Reporter SS
ایمزٹی وی(انقرہ) وزیر اعظم نواز شریف کے دورہ ترکی کے دوران ملاقاتوں اور طے پانے والے معاہدوں کے بارے میں مشترکہ اعلامیہ جاری کردیا گیا ہے،
ہتھیاروں کی روک تھام اورجوہری عدم پھیلاوےعالمی ہدف کیلیے تعاون بڑھانےپراتفاق کیا گیا ہے،ترکی کی جانب سے نیوکلیئرسپلائرزگروپ سے متعلق پاکستان کے موقف کی تعریف کی گئی ہے،دونوں ملک دفاع کے شعبے میں طویل المدت اور دوررس حکمت عملی اپنائیں،مشترکہ دفاعی پیداوار اور تحقیق پر توجہ دینے ، دونوں ملکوں کی وزارت خارجہ کے درمیان مشاورت کو مزید موثربنانے، ترقی اور استحکام کے حصول کیلیے اقتصادی تعاون تنظیم کو مزید موثر بنانے کا عزم کیا گیا ہے،دونوں ملکوں نے سلامتی کونسل اصلاحات کیلیے ممکنہ وسیع تراتفاق رائے پربھی زور دیا ہے۔
اعلامیے میں کہا گیا ہے کہ اقوام متحدہ کی سلامتی کونسل کو مزید جمہوری،شفاف ،موثراور جوابدہ ہونا چاہیے،مسئلہ کشمیراقوام متحدہ کی سلامتی کونسل کی قراردادوں کے مطابق حل ہونا چاہیے'پاکستان،ترکی کامسئلہ کشمیرکوجامع مذاکرات کے ذر یعے حل کرنے کی ضرورت پرزور دیا گیا ہے، انتہاپسندی کے خطرات سے نمٹنے کیلیے بھرپور معاونت ، ہر قسم کی دہشت گردی کے خلاف مل کر لڑنے کے عزم کا اعادہ کیا گیا ہے، سیاسی رابطہ گروپ تمام دیگرورکنگ گروپس کی سرگرمیوں کا ذمے دارہوگا، سیاسی ،پارلیمانی،تجارتی،سول سوسائٹی اور میڈیا کے تبادلوں کو فروغ دیا جائیگا، پاکستان اور بھارت کے درمیان متنازع امور کو حل کرنے پر زور دیا گیا، اعلیٰ سطح اسٹریٹجک کونسل کے فیصلوں پرموثرعملدرآمد یقینی بنایا جائیگا۔
او آئی سی ، اقوام متحدہ ،ای سی او کے فورم پر قریبی روابط بڑھائیں جائینگے، ڈی ایٹ سمیت عالمی و علاقائی فورمز پر ایک دوسرے کی حمایت جاری رکھیں گے، دونوں ملکوں کی وزارت خارجہ کے درمیان مشترکہ رابطہ ورکنگ گروپ تشکیل دیاجائیگا،سیاسی رابطہ گروپ تمام دیگرورکنگ گروپس کی سرگرمیوں کا ذمے دارہوگا، سیاسی ،پارلیمانی،تجارتی،سول سوسائٹی اور میڈیا کے تبادلوں کو فروغ دیا جائیگا، پاکستان اور ترکی نے دہشت گردی کواسلام سے جوڑنے پرتحفظات کااظہار کیا ہے۔
17نومبر2016کےا سٹریٹجک تعاون اجلاس کے مشترکہ اعلامیے پر عملدرآمد،گزشتہ تمام اجلاسوں کے فیصلوں پر مکمل عملدرآمدیقینی بنانے، دونوں ملکوں میں امن اور خوشحالی کیلیے ایک دوسرے کی بھرپورحمایت کا عزم کیا گیا ہے، پاکستان نے ترکی میں 15 جولائی کی بزدلانہ ناکام فوجی بغاوت ، پاکستان اور ترکی میں دہشت گرد حملوں کی شدید مذمت کرتے ہوئے فوجی بغاوت ناکام بنانے والے بہادر اور پرعزم ترک عوام کو خراج تحسین پیش کیا ہے۔
ایمزٹی وی(انقرہ)وزیراعظم نوازشریف نے کہاہے کہ پنجاب میں رینجرز تعیناتی کا فیصلہ چند دن پہلے وزیراعظم ہاﺅس میں ہوا،افغانستان میں چھپے دہشتگرد پاکستان میں دہشتگردی نہ کریں ۔
وزیراعظم نوازشریف نے انقرہ میں میڈیا سے غیر رسمی گفتگو کرتے ہوئے لاہور میں ہونے والے دھماکے پر افسوس کا اظہار کیا اور کہا کہ دہشتگردوں کا خاتمہ کر کے دم لیں گے ۔پاکستان میں حالیہ دہشتگردی کا تعلق سرحد پار سے ہے ۔ان کا کہناتھا کہ اندرونی و بیرونی دہشتگرد پاکستان کو ترقی کرتا نہیں دیکھ سکتے ۔
نوازشریف کا کہناتھاکہ ہم افغانستان میں استحکام دیکھنا چاہتے ہیں اور چاہتے ہیں کہ افغان سرزمین پاکستان کیخلاف استعمال نہ ہوا ،ترکی افغانستان پر اپنا اثر و سوخ استعمال کرے.
انہوں نے کہا کہ ہم نے بھارت پر انتخابات میں الزام تراشی نہیں کی ،ہم بھارت کے ساتھ اچھے تعلقات کے ساتھ ساتھ تجار ت بھی بڑھا نا چاہتے ہیں ۔صحافی نے وزیراعظم سے پاناما سے متعلق سوال کیا جس پر انہوں نے جواب دینے سے انکار کر تے ہوئے کہا جس کام کیلئے آیا ہوں وہ کرنے دیں ۔
ایمزٹی وی(اسلام آباد)پاکستان تحریک انصاف کے چیئرمین عمران خان نے دورہ لاہور منسوخ کر دیاہے۔میڈیا ذرائع کے مطابق عمران خان نے لاہور آنا تھا لیکن سیکیورٹی خدشات کے باعث دورہ منسوخ کر دیا گیاہے ۔
لاہور کے علاقے ڈیفنس زیڈ بلاک میں دھماکے میں آٹھ افراد شہید جبکہ 20سے زائد زخمی ہو گئے ہیں جنہیں طبی امداد کیلئے ہسپتال منتقل کیا جا چکاہے ۔
سکیورٹی فورسز کی جانب سے ڈیفنس کے داخلی و خارجی راستوں پر سیکیورٹی انتہائی سخت کر دی گئی ہے
ایمزٹی وی(اسلام آباد)فوجی عدالتوں کے قیام میں توسیع کے معاملے پر پارلیمانی رہنماﺅں کا آج ہونے والا اجلاس بے نتیجہ ختم ہو گیا، اجلاس کو کل 10بجے دوبارہ طلب کر لیا گیا ۔اسپیکر قومی اسمبلی ایاز صادق نے پارلیمانی کمیٹی کا بائیکاٹ ختم کرنے کے لیے پیپلز پارٹی کے شریک چیئر مین آصف علی زرداری سے رابطے کا فیصلہ کرلیا ۔
ذرائع کے مطابق فوجی عدالتوں کے معاملے پر پارلیمانی کمیٹی کے اجلاس کا پیپلز پارٹی نے بائیکاٹ کیا ۔پیپلز پارٹی نے اعتراض اٹھا یا ہے کہ 21ویں ترمیم کے ڈرافٹ میں اتفاق رائے کے بغیر کیسے ترمیم کی جا سکتی ہے لہذا ان ترامیم کو ختم کیا جائے ۔
آ ج اجلاس میں تحریک انصاف ،اے این پی اورایم کیو ایم کا اتفاق تھا کہ 21ویں ترمیم کے ڈرافٹ میں تبدیلی نہ کی جائے ۔اجلاس میں مولانا فضل الرحمان نے کہا کہ آصف علی زرداری نے ٹیلی فون کیا اور وہ اس معاملے پر آل پارٹیز کانفرنس بلانا چاہتے ہیں ۔کمیٹی نے قومی اسمبلی کے اسپیکر ایاز صادق سے کہا ہے کہ وہ آصف علی زرداری کو ٹیلی فون کرکے کل اجلاس میں پیپلز پارٹی کی شرکت کو یقینی بنائیں تاکہ آگے بڑھا جا سکے ۔ کمیٹی نے اس امر پر زور دیا ہے کہ فوجی عدالتوں کے معاملے پر تمام سیاسی جماعتوں کے اتفاق رائے سے آگے بڑھا جائے ۔
ایمزٹی وی(ترکی)ترک وزارت دفاع نے خواتین فوجی افسران کے دوران ڈیوٹی اسکارف پہننے پر عائد تاریخی پابندی اٹھا لی۔ ترکی کی سرکاری خبر ایجنسی کے مطابق وزارت دفاع کی جانب سے خواتین فوجی افسران کے دوران ڈیوٹی اسکارف پہننے پر عائد پابندی فوری طور پر اٹھالی گئی ہے
جس کے بعد خواتین فوجی افسران اب دوران ڈیوٹی بھی اسکارف پہن سکیں گی، فیصلے کا اطلاق جنرل اسٹاف ، کمانڈ ہیڈ کوارٹر اور اس کی شاخوں پر فرائض انجام دینے والی افسران پر ہوگا۔
اسکارف پہننے سے متعلق جاری فیصلے میں خواتین افسران کو پابندی کیا گیا ہے کہ وہ یونیفارم کے رنگ سے ملتا جلتا اسکارف پہننے کی پابند ہوں گی تاہم انہیں چہرہ چھپانے کی اجازت نہیں ہوگی البتہ اسکارف پہننے کے بعد اس پر روایتی فوجی کیپ پہننا بھی لازم ہوگا۔
واضح رہے کہ ترک حکومت نے 2013 میں سرکاری تعلیمی اداروں میں خواتین کے اسکارف پہننے پر پابندی اٹھائی جس کے بعد گزشتہ سال اگست میں پہلی مرتبہ محکمہ پولیس میں خواتین کو اسکارف پہننے کی اجازت دی گئی اور اسے باقاعدہ طور پر وردی کا حصہ بنالیا۔
ایمزٹی وی(کوئٹہ)بلوچستان میں ایف سی اور انٹیلی جنس اداروں نے مشترکہ کارروائی کر کے دہشت گردی کی بڑی کوشش ناکام بنا دی ۔
آئی ایس پی آر کی جانب سے جاری بیان میں کہا گیا ہے کہ لور ا لائی کے علاقے کلی شاہ کاریز میں ایف سی اور خفیہ اداروں نے کارروائی کر کے 23خود ساختہ بارودی سرنگیں برآمد کرلیں اور انہیں ناکارہ بنا دیا ۔
بیان میں کہا گیا ہے کہ دہشت گرد قانون نافذ کرنے والے اداروں اور لورا لائی یونیورسٹی طلبہ کو نشانہ بنانا چاہتے تھے ۔بیان میں مزید کہا گیا کہ دہشت گرد لورا لائی یونیورسٹی کی بس کو نشانہ بنا نا چاہتے تھے جسے بروقت کارروائی کر کے ناکام بنا دیا گیا ۔
ایمزٹی وی(سندھ) پاکستان تحریک انصاف سندھ کے سابق صدر نادر لغاری نے پاکستان پیپلز پارٹی میں شمولیت اختیار کرلی۔
میڈیا ذرائع کے مطابق سابق پی ٹی آئی صدر نے پیپلز پارٹی میں شمولیت کا اعلان پی پی پی کے شریک چیئرمین اور سابق صدر آصف زرداری سے ملاقات میں کیا ۔
واضح رہے کہ گزشتہ روز نبیل گبول نے بھی آصف زرداری سے ملاقا ت کر کے پاکستان پیپلز پارٹی میں شمولیت کا اعلان کیا تھا۔
ایمزٹی وی (اسلام آباد) پاکستان تحریک انصاف کے چیئرمین عمران خان نے کہا کہ انصاف ،کرپشن کے خاتمے اور اپنے ملک کیلئے آخری گیند تک لڑا۔
تفصیلات کے مطابق سربراہ پی ٹی آئی عمران خان نے سماجی رابطے کی ویب سائٹ ٹوئٹر پرپیغام جاری کرتے ہوئے کہا کہ میں نے پوری کوشش کی اور ملک کیلئے آخری گیند تک لڑا ۔
I have given my best & fought to the last ball for my country against corruption & for justice. Now I am praying to the Almighty for success
— Imran Khan (@ImranKhanPTI) February 23, 2017
انہوں نے کہا کہ اب میری دعا ہے کہ اللہ تعالیٰ ہمیں پانامہ کیس میں کامیاب کرے۔واضح رہے کہ سپریم کورٹ نے پانامہ کیس کی سماعت کا فیصلہ محفوظ کرلیا ہے جو کہ بعد میں سنایا جائے گا۔
ایمزٹی وی(اسلام آباد)سید نوید قمر کی زیر صدارت ،گزشتہ روز پارلیمنٹ ہائوس میں اجلاس ہوا۔ اجلاس میں (ایف بی آر) کے مالی سال 2013-14کے آڈٹ اعتراضات کا جائزہ لیا گیا ،کمیٹی کو آڈٹ حکام نے 316کیسوں میں ریکوری نہ کرنے پر بریفنگ دی، آڈٹ حکام نے بتایاکہ ایف بی آر کے فیلڈ فارمیشن دفاتر نے 42ارب روپے کی ریکوری نہیں کی، چیئرمین ایف بی آر نے بتایا کہ 6 ارب 42کروڑ کی رقم کے کیسز عدالتوں میں زیر سماعت ہیں ،6 ارب 28کروڑ روپے کی ریکوری ہونا باقی ہے ، 5ارب 42کروڑ کی ریکوری آئی پی پیز کی ہے معاملہ عدالت میں زیر سماعت ہے جس پر رکن کمیٹی محمود خان اچکزئی نے کہا کہ پانچ سال گزر گئے آپ نے کسی کے خلاف ایکشن نہیں لیا۔
آڈیٹر جنرل رانا اسد امین نے ایف بی آر کا بھانڈا پھوڑ دیا اور کہاکہ 6ارب 28کروڑ روپے کی رقم کاکیس عدالت میں زیر سماعت نہیں ،2013-14کے دوران 121ارب کے آڈٹ پیرے سامنے لائے ، 20ارب قومی خزانے میں جمع جبکہ صرف 16ارب کا معاملہ عدالتوں میں ہے 76ارب ریکور کرنے ہیں اس کا جواب ایف بی آر نے دینا ہے ،رکن کمیٹی شفقت محمود ود ہولڈنگ ایجنٹس سے 24ارب روپے کی ریکوری پر ایف بی آر پر برہم ہوگئے۔
شفقت محمود نے کہاکہ ودہولڈنگ ایجنٹس دو طرح کے ہیں ایک وہ جو عوام سے جمع کر کے کھا گئے ،دوسرے وہ ہیں جن کا ایف بی آر کو پتہ نہیں اور وہ کاروبار کررہے ہیں یہ انتہا ئی سنجیدہ معاملہ ہے ،چیئرمین کوئی معقول جواب نہ دے سکے ، کمیٹی کو ایف بی آر حکام آڈٹ اعتراضات کے جائزے کے دوران مطمئن کرنے میں ناکام رہے جس پر کمیٹی نے ایف بی آر کو آئندہ اجلاس میں تیاری کرکے آنے کی ہدایت کر دی۔ -
ایمز ٹی وی(تجارت) سینیٹ کی قائمہ کمیٹی برائے انفارمیشن ٹیکنالوجی اینڈ ٹیلی کمیونیکیشن نے موبائل فون کمپنیوں کو انٹرنیٹ اور فون کال پیکیجز ختم ہونے پر صارف کو مطلع کرنے کا پابند کرنے کی ہدایت کر دی ۔
کمیٹی کا اجلاس چیئرمین کمیٹی سینیٹر شاہی سید کی صدارت میں ہوا ۔ اجلاس میں گزشتہ اجلاسوں میں دی گئی سفارشات پر عمل در آمد، فاٹا ، خیبر پختونخوا اور بلوچستان میں یو ایس ایف کے منصوبہ جات شروع کرنے کے حوالے سے درپیش مسائل کے متعلق ذیلی کمیٹی انفارمیشن ٹیکنالوجی کی سفارشات پر عمل درآمد ، وزارت انفارمیشن ٹیکنالوجی کے مالی سال 2016-17 کے مختص بجٹ اور استعمال شدہ بجٹ کے معاملات اور وارد اور جاز فرنچائز کے معاہدات کے خاتمے کے معاملے کے علاوہ محمد عمیر سومرو کی عوامی عرضداشت کا تفصیل سے جائزہ لیا گیا۔