ایمزٹی وی(اسپورٹس) نیوزی لینڈ نے 25 جنوری سے پاکستان کے خلاف شروع ہونے والی ون ڈے سیریز کیلئے سکواڈ کا اعلان کر دیا ۔ جارحانہ بلے باز اور کیویز کپتان برینڈن میکلم صرف آخری میچ میں ان ایکشن ہوں گے ۔ ٹی 20 سیریز کے بعد اب پاکستان اور نیوزی لینڈ میں ون ڈے کا میدان سجنے کو ہے ۔ دونوں ٹیموں کے درمیان تین ون ڈے میچوں پر مشتمل سیریز کا پہلا میچ 25 جنوری کو ویلنگٹن میں کھیلا جائیگا ۔ میزبان ملک نے قومی ٹیم کیخلاف ون ڈے سکواڈ کا اعلان کر دیا ہے ۔ ایک روزہ میچز کیلئے کیویز کی ٹیم میں 3 تبدیلیاں کی گئی ہیں ۔ نیوزی لینڈ کے ون ڈے کپتان برینڈن میکلم سمیت بی جے واٹلنگ اور سپنر ہنری نکلس ٹیم میں شامل ہو گئے ہیں ۔ برینڈن میکلم صرف تیسرے میچ میں ان ایکشن نظر آئیں گے جبکہ پہلے دو میچز میں ان کی جگہ کین ولیم سن بطور کپتان فرائض انجام دیں گے