Reporter SS

’اسمرفز: دی لوسٹ ولیج‘ کا نیا ٹریلر جاری

ایمز ٹی وی (انٹرٹینمنٹ)ہالی ووڈ کی2011 کی بلاک بسٹر اینیمیٹڈ کامیڈی فلم دی اسمرفز کے نئے حصے ’اسمرفز: دی لوسٹ ولیج‘ کی نئی جھلکیاں جاری کردی گئی ہیں۔

کیلی ایسبیری کی ہدایتکاری میں بننے والی اس فلم کی کہانی اسمرفز کے گرد گھوم رہی ہے جو جنگلات میں چھپے پراسرار حقائق کی کھوج لگاتے دکھائی دیںگے۔

فلم میں آواز کا جادو جگانے والے فنکاروں میں ڈیمی لوویٹو،مینڈی پیٹنکن،جیک میک بریئر،ڈینی پوڈی اور رین ولسن سمیت دیگر شامل ہیں۔ جارڈن کرنر کی پروڈیو س کردہ یہ فلم کولمبیا پکچرز کے بینر تلے30مارچ کو سینما گھروں کی زینت بنے گی۔

جگر کے لیے تباہ کن ثابت ہونے والی چندغذائیں

ایمز ٹی وی(صحت) جگر انسانی جسم کے ان حصوں میں سے ایک ہے جن کو عام طور پر اس وقت تک سنجیدہ نہیں لیا جاتا جب تک وہ مسائل کا باعث نہیں بننے لگتے اور کچھ لوگوں کے لیے بہت تاخیر ہوجاتی ہے۔

جگر کا درست طریقے سے کام کرنا متعدد وجوہات کے باعث اچھی صحت کے لیے انتہائی ضروری ہے تاہم اس کی بڑی اہمیت یہ ہے کہ ہم جو کچھ بھی کھاتے ہیں اسے ہضم کرنے کے لیے جگر کی ضرورت ہوتی ہے۔

کیا آپ کو علم ہے کہ کونسی غذا جگر کے لیے تباہ کن ثابت ہوسکتی ہے

جنک یا فاسٹ فوڈ چربی سے بھرپور خوراک ہے جو کہ جگر کو صحت مند رکھنے کے حوالے سے انتہائی تباہ کن انتخاب ثابت ہوتی ہے۔ ایسی غذا کو اکثر کھانا جگر کے لیے اپنا کام کرنا مشکل ترین بنا دیتا ہے۔ وقت گزرنے کے ساتھ جگر میں ورم ہوسکتا ہے جو کہ جگر کے زخم وغیرہ میں تبدیل ہوسکتا ہے۔ تو فاسٹ فوڈ کا کم از کم استعمال جگر کے لیے فائدہ مند ہے۔

بہت زیادہ میٹھا کھانے کے شوق کی قیمت بھی جگر کو چکانا پڑتی ہے (ذیابیطس اور دیگر امراض کا خطرہ الگ بڑھتا ہے)، اس کی وجہ یہ ہے کہ جگر کا کام ہی شکر کو چربی میں بدلنا ہے، اگر خوراک میں مٹھاس بہت زیادہ ہوگی تو جگر بہت زیادہ چربی بنانے لگے گا جو کہ آخر میں وہاں جمع ہونے لگے گی جہاں اسے نہیں ہونا چاہئے، طویل المعیاد بنیادوں پر یہ فیٹی لیور امراض کا باعث بنتا ہے، تو منہ میٹھا کرنے کا شوق بہت زیادہ نہیں ہونا چاہئے۔

جسم کو نمک کی ضرورت ہوتی ہے مگر اتنی زیادہ نہیں جتنی خوراک میں استعمال کی جاتی ہے۔ زیادہ نمک والی غذاﺅں کے نتیجے میں جگر کے امراض کی ابتدائی سطح کا سامنا ہوسکتا ہے جس سے بچنا آسان ہے یعنی نمک کا معتدل استعمال اسی طرح پراسیس غذائیں بھی بہت زیادہ نمک پر مشتمل ہوتی ہیں جو کہ جگر کے لیے نقصان دہ ہے۔

چپس اور بیک اگر آپ کو بیک ہونے والے اسنیکس پسند ہیں تو یہ جان لیں کہ وہ چینی، نمک اور چربی سے بھرپور ہوتے ہیں، جن کے نقصانات آپ اوپر پڑھ ہی چکے ہیں، اگر بے وقت بھوک لگی ہے تو پھل اس کا زیادہ بہتر متبادل ہیں۔

ایشیائی پارلیمانی اسمبلی کا اجلاس جاری

ایمز ٹی وی(اسلام آباد)وفاقی دارالحکومت میں ایشیائی پارلیمانی اسمبلی کا اجلاس شروع ہوگیا ہے۔

تفصیلات کے مطابق اسلام آباد میں ایشیائی پارلیمانی اسمبلی کے اجلاس میں بھارت سمیت 22 ممالک کے 70 سے زائد مندوبین شرکت کررہے ہیں۔ایشین پارلیمنٹ کا قیام ایجنڈے میں شامل ہے۔

چیئرمین سینٹ میاں رضاربانی اور سپیکر قومی اسمبلی ایاز صادق بھی اجلاس میں شریک ہیں۔

ترقی کے منصوبے کی مفاہمتی یادداشت پر دستخط

ایمز ٹی وی ( تجارت) پاکستان اسٹون ڈویلپمنٹ کمپنی (پاسڈیک) آزاد کشمیر میں ماربل اور گرینائٹ کی ترقی کے منصوبے قائم کرے گی۔ اس سلسلے میں پاسڈیک اور آزاد کشمیر منرل اینڈ انڈسٹریل ڈویلپمنٹ کارپوریشن(اے کے ایم آئی ڈی) کے درمیان مفاہمت کی ایک یادداشت پر دستخط کئے گئے ۔ اس موقع پر وزیراعظم آزاد کشمیر راجہ فاروق حیدر اور چیئرمین پاسڈیک بورڈ آف ڈائریکٹرز آغا شاہد این خان بھی موجود تھے۔

مفاہمت کی یادداشت پر چیف ایگزیکٹو آفیسر پاسڈیک زاہد مقصود شیخ اور سیکرٹری انڈسٹریز، لیبر اینڈ منرل ریسورسز آزاد کشمیر نے دستخط کئے۔ آزاد کشمیر میں ماربل اور گرینائٹ کے وسیع ذخائر موجود ہیں ، حکومت ان ذخائر کو جدید میکنائزڈ کوائرنگ کے ذریعے استعمال میں لانا چاہتی ہے۔ تاکہ اس شعبہ کی ترقی سے فوائد حاصل کئے جاسکیں۔ چیف ایگزیکٹو آفیسر پاسڈیک زاہد مقصود شیخ نے سیکٹر کی ترقی کے منصوبوں پر تفصیلات سے آگاہ کرتے ہوئے بتایا کہ پاسڈیک آزاد کشمیر میں پائے جانے والے اعلیٰ معیار کے حامل ڈائمنشنل اسٹون کے ذخائر کی ترقی کیلئے حکومت آزاد کشمیر کے ساتھ کام کرنا چاہتی ہے۔

مفاہمت کی یادداشت کے تحت پاسڈیک حکومت آزاد جموں و کشمیر کو میکنائزڈ کوائریز قائم کرنے سمیت سیکٹر کی ترقی کیلئے منصوبہ بندی، پروسیسنگ سہولیات، پیشہ وارانہ ہنر کی ترقی اور انڈسٹریل اسٹیٹس کے قیام کے سلسلے میں ضروری تیکنیکی مدد فراہم کرے گی۔ وزیر اعظم آزاد کشمیر راجہ فاروق حیدر نے آزاد کشمیر کے ماربل اور گرینائٹ سیکٹر کی ترقی کیلئے پاسڈیک کی کوششوں اور اقدامات کو سراہتے ہوئے یقین دلایا کہ حکومت کشمیری عوام اور ملک کے مفاد کیلئے تمام ضروری مدد فراہم کرے گی۔

جدید ترین ٹیکنالوجی سے لیس ملبوسات متعارف

ایمز ٹی وی (مانیٹرنگ ڈیسک) گوگل نے اپنی پہلی اسمارٹ جیکٹ متعارف کرادی ہے جس کے لیے اس نے معروف کمپنی لیوی سے شراکت داری کی ہے۔

اس جیکٹ کو سامنے لانے کا اعلان دو سال قبل کیا گیا تھا جس کا مقصد جدید ترین ٹیکنالوجی سے لیس ملبوسات کو متعارف کرانا تھا۔

اس منصوبے کا پہلا حصہ ایک کنکٹڈ جیکٹ کی شکل میں سامنے آیا ہے جسے دی کمیوٹر کا نام دیا گیا ہے۔

اس میں گوگل کی جیک کوارڈ ٹیکنالوجی کو استعمال کرکے کپڑے کو ہاتھوں سے کنٹرول ہونے والے کینوس میں بدل دیا گیا ہے۔

یہ جیکٹ رواں سال کسی وقت ساڑھے تین سو ڈالرز میں فروخت کے لیے پیش کی جائے گی۔

اس میں بلیوٹوتھ کف دیئے گئے ہیں جنھیں اسمارٹ فون سے منسلک کرکے جانا مختلف راستوں کے بارے میں جانا جاسکتا ہے، میوزک کی آواز کو کم یا تیز کیا جاسکتا یا کسی فون کال کا بھی جواب دیا جاسکتا ہے، جیسا آپ نیچے ویڈیو میں بھی دیکھ سکتے ہیں۔

یہ سب آپ اپنی انگلیوں کو جیکٹ کے کپڑے پر کسی ٹچ اسکرین فون کی طرح سوایپ کرکے کرسکیں گے۔

اس جیکٹ کی بیٹری دو دن تک چل سکے گی اور بلیوٹوتھ ڈیوائس کو یو ایس بی کے ذریعے آسانی سے چارج کیا جاسکے گا۔

اس جیکٹ کی تیاری کے لیے ایسے دھاگے کا استعمال کیا گیا ہے جو کنڈیکٹو ہے تاکہ ٹیکنالوجی کے استعمال کو ممکن بنایا جاسکے۔

تھر پارکر میں کول پراجیکٹ کے دوسرے بلاک پر تعمیراتی کام کا آغاز

ایمز ٹی وی ( تجارت) چین پاکستان اقتصادی راہداری کے تحت تھر کول پراجیکٹ کے دوسرے سب سے بڑے بلاک کی تعمیر کے لئے ڈرلنگ اور تعمیراتی کام شروع کر دیاگیا ہے۔

زرائع کے مطابق صوبہ سندھ کے علاقے تھر پارکر میں کول پراجیکٹ کے دوسرے بلاک پر تعمیراتی کام کا آغاز کر دیا گیا ہے ۔ شروع کیے جانے والے تھر کول پراجیکٹ کے بلاک ون کی لاگت 2 سو ارب روپے جبکہ بلاک ٹو کی لاگت کا اندازہ 220 ارب روپے لگایا گیا ہے۔

واضح رہے کہ تھر پارکر میں کوئلے کے 4 ارب ٹن کے 150 کلومیٹر طویل بلاک میں موجود ہیں ،دونوں پراجیکٹس کی تعمیر کے بعد ان سے 132 میگاواٹ بجلی حا صل کی جا سکے گی

عامر خان کا عمران خان کے لیے بہترین تحفہ

ایمز ٹی وی( انٹر ٹینمنٹ )بالی ووڈ اداکار عامر خان کی انتہائی مشہور فلم ’لگان‘ تو سب کو یاد ہی ہو گی جس نے شہر ت کی انتہائی بلندیوں کو چھوا اور اسی فلم کے باعث عامر خان نے فلم انڈسٹری میں ایک نمایاں مقام بھی حاصل کیا تاہم اس فلم میں استعمال ہونے والا ایک بیٹ انہوں نے شوکت خانم کو نیلامی کیلئے تحفے میں دیا۔

تفصیلات کے مطابق بالی ووڈ اداکار عامر خان نے انکشاف کیاہے کہ جب پاکستانی لیجنڈ کرکٹر اور پاکستان تحریک انصاف کے چیئرمین عمران خان نے انہیں بلایا اور کہا کہ نیلامی کیلئے کوئی بہترین چیز لے کر آئیں جس پر عامر خان کا کہناتھا کہ میرے نزدیک سب سے اہم ترین چیز وہ ’بلا‘تھا جو میں نے لگان فلم میں استعمال کیا تھا۔

عامر خان کا کہناتھا کہ لگان فلم میں انہوں نے دو بیٹس استعمال کیے تھے جن میں سے ایک بیٹ انہوں نے عمران خان کو شوکت خانم کیلئے فنڈز اکھٹے کرنے کیلئے نیلامی کیلئے پیش کیا تھا۔ واضح رہے کہ عامر خان کی فلم لگان 2001میں نمائش کیلئے پیش کی گئی تھی جس نے شہرت کی بلندیوں کو چھوا تھا۔

پبلک وائی فائی ، پرائیویسی کیلئے بڑا خطرہ

ایمز ٹی وی(مانیٹرنگ ڈیسک) عوامی مقامات پر مفت وائی فائی میسر آنا بظاہر تو ایک سہولت لگتی ہے مگر یہ پرائیویسی کے لیے ایک خطرہ بھی ثابت ہوسکتی ہے۔

امریکا کے ایک معروف ہیکر اور کتاب دی آرٹ آف انویزیبلٹی کے مصنف کیون میٹنک کے مطابق لوگوں کو پبلک وائی فائی استعمال کرنے سے پہلے دوبار سوچنا چاہئے۔

ان کا کہنا تھا جب آپ اوپن وائی فائی استعمال کرتے ہیں تو آپ کی کمیونیکشن ریڈیو کی بجائے ڈیٹا انٹرسپیٹ کے طور پر ہوتی ہے۔

ان کے بقول یہ بہت آسان ہے کہ آپ کے وائرلیس کارڈ کو مانیٹر موڈ سیٹ میں ڈھالا جاسکے اور ایسے متعدد ٹولز دستیاب ہیں جنھیں آپ انٹرنیٹ سے ڈاﺅن لوڈ بھی کرسکتے ہیں۔

یہ ٹول آپ کو وائرلیس کارڈ promiscuous موڈ میں استعمال کرسکتے ہیں۔

تو وائی فائی میں ترسیل کیے جانے والے پیکٹس کے ذریعے کوئی آپ کے کمپیوٹر تک رسائی حاصل کرسکتا ہے۔

ایسی متعدد کمیونیکشنز ہوتی ہیں جن کی مدد سے ہیکر نہ صرف کمپیوٹر تک رسائی حاصل کرلیتا ہے بلکہ نجی معلومات بھی اس کے ہاتھ میں آجاتی ہے۔

تو پبلک وائی فائی استعمال کرنے کی بجائے اپنی پورٹ ایبل انٹرنیٹ ڈیوائس کے استعمال کو ترجیح دیں خصوصاً لیپ ٹاپس وغیرہ کے لیے،جنھیں پاس ورڈ سے محفوظ بنایا جائے جسے ڈبلیو پی اے ٹو کی بھی جاتا ہے اور اسے محفوظ ترین قرار دیا جاتا ہے۔

جلد کی چمک دمک بحال کرنے کے آسان نسخے

ایمز ٹی وی(مانیٹرنگ ڈیسک) کیا آپ کی جلد کی چمک دمک ختم ہوتی جارہی ہے اور اس پر پیلاہٹ نمایاں ہونے لگی ہے؟

اگر ہاں تو ایک طبی تحقیق کے نتائج کے مطابق یہ جسم میں وٹامن بی 12 کی کمی کا نتیجہ ہوسکتا ہے۔

وٹامن بی 12 ڈی این اے، صحت مند اعصاب کو برقرار رکھنے اور خون کے خلیات کے لیے انتہائی ضروری ہوتا ہے۔

یہ خون کے خلیات کو تحفظ دے کر نہ صرف جسم میں خون کی کمی کو روکتا ہے بلکہ جسم میں آکسیجن کو کام کرنے میں بھی مدد فراہم کرتا ہے۔

عام طور پر ایک بالغ شخص کو دن بھر میں 2.4 ملی گرام وٹامن بی 12 کی ضرورت ہوتی ہے جو اکثر پروٹین سے بھرپور خوراک سے حاصل ہوجاتی ہے تاہم اگر اس کی کمی ہوجائے تو جلد پر پیلاہٹ نمایاں ہونے لگتی ہے۔

اس حوالے سے گوشت، چکن، انڈے اور دودھ کی مصنوعات قابل ذکر ہیں، جبکہ سبزیوں کا بہت زیادہ استعمال اس وٹامن کی کمی کا باعث بن سکتا ہے۔

تحقیق میں بتایا گیا کہ ایسا ہونے پر جسم میں خون کے سرخ خلیات کی کمی ہوجاتی ہے اور خون کے خلیات آکسیجن کو لے جانے کا کام کرنے سے قاصر رہتے ہیں جس کے نتیجے میں آکسیجن کی کمی ہوتی ہے اور جلد پر پیلاہٹ نمایاں ہونے لگتی ہے۔

تحقیق کے مطابق یرقان بھی وٹامن بی 12 کی نمایاں کمی کی علامت ہوتا ہے اور آگے بڑھ کر اس سے جگر کے کینسر یا ہیپاٹائٹس کے امراض کا خطرہ بھی بڑھ سکتا ہے۔

ڈینگی وائرس ایک بار پھر بے قابو

ایمزٹی وی(صحت) کراچی میں ڈینگی وائرس کے مزید12کیسز سامنے آگئے جس کے بعد رواں سال شہر میں ڈینگی سے متاثرہ افراد کی تعداد 119ہو گئی ہے۔

ڈینگی پریوینشن اینڈ کنٹرول پروگرام سندھ کی جاری کردہ رپورٹ کے مطابق5سے 11 مارچ کے دوران کراچی میں ڈینگی وائر س کے 12 مریض رپورٹ ہوئے ہیں جن میں سے4افراد کو مختلف اسپتالوں میں داخل کیا گیا ہے جبکہ8مریضوں کو او پی ڈی میں لایا گیا۔

رپورٹ کے مطابق ضلع شرقی میں1، ضلع وسطی میں2، ضلع جنوبی میں5،ضلع غربی میں2 اور ضلع کورنگی میں بھی 2 کیس رپورٹ ہوئے ہیں ۔

رپورٹ کے مطابق رواں سال کے ابتدائی10ہفتوں میں صوبے بھر میں ڈینگی سے متاثرہ مریضوں کی تعداد127ہوگئی ہے جن میں119مریضوں کا تعلق کراچی سے ہے۔

واضح رہے کہ گزشتہ سال بھی ڈینگی وائر س سے ہزاروں افراد متاثر ہوئے تھے درجنوں ہلاکتیں ہوئی تھیں لیکن اس کے باوجود حکومتی اداروں نے ڈینگی کے خاتمے کیلئے خاطر خواہ اقدامات نہیں کیے۔

Page 1833 of 2391