Reporter SS
ایمز ٹی وی(اسلام آباد)سپریم کورٹ میں پانامہ کیس کی سماعت کے دوران جسٹس آصف سعید کھوسہ نے ریمارکس دیئے کہ 7 گھنٹوں کے کام میں چیئرمین ایف بی آر نے ایک سال لگادیا،لگتا ہے کہ معلومات کی تصدیق کے لئے 30سال درکار ہیں۔ تفصیلات کے مطابق سپریم کورٹ میں پانامہ کیس کی سماعت میں چیئرمین ایف بی آر سے جسٹس عظمت سعید نے استفسار کیا کہ ایف بی آر نے پانامہ کے معاملے پر وزارت خارجہ سے کب رابطہ کیا؟ جسٹس عظمت سعید نے کہا ریمارکس دیئے کہ ایف بی آر کا دفتر وزارت خارجہ سے 200 گز کے فاصلے پر ہے،
ایف بی آر کو وزارت خارجہ سے رابطہ کرنے میں 6 ماہ لگ گئے،200گز کا فاصلہ 6 ماہ میں طے کرنے پر آپ کو مبارک ہو۔جسٹس عظمت سعید نے مزید استفسار کیا کہ ایف بی آر نے آف شور کمپنی مالکان کو نوٹس کب جاری کیے؟ جس پر چیئرمین ایف بی آر نے جواب دیا کہ 2 ستمبر 2016 کو ایف بی آر نے نوٹس جاری کیے،343 افراد کو نوٹسز جاری کیے گئے،آف شور کمپنیوں پر صرف ڈائرکٹرز کا نام ہونا کافی نہیں،39 کمپنیوں کے مالکان پاکستان کے رہائشی نہیں،52 افراد نے آف شور کمپنیوں سے ہی انکار کردیا ۔
جسٹس آصف کھوسہ نے استفسار کیا کہ شریف فیملی کو نوٹس جاری کرنے پر کن کا جواب آیا؟چیئرمین ایف بی آر نے جواب دیا کہ 92افراد نے آف شور کمپنیوں کو تسلیم کیا اور 12 افراد دنیا میں نہیں رہے،59 نے آف شور کمپنیوں سے انکار کیا،حسن،حسین اور مریم نواز نے آف شور کمپنیوں پر جواب دیا،مریم نواز نے کہا ان کی بیرون ملک کوئی جائیداد نہیں،مریم نواز نے کہا وہ کسی آف شور کمپنی کی مالک نہیں ہیں۔ جسٹس آصف سعید نے پھراستفسار کیا کہ کیا مریم نواز نے ٹرسٹی ہونے کا ذکر کیا؟ جس پر چیئرمین ایف بی آر نے کہا کہ مریم نے اپنے جواب میں ٹرسٹی ہونے سے متعلق کچھ نہیں کہا۔
ایمز ٹی وی(خیبرپختونخواہ) ڈپٹی کمشنر چارسدہ طاہر ظفر نے کہا ہے کہ ابھی تک ایک ہی دھماکہ رپورٹ ہوا ہے اور ابتدائی طور پر زخمیوں کے بارے میں نہیں بتایا جا سکتا۔
ایمز ٹی وی(خیبر پختونخوا) خیبر پختونخوا کے ضلع چارسدہ میں کچہری کے قریب تین دھماکے سنے گئے، عینی شاہدین کے مطابق دھماکوں کے بعد فائرنگ کا سلسلہ مسلسل جاری ہے، دھماکوں میں متعدد ہلاکتوں کی اطلاعات ہیں۔
ایمز ٹی وی(صحت) ینگ ڈاکٹرز نے اینٹی کرپشن کی جانب سے ڈاکٹر آصف کو گرفتار کرنے پر ایمرجنسی میں کام بند کر دیاہے۔
ایمز ٹی وی (انٹرٹینمنٹ)کیا دل پگھل گیا؟ کیا واپسی کا راستہ اب بھی کھلا ہے؟ انجلینا جولی کہتی ہیں کہ وہ ایسا راستہ نکالنے کی کوشش کر رہی ہیں جو ان کے خاندان کو قریب لائے، جولی کا یہ بیان کہیں بریڈ پٹ کے لیے نرمی کا اشارہ تو نہیں؟ ستمبر 2016ءہالی ووڈ کی سب سے ہٹ جوڑی کے لیے ستم گر ثابت ہوا، جب انجلینا جولی اور بریڈ پٹ نے اپنے راستے جدا کرنے کا فیصلہ کیا اور اس دراڑ کے 5مہینے بعد انجلینا جولی نے چپ کا تالا توڑا ۔
ایک انٹرویو میں اعتراف کیا کہ علیحدگی کا فیصلہ آسان نہیں تھا،وہ بہت مشکل وقت تھا اور اب بھی ہمارا خاندان مشکل وقت سے گزر رہا ہے۔
اسی انٹرویو میں انجلینا جولی نے نرمی کا اشارہ بھی دے ڈالا،ان کا کہنا ہے کہ ان کے لیے بچے سب سے اہم ہیں اور وہ ایسا راستہ نکالنے کی کوشش کر رہی ہیں جو ان کی فیملی کو مضبوط بنائے اور ایک دوسرے کے قریب لائے۔ خاندان کو قریب لانے کی کوششیں کہیں یہ اشارہ تو نہیں کہ انجلینا جولی نے بریڈ پٹ کے لیے واپسی کا دروازہ کھلا رکھا ہے۔
ایمز ٹی وی (راولپنڈی) راولپنڈی کے بعض ایریاز میں فروری کے مہینے میں بجلی کے بل بہت زیادہ آنے پرصارفین نے شدید احتجاج کرتے ہوئے وزارت پانی و بجلی سے نوٹس لینے کا مطالبہ کیا ہے۔ صارفین نے بتایا کہ میٹر ریڈنگ معمول کی بجائے تاخیر سے کر کے اُنکے یونٹس زیادہ دکھائے گئے ہیں جس کے نتیجہ میں ان کا بلنگ ریٹ بڑھ گیا‘ جس پر اضافی ٹیکس لگا کر محکمہ نے کروڑوں روپے کا اضافی ریونیو حاصل کر لیا۔
دھمیال سب ڈویژن سمیت شہر کے بعض دیگر ایریاز کے صارفین نے بتایا کہ ماہ فروری میں انکی میٹر ریڈنگ 13فروری کو کی گئی جبکہ 15فروری کو بل ایشو کر دیئے گئے۔
اس طرح ایک مہینے کی بجائے چالیس دن کا بل بھجوا کر صارفین سے اضافی رقم اور ٹیکس وصول کئے گئے۔ چک بیلی خان سب ڈویژن کے بعض موضعات میں بغیر ریڈنگ کے بل بھجوانے کی شکایات میں اضافہ ہو رہا ہے۔ شہریوں کو کئی کئی ماہ تک بلوں کی تصحیح کیلئے چکر لگانے پڑتے ہیں۔ صارفین نے وزارت پانی و بجلی‘ چیئرمین واپڈا‘ چیف ایگزیکٹو آئیسکو سے ماہ فروری کے بھاری بھرکم بلوں کی تحقیقات کرانے اور اضافی رقوم واپس کرنے کی اپیل کی ہے۔
ایمز ٹی وی (انٹرٹینمنٹ)گلوکارہ شاہدہ منی نے موسیقی کے پروگراموں میں اپنے نئے دو گیتوں کی تشہیری مہم کا آغاز کر دیا ۔ انہوں نے بتایا کہ میرا غزلوں کا البم بھی ریکارڈ ہو چکا ہے جس کے شاعرمحمود شام ہیں اور تمام غزلوں کی دھنیں میں نے خود تخلیق کی ہیں ۔ میرے گیتوں کا البم بھی مکمل ہے تاہم فی الحال میں دو نغمات کو مختلف ٹی وی پروگراموں میں گا رہی ہوں ۔
ان میں ایک گیت دلبر جاناں اردو اور پشتو زبان میں ریکارڈ کیا گیا ہے اور دوسرا ماہی ماہی رومانوی گیت ہے جنہیں ناظرین کی طرف سے بہت پسند کیا جا رہا ہے ۔
میں بہت جلد ان کے ویڈیوز بھی بنانے کا ارادہ رکھتی ہوں ۔ شدت پسندی کی حالیہ لہر کے حوالے سے شاہدہ منی کا کہنا تھا کہ سانحہ لعل شہباز قلندرؒ پر بہت دکھ ہوا ہے تاہم ہمارے حوصلے پست نہیں ہونگے ، پاک فوج اور حکومت دہشتگردی کے خاتمے کیلئے برسرپیکار ہے امید ہے کہ وہ دہشتگردی کو جڑ سے ختم کر دے گی ۔