 20 کیریئر کے 10 ہزار رنز مکمل کرلئے، وہ یہ سنگ میل عبور کرنے والے دنیا کے پہلے بلے باز بن گئے۔ گیل نے آئی پی ایل 10 میں گجرات لائنز کیخلاف بیٹنگ کرتے ہوئے اپنے ٹی 20 کیریئر کے 10 ہزار رنز مکمل کرکے کارنامہ انجام دیا، انہوں نے مجموعی طور پر 290 میچز کھیل کر یہ سنگ میل عبور کیا۔ کرس گیل نے ٹی 20 کیریئر میں 10 ہزار رنز مکمل کرنے کے ساتھ ساتھ 18 شاندار سنچریاں بھی بنا رکھی ہیں۔