Reporter SS
ایمزٹی وی(راولپنڈی) پولیس نے گزشتہ روزگھر کی پارکنگ میں موجود گاڑی سے لڑکے اور لڑکی کی لاشوں کا معمہ حل کردیا ہے اور ان کی وجہ محبت میں ناکامی کو قراردیا ہے۔
ذرائع کے مطابق گزشتہ روزراولپنڈی میں کامسیٹس کے طالب علم 27 سالہ تیموراور25 سالہ آمنہ کی موت کا معمہ حل ہوگیا، دونوں نے زہرکھا کراپنی اپنی زندگیوں کا خاتمہ کیا۔
پولیس کا کہنا ہے کہ دونوں ایک دوسرے کو پسند کرتے تھے اورشادی کے خواہشمند تھے تاہم دونوں کے گھر والے شادی کے لئے رضامند نہیں تھے، ان دونوں کی منگنیاں بھی دوسرے خاندانوں میں کردی گئیں تھیں جس کے بعد تیموراورآمنہ نے دلبرداشتہ ہوکرگزشتہ روزاپنی اپنی زندگیوں کا خاتمہ گاڑی میں خود کوبند کرنے کے بعد زہرکھا کرکیا تھا۔
پولیس کا کہنا ہے اطلاع ملتے ہی لاشوں کو ہولی فیملی اسپتال منتقل کیا، ابتدائی تحقیقات کے مطابق تیمور اورآمنہ نے زہرکھا کرخودکشی کی، آمنہ اورتیمور کے معدے سے حاصل ہونے والے نمونے فرانزک لیب بھجوادئیے گئے جب کہ دونوں نے زہرکھا کرخود کوگاڑی میں بند کرلیاتھا۔
ایمز ٹی وی ( گلگت ) گلگت میں جعلی کوکنگ آئل تیار ہونے کا انکشاف ہوا تو تحصیلدار اصغر خان کی میونسپل فورس کے ہمراہ کار روائی کی اور جنرل اسٹور پر چھاپہ مارا اس دوران سرحد جنرل اسٹور سے لاکھوں روپے مالیت کا مضر صحت کوکنگ آئل اور جعلی مٹیرئل تیار کرنے کے لیے رکھے گئے تھے50خالی ڈرم اور متعدد گیلن بھی بر آ مد ہوئے.
مزکورہ سامان کی بر آمدی پر سرحد جنرل اسٹور کو سیل کر دیااور اسٹور کے مالک ثنائاللہ کو گرفتار کر کے عدالت میں پیش کیا گیا جہاں مجرم نے اس بات کا انکشاف کیا کہ مختلف کمپنیوں کو لیبل شدہ ڈبوں میں پیک کر کے فروخت کرتے تھے۔جس کے بعد انہیں ppc/2731سیکشن گلگت کے تحت سات دن کے لیے جیل بھیج دیا گیااور مذید تحقیقات کے لیے تحصیلدار اصغر خان کو ہدایت دی گئی
ایمز ٹی وی ( ژوب ) عوامی نیشنل پارٹی کے ضلعی صدر محمد انور شیرانی جمعہ خان بابر عبدالرشید سیال کاکڑ اور دیگر نے ژوب میں جلسہ عامسے خطاب کرتے ہوئے کہا ہے کہ قومی مفادات پر کوئی سمجھوتہ نہیں کرینگے مغربی روٹ کو نظر انداز کرنے کے خطرناک نتائج بر آمد ہونگے انہوں نے کہا کہ وقت اور حالات کا تقاضہ ہے کہ حکومت مگربی روٹ پر کام شروع کرے ورنہ اس زیادتی کے خلاف ہر حد تک جائینگے اے این پی نے قومی مفادات پر نہ کبھی کوئی سمجھوتہ کیا اور نہ کسی کو اجازت دی جائیگیکہ وہ قومی مفادات پر ذاتی مفادات حاصل کرے انہوں نے کہا کہ قائد اسفند یار ولی خان کی ہدایت پر آج پورے ملک میں مغربی روٹ کو نظر انداز کرنے کے خلاف احتجاج کیا جا رہا ہے حکومت مغربی روٹ کے معاملے میں جھوٹ سے کام لے رہی ہے اگر سی پیک کے مغربی روٹ پر جلد کام شروع ہوا تو احتجاجی تحریک کو وسعت دی جائیگی
ایمز ٹی وی (پشاور)اسپیکرخیبر پختونخوااسمبلی اسد قیصر نے خیبر پختونخوامیں زیر تعمیر اسکولوں سمیت دیگر ترقیاتی پراجیکٹس کیلئے فنڈز کی دستیابی یقینی بنانے کیلئے احکامات جاری کردیئے ہیں ،انہوں نے یہ احکامات صوبائی اسمبلی سیکرٹریٹ میں اپنی زیر صدارت اعلیٰ سطح اجلاس میں دیئے، جس میں ایڈشنل چیف سیکرٹری،سیکر ٹری پی اینڈ ڈی،ایڈشنل سیکرٹری فنانس،ایڈشنل سیکرٹری سی اینڈ ڈبلیو ،چیف اکانومسٹ پی اینڈڈی، اسپیشل سیکرٹری محکمہ ایلیمنٹری اور چیف انجینئر سی اینڈ ڈبلیو سمیت دیگر متعلقہ حکام نے شرکت کی ۔
اجلاس میں صوبہ بھر میں زیر تعمیر اسکولوں کی عمارتوں اور دیگر ترقیاتی پراجیکٹس پر تعمیراتی کام کا جائزہ لیا گیا اجلاس میں سی اینڈ ڈبلیو سمیت دیگر متعلقہ محکموں کے حکام نے بتایا کہ محکمہ فنانس کی جانب سے بر وقت فنڈز کے عدم اجراءکے باعث ترقیاتی اسکیموں پر کام کی رفتار انتہائی سست ہے جس پر سپیکر نے محکمہ فنانس کوہدایات جاری کرتے ہوئے کہا کہ ترقیاتی منصوبوں اور متعلقہ ٹھیکیداروں کے بقایاجات کی ادایئگی کیلئے 15دن کے اندر ایک لائحہ عمل مرتب کیا جائے۔
انہوں نے یہ احکامات صوبائی اسمبلی سیکرٹریٹ میں اپنی زیر صدارت اعلیٰ سطح اجلاس میں دیئے،جس میں ایڈیشنل چیف سیکرٹری،سیکرٹری پی اینڈ ڈی ،ایڈیشنل سیکرٹری فنانس،ایڈیشنل سیکرٹری سی انڈ ڈبلیو ، چیف اکانومسٹ پی اینڈ ڈی ،سپیشل سیکرٹری محکمہ ایلیمئری اور چیف انجینئرسی اینڈ ڈبلیو سمیت دیگر متعلقہ حکام نے شرکت کی ،اجلاس میں صوبہ بھر میں زیر تعمیر اسکولوں کی عما رتوں اور دیگر ترقیاتی پراجیکٹس پر تعمیرتی کام کا جائزہ لیا گیا اجلاس میں سی اینڈ ڈ بلیو سمیت دیگر متعلقہ محکموں کے حکام نے بتایا کہ محکمہ فنانس کی جانب سے بر وقت فنڈز کے عدم اجزاءکے باعث ترقیاتی سکیموں پر کام کی رفتار انتہائی سست ہے جس پر سپیکر نے محکمہ فنانس کو ہدایات جاری کرتے ہوئے کہا کہ ترقیاتی منصوبوں اور متعلقہ ٹھیکیداروں کے بقایاجات کی ادائیگی کیلئے 15دن کے اندر ایک لائحہ عمل مرتب کیا جائے ۔
ایمز ٹی وی ( تعلیم) زیر تعمیر گورنمنٹ بوائز ڈگری کالج کا ہنہ نو میں ہنگامی دروازہ نہ نکالنے پر طلبہ کے والدین نے احتجاج کیا ہے۔ بٹرھتی ہوئی دہشت گردی کے باعث تعلیمی اداروں کودھمکی آمیز کالز کے بعد پنجاب کے تمام تعلیمی اداروں کو ہائی الرٹ کر دیا گیا ہے ۔
تعلیمی اداروں میں کسی بھی ایمر جنسی سے نمٹنے کے لیئے ہنگامی راستوں کی تعمیر کا سلسلہ جاری ہے مگر اس کے بر عکس وزیر اعلیٰ پنجاب کے حلقہ159میں زیر تعلیم گورنمنٹ بوائز ڈگر ی کالج کاہنہ نو میں ٹھیکیدار نے پیسے بچانے کی غرض سے صرف ایک مین گیٹ ہی بنایا ہے جس پر زیر تعلیم طلبہ کے والدین کی بڑی تعداد نے احتجاج کرتے ہوئے وزیر اعلیٰ پنجاب اورا یم این اے سے ہنگامی گیٹ تعمیر کرنے کی اپیل کی ہے
ایمز ٹی وی (تعلیم) وطن ٹیچرز ایسوسی ایشن بلوچستان کے صوبائی صدر محمد لانگو جنرل سیکرٹری محمد بچل ابڑو نائب صدر میر یوسف بگٹی مانک خان بنگلزئی محمد بخش بلوچ ملک دائود مشوانی کریم بخش جتک غلام مصطفیٰ ہارون اختر اور ساجد تونسوی نے مطالبہ کیا کہ تعلیمی اداروں طلباء اور اساتذہ کے مفادات کے پیش نظر وطن ٹیچرز ایسوسی ایشن کے پیش کردہ 20 نکاتی ڈیمانڈ پر فوری عملدرآمد کرتے ہوئے اساتذہ کو ذہنی کوفت سے نکالنے اور طلباء کو تدریسی پیشکش سے موثر انداز میں مستفید ہونے کیلئے جائز مطالبات کوتسلیم کیاجائے اور وطن ٹیچرز ایسوسی ایشن سیکرٹری سیکنڈری ایجوکیشن سے تعلیمی مفادات کے پیش نظر بہت ساری امیدیں وابستہ رکھے ہوئے ہیں لہٰذا اساتذہ کے مسائل پر ترجیحی بنیادوں پر عملدرآمد کرایاجائے۔
ایمز ٹی وی ( تعلیم) رکن صوبائی اسمبلی پنجاب عامر سلطان چیمہ نے پنجاب اسمبلی میں یونیورسٹی آف سرگودھا کے قائم مقام وائس چانسلر کے خلاف تحریک التواءکار جمع کروادی۔
جمع کروائی جانے والی تحریک التواء کا ر میں موقف اختیار کیا گیا کہ سرگودھا یونیورسٹی جو کچھ عرصہ پہلے بہترین درسگاہ سمجھی جاتی تھی اب مسائل کا گڑھ بن گئی۔
یونیورسٹی کے پانچ آئینی عہدے وائس چانسلر ،پرووائس چانسلر ، رجسٹرار ،کنٹرولر امتحانات اور ڈائریکٹر اکیڈمکس پر ایڈہاک تعینات افسر کام کررہے ہیں۔
ایمز ٹی وی(پشاور) حکومت خیبر پختونخوا نے عاشورہ محرم کے موقع پر 11اور 12اکتوبر 2016ء(9اور 10محرم لحرام) کو سرکاری تعطیلات کا اعلان کیا ہے۔
یہ اعلان محکمہ انتظامیہ خیبر پختونخوا کے جاری کردہ اعلامیہ میں کیا گیا ہے
ایمز ٹی وی (کراچی) ایڈیشنل آئی جی سندھ پولیس مشتاق مہر نے کہا ہے کہ محرم الحرام میں امن و امان کی صورتحال کو کنٹرول میں رکھنے کے لیے آج شام 6 بجے سے 11 محرم تک موٹر سائیکل کی ڈبل سواری پر پابندی عائد کر دی گئی ہے۔
تفصیلات کے مطابق سندھ پولیس کی جانب سے جاری کردہ اعلامیے میں ایڈیشنل آئی جی نے ڈبل سواری پر پابندی لگانے کے حوالے سے کہا ہے کہ شہر قائد میں سیکیورٹی خدشات کے پیش نظر ڈبل سواری پر پابندی عائد کی گئی ہے، جس کا اطلاق 8 اکتوبر کی شام 6 بجے سے 11 محرم 13 اکتوبر تک ہوگا۔
انہوں نے شہریوں سے اپیل کی کہ وہ امن و امان کی صورتحال کے پیش نظر انتظامیہ کے ساتھ تعاون کریں اور ڈبل سواری سے گریز کریں تاہم صحافیوں، عمر رسیدہ افراد، خواتین اور بچوں کو اس سے مستثنی قرار دیا گیا ہے۔
ترجمان سندھ نے ڈبل سواری کی خلاف ورزی کرنے والوں کو خبردار کیا ہے کہ اگر احکامات کی خلاف ورزی کی گئی تو قانون کے مطابق سخت سزا دی جائے گی۔
پولیس افسران کو مجالس اور جلوسوں میں فول پروف سیکیورٹی کے انتظامات بروئےکار لانے کے احکامات دیتے ہوئے واقع میں ملوث ملزمان کو فوری گرفتار کرنے کی ہدایت بھی کی گئی ہے۔
ایمز ٹی وی (کراچی) ائرپورٹ حملہ کیس سوا دوسال بعد پھرزندہ ہوگیا۔ حملے میں ہلاک دو دہشت گردوں کا تعلق کراچی سے تھا۔ نارتھ کراچی سے گرفتار دہشت گردوں نے دوران تفتیش سنسنی خیز انکشاف کر دیا۔
کراچی ائرپورٹ حملے کے سوا دو سال بعد اہم انکشاف سامنے آ گیا۔ حملے میں ہلاک تمام دہشت گرد غیرملکی نہیں تھے ، دوکا تعلق کراچی سے ہی تھا۔ نارتھ کراچی سے گرفتاردہشتگردوں نے دوران تفتیش ائرپورٹ حملے سے متعلق انکشاف کے علاوہ عاشورہ پرحملے کی منصوبہ بندی کا اعتراف بھی کرلیا۔
گرفتار القاعدہ برصغیر کراچی کے امیر اور اُس کے ساتھیوں نے بتایا کہ ائرپورٹ حملے میں ہلاک تمام دہشت گرد غیرملکی نہیں تھے بلکہ دس میں سے دو کا تعلق کراچی کے علاقے اورنگی ٹاون سے تھا۔دہشتگردوں کے ڈی این اے کیلئے قبرکشائی کی جائے گی۔
کاؤنٹر ٹیررازم ڈیپارٹمنٹ نے بتایا کہ نارتھ کراچی میں چھاپے کے دوران گرفتار ملزمان عاشورہ پرحملے کا منصوبہ بنارہے تھے، انچارج سی ٹی ڈی کے مطابق ایک خودکش حملہ آور فرار ہو گیا جس کی تلاش کیلئےشہر بھر میں کڑہ پہرہ لگادیا گیا ہے۔