ان کا کہنا تھا کہ ہمارے کھلاڑی حریف سے خوف زدہ نہیں ہوتے ،گراونڈ میں پوری طرح مقابلہ کرتے ہیں۔ کپتان سرفراز احمد نے گراونڈ میں موجود اپنے سپورٹرز کا بھی شکریہ ادا کیا۔

ایمز ٹی وی ( انٹرٹینمنٹ )غیر معمولی صلاحیتوں کے مالک پانچ نوجوانوں پر مبنی ہالی وڈ کی نئی سائنس فکشن ڈرامہ فلم '’پاور رینجرز‘کا نیاٹریلر جاری کر دیا ۔ ہدایتکارڈین اسرائیلٹ کی اس فلم کی کہانی چھوٹے سے ٹاؤن کے رہائشی پانچ ایسے اسٹوڈنٹس کے گِرد گھومتی ہے جنہیں زمین کی حفاظت کیلئے ایسی طاقت مل جاتی ہے جس کی بدولت یہ نوجوان خطرناک دشمنوں سے لڑتے ہوئے انسانوں کی جان بچاتے ہیں اور پھر پاور رینجرزکہلانے لگتے ہیں ۔

ہائم سبان،برائن کیسٹینی اورویک گوڈفری کی مشترکہ پروڈکشن میں بننے والی اس سنسنی خیز ڈرامہ فلم میں اداکار ڈیکری مونٹ گومری ، نومی ا سکاٹ ، آر جے سائیلر، بیکی جے، لوڈی لِن ، برائن کرینسٹن اورالزبیتھ بینکس اہم کرداروں میں جلوہ گر ہو رہے ہیں۔ 150ملین ڈالرلاگت سے بننے والی اس ایکشن تھرلر فلم کولائنز گیٹ اسٹوڈیوز کے تحت24مارچ کونمائش کیلئے پیش کر دیا جائیگا۔

ایمز ٹی وی (تعلیم /حیدرآباد ) تعلیمی بورڈ حیدرآباد نے اپنے ایک اعلامیہ میں بتایا ہے کہ ایچ ایس سی کے سپلیمنٹری امتحان 2016ءمیں فیل ہونے والے طلبہ و طالبات جو اب ایچ ایس سی پارٹ ون اور پارٹ ٹو کلاس کے سالانہ امتحان 2017ءمیں دینا چاہتے ہیں۔

ان کے لیے امتحانی فارم بغیر لیٹ فیس کے 28 فروری تک لیے جائیں گے جبکہ امتحانی فارم 300روپے لیٹ فی کے ساتھ8مارچ‘ 600روپے لیٹ فی کے ساتھ 16 مارچ‘ ایک ہزار روپے لیٹ فیس کے ساتھ 22 مارچ‘ 1500روپے لیٹ فی کے ساتھ 30مارچ‘ 2000روپے لیٹ فی کے ساتھ 13اپریل اور 2500روپے لیٹ فیس کے ساتھ 20اپریل تک وصول کیے جائیں گے۔

ایمز ٹی وی(اسپورٹس) پاکستان سُپر لیگ میں کوئٹہ گلیڈی ایٹرز نے کراچی کنگز کو باآسانی 6 وکٹ سے ہراکر پلے آف مرحلے کے لیے کوالیفائی کرلیا۔

کوئٹہ گلیڈی ایٹرزپلے آف میں کوالیفائی کرنے والی پہلی ٹیم

دبئی میں کوئٹہ گلیڈی ایٹرز کے خلاف کراچی کنگز نے پہلے بیٹنگ کی ، اوپنر بابر اعظم اور سنگاکارا نے ٹیم کو 63رنز کا اچھا اسٹارٹ دیا۔

سنگاکارا 28 رنز بناکر آؤٹ ہوئے جبکہ بابر اعظم نے 36 رنز کی اننگز کھیلی۔

کنگزکی جیت کا خواب چکنا چور

شعیب ملک صرف 9 رنز بناسکے جبکہ آؤٹ آف فارم کرس گیل نے فارم میں واپسی کی کوششیں کیں ۔وہ 34 گیندوں پر 29 رنز بنانے میں کامیاب رہے۔

پولارڈ نے 31 رنز اسکور کیے۔عماد وسیم نے اننگز کی آخری گیند پر چھکا لگا کر کراچی کنگز کا اسکور چھ وکٹ پر 154رنز تک پہنچایا۔اس کے جواب میں کوئٹہ گلیڈی ایٹرز کے اوپنرز احمد شہزاد اور اسد شفیق نے عمدہ بیٹنگ کی اور ٹیم کو 105رنز کا آغاز فراہم کیا۔

میچ کی جیت پر سرفراز نے حریفوں کو کیا کہا؟؟

احمد شہزاد 54رنز بنانے کے بعد آؤٹ ہوئے جبکہ اسد شفیق نے 51رنز کی اننگز کھیلی۔کیون پیٹرسن بغیر کوئی رن بنائے آؤٹ ہوگئے جس کے بعد سرفراز نے روسو اور پھر محمود اللہ کی شراکت میں ہدف 19 اوورز میں حاصل کرلیا۔

اس فتح کے بعد کوئٹہ گلیڈی ایٹرز کی ٹیم کے 9 پوائنٹس ہوگئے اور وہ پلے آف میں کوالیفائی کرنے والی پہلی ٹیم بھی بن گئی۔

ایمز ٹی وی ( انٹر ٹینمنٹ )معروف ٹی وی اداکار فاروق ضمیر طویل علالت کے بعد انتقال کرگئے۔ سینئر ٹی وی اداکار فاروق ضمیر کو گزشتہ دنوں سانس کی تکلیف کی شکایت پر سی ایم ایچ منتقل کیا گیا تھا جہاں وہ کئی روز سے زیر علاج تھے۔

فاروق ضمیرکے انتقال پر اداکاروں اور ادیبوں سمیت شوبز سے تعلق رکھنے والی دیگر شخصایت نے افسوس کا اظہار کیا ہے۔

فاروق ضمیر نے فنی کیرئیر کا آغاز 90 کی دہائی سے کیا اور کئی معروف ڈراموں میں اداکاری کے جوہر دکھائے جس میں ’’رانی‘‘،’’گڈریا‘‘،’’سراغ زندگی‘‘،’’93 شمالی‘‘سمیت کئی شامل ہیں جب کہ انہوں نے کئی نجی ٹی وی کے ڈراموں میں بھی اداکاری کی ہے۔

یمز ٹی وی (تعلیم /خیرپور ) خیرپو رمیں تعلیمی ایمرجنسی پر عملدرآمد کرانے کے لیے ناز پائلٹ سیکنڈری اسکول میں اجلاس منعقد ہوا ۔ جس کی صدارت ایڈیشنل ڈپٹی کمشنر اور چیف ایجوکیشن مانیٹرنگ آفیسر ریاض حسین وسان نے کی اجلاس میں ضلع بھر کے ہائی اسکولوں اور ہائیر سیکنڈری اسکولوں کے ہیڈ ماسٹروں اور ڈسٹرکٹ ایجوکیشن افسران شریک ہوئے اجلاس میں تعلیمی ترقی کے لیے کئی اہم فیصلے کئے گئے اور تعلیمی عمل کو پروان چڑھانے کے نئے نعرے متعارف کرائے گئے .

جس کو خیرپور کے تعلیمی سلوگن کا نام دیا گیا نئے بنائے گئے سلوگن میں علم آزادی ہے ،جہالت غلامی ہے ،استاد عظیم ہے اور شاگرد مستقبل ہے، کے نعرے شامل ہیں. چیف ایجوکیشن مانیٹرنگ آفیسر ریاض حسین وسان نے اجلاس سے خطاب کر تے ہوئے کہاکہ خیرپور سندھ کا دیہی ضلع ہے نارا، فیض گنج،ٹھری میرواہ تحصیلوں میں تعلیمی پسماندگی ہے جبکہ دریائے سندھ کے بائیں کنارے کے کچے کے علاقوں میں تعلیمی سہولیات کم ہیں ہم مل کر تعلیمی پسماندگی کا خاتمہ کریں گے.

جن علاقوں میں تعلیمی سہولیات کی کمی ہے ان علاقوں میں تعلیم کی سہولیات فراہم کریں گے انہوں نے کہاکہ تعلیمی درس دینےو الے استاد عظیم ہیں جبکہ طلبہ ہمارا مستقبل ہیں اساتذہ کو دلی لگن سے طلبہ کو پڑھانا ہو گا تاکہ ہمارے علاقے کے نوجوانوں کا مستقبل سنہری ہوجائے۔