ایمزٹی وی(اسپورٹس) زمبابوے کرکٹ ٹیم کے کپتان ایلٹن چگمبرا نے اپنے عہدے سے استعفیٰ دے دیا ہے۔ تفصیلات کے مطابق زمبابوے کرکٹ ٹیم کو اچانک بڑے دھچکے کا سامنا کرنا پڑا ہے۔ ٹیم کے 29 سالہ کپتان ایلٹن چگمبرا نے ٹیسٹ‘ ون ڈے اور ٹی ٹوینٹی کرکٹ کی کپتانی کے عہدے سے استعفیٰ دے دیا ہے۔
بنگلہ دیش کے ساتھ 2-2 کی ٹی ٹوینٹی سیریز برابر کے کھیلنے کے بعد آل راﺅنڈر کپتان کا کہنا تھا کہ یہ استعفیٰ دینے کا بہترین وقت ہے۔ انہوں نے سینئر پلیئر کے طور پر ٹیم کے ساتھ کھیلنے کی خواہش کا اظہار کیا۔ واضح رہے کہ گزشتہ سال کے آخر میں افغانستان کے ساتھ 3-2 سے ون ڈے سیریز ہارنے کے بعد انہیں شدید تنقید کا سامنا کرنا پڑا تھا۔