لاہور: بابر اعظم پہلی بارورلڈکپ میں شرکت کیلیے پُرجوش ہیں اور اسٹار بیٹسمین کا کہنا ہے کہ میں پاکستان کی فتوحات میں اہم کردار اداکرنے کی کوشش کروں گا۔

پاکستان کرکٹ کی سب سے بڑی ویب سائٹ  کو خصوصی انٹرویو میں بابر اعظم نے کہا کہ ورلڈکپ میں شرکت کا خواب پورا ہونے جارہا ہے، میگا ایونٹ کا حصہ بننے کا موقع ملنے پر میں خوش اور پُرجوش ہوں،آسٹریلیا کیخلاف سیریز میں آرام سے توانائی بحال ہوگئی، پاکستان کی فتوحات میں اہم کردار اداکرنے کی کوشش کروں گا۔

ایک سوال پر انھوں نے کہا کہ ویرات کوہلی کے ساتھ میرا موازنہ نہیں کرنا چاہیے لیکن ان کے ساتھ نام آتا ہے تو اس پر بہت خوشی محسوس کرتا ہوں، وہ دنیا کے بہترین بیٹسمین ہیں،میں ان جیسا نہیں بن سکتا لیکن پرستار دعا کریں کہ کوہلی کی طرح رنز بناؤں۔

انھوں نے کہا کہ فی الحال میرا پہلا ہدف انگلینڈ کے خلاف سیریز میں رنز بنانا ہے، دوسری ٹیموں سے پہلے وہاں جاکر میزبان ٹیم کیخلاف ایک ٹی ٹوئنٹی اور 5 ون ڈے اور پریکٹس میچز میں کنڈیشنز سے ہم آہنگ ہونے میں مدد ملے گی۔