Reporter SS
ایمز ٹی وی(انٹرٹینمنٹ) بھارت میں ہندو انتہا پسندوں کی جانب سے پاکستانی فنکاروں کو دی جانے والی دھمکیوں کے بعد کچھ فنکارحمایت کررہے ہیں جب کہ کچھ فنکاردھمکیوں کے خلاف میدان میں آکھڑے ہوئے ہیں، ہدایت کار کرن جوہر کے بعد اب اداکارہ جوہی چاولہ نے بھی بھارتی انتہا پسند تنظیموں کو ٹھنڈے دماغ سے سوچنے کا مشورہ دے دیا ہے۔
بھارتی میڈیا رپورٹس کے مطابق پاکستانی فنکاروں کی بھارتی ہندو انتہا پسندوں کی جانب سے ملنے والی دھمکیوں کے بعد بالی ووڈ اداکارہ جوہی چاولہ نے بھی چپ توڑدی ہے اور ہندوانتہا پسند تنظیموں کو تنقید کا نشانہ بناتے ہوئے کہا ہے کہ وہ لوگ جن کا پاکستانی فنکاروں کا بھارت میں کام کرنے پردماغ خراب ہوچکا ہے انہیں چاہیئے کہ اس بارے میں ٹھنڈے دماغ سے سوچیں۔
اداکارہ کا کہنا تھا کہ ہم مسائل کو فوری حل کرنا چاہتے ہیں لیکن ہم ان مسائل کی اصل وجوہات کے بارے میں بالکل بھی نہیں سوچ رہے ہیں۔ ان کا کہنا تھا کہ دراصل مسائل کا حل یہ ہے اور ہمیں پہلے خود کو تبدیل کرنا ہوگا۔
اداکارہ نے اوچھے ہتھکنڈوں اوربھپری ہوئی ہندو انتہا پسند جماعتوں کو مشورہ دیتے ہوئے کہا کہ وہ تحمل اورآرام سے سوچتے ہوئے بولیں اورمسائل کا حل نکالیں۔
ایمز ٹی وی (کھیل) بنگلہ دیش پریمیئر لیگ میں کئی پاکستانی کرکٹرز ایکشن میں ہوں گے، شاہد آفریدی رنگپور رائیڈرزکی جانب سے رنگ جمائیں گے۔
شرجیل خان اور بابر اعظم بھی اپنے ہم وطن سپر اسٹار کی ٹیم میں ہوں گے، کرس گیل نے پانچ میچز کیلیے چٹاگانگ وکنگز سے معاہدہ کرلیا، ان کے ساتھ شعیب ملک بھی کھیلیں گے، سہیل تنویر اور عماد وسیم کومیلا وکٹورینز کی جانب سے ایکشن میں دکھائی دیں گے، 31 غیرملکی کھلاڑیوں نے 30 ستمبر کو شیڈول ڈرافٹ سے پہلے ہی 7 فرنچائزز سے معاہدے کرلیے، مصباح الحق، محمد حفیظ اور احمد شہزاد ڈرافٹ میں شریک ہوں گے۔
تفصیلات کے مطابق بی پی ایل کے اگلے ایڈیشن کا آغاز 4 نومبر سے ہورہا ہے، جس کے لیے پلیئرز کا ڈرافٹ 30 ستمبر کوشیڈول ہے، اس سے پہلے 31 غیرملکی کھلاڑیوں نے 7 فرنچائزز سے معاہدے کرلیے ہیں۔ رنگپور رائیڈرز نے شاہد خان آفریدی کی خدمات اپنے نام کیں جو اس سے قبل سلہٹکی جانب سے کھیلے تھے، ان کے ساتھ شرجیل خان، بابر اعظم، محمد شہزاد، ڈاؤسن شناکا، 19 سالہ ویسٹ انڈین بیٹسمین گڈرون پوپ اور انگلش پیسر رچرڈ گلیسن بھی اسی ٹیم کا حصہ ہوں گے۔
دفاعی چیمپئن کومیلا وکٹورینز نے عماد وسیم، سہیل تنویر اور تھشارا پریرا سے معاہدہ کیا،اشعر زیدی اور نوان کولاسیکرا کو برقرار رکھا گیا ہے، عماد پہلی بار بی پی ایل کھیلیں گے جبکہ سہیل اس سے قبل رنگپور کا حصہ تھے۔ چٹاگانگ نے کرس گیل کی خدمات حاصل کیں جو ایونٹ کے آخری حصے میں صرف پانچ میچز کیلیے دستیاب ہوں گے، ان کے ساتھ شعیب ملک بھی اسی ٹیم کا حصہ ہیں، پاکستانی آل راؤنڈر گذشتہ سیزن میں کومیلا کی جانب سے کھیلے تھے، محمد سمیع راجشاہی کی ٹیم میں شامل ہیں۔
پاکستان کے ٹیسٹ کپتان مصباح الحق، محمد حفیظ اور احمد شہزاد ڈرافٹ میں شامل ہوں گے، انھیں غیرملکی کھلاڑیوں کی اے کیٹیگری میں شامل کیا جائے گا۔
واضح رہے کہ اے کیلیے زیادہ سے زیادہ سیلری کی حد 70 ہزار ڈالر ہے، بی، سی اور ڈی کیٹیگریز میں شامل کھلاڑی بالترتیب 50، 40 اور 30 ہزار ڈالر تک کما سکتے ہیں۔
ایمز ٹی وی (کھیل) ویسٹ انڈیز سے ٹوئنٹی20 سیریز میں لیفٹ آرم پاکستانی اسپنر عماد وسیم کا جادو سر چڑھ کر بولا، وہ تین میچز میں9 وکٹیں لے اڑے، البتہ پیسر وہاب ریاض بدترین ناکامی کا شکار ہوئے۔
بیٹنگ میں بابر اعظم نے 101 کی اوسط سے اتنے ہی رنز بنائے، شرجیل خان واحد ناکام بیٹسمین ثابت ہوئے، انھوں نے 11.66 کی معمولی اوسط سے صرف 35 رنز اسکور کیے۔
تفصیلات کے مطابق کیریبیئن ٹیم کے خلاف بابر اعظم سب سے کامیاب بیٹسمین ثابت ہوئے، انھوں نے 101 کی اوسط سے اتنے ہی رنز بنائے،خالد لطیف 95 رنزاسکور کرنے میں کامیاب رہے، ان کی اوسط 47.50 رہی، شعیب ملک نے 80 کی اوسط سے اتنے ہی رنز بنائے، کپتان سرفراز احمد نے واحد اننگز میں46 رنز اسکور کیے، سیریز کے واحد ناکام بیٹسمین شرجیل خان رہے، وہ 3 اننگز میں11.66 کی اوسط سے صرف 35 رنز بنا سکے۔
سیریز کی واحد نصف سنچری کا اعزاز بابر اعظم کے حصے میں آیا۔
دوسری جانب بولرز میں عماد وسیم نے 3 میچز میں سب سے زیادہ 9 وکٹیں حاصل کیں، فی وکٹ اوسط محض5.88 رہی، سہیل تنویر نے 12.20 کی ایوریج سے5 کھلاڑیوں کو پویلین بھیجا، حسن علی نے2 میچز میں 4 پلیئرز کو آؤٹ کیا، محمد نواز کو تین میچز میں اتنی ہی وکٹیں ملیں، وہاب ریاض توقعات پر پورا نہ اتر سکے اور2 میچز میں 62 کی اوسط سے صرف ایک ہی وکٹ حاصل کی۔
ایمز ٹی وی ( کو ئٹہ) پیپلز پارٹی بلو چستان کے سابق سیکرٹری انفارمیشن وقاص ندیم نے کہا کہ آبی وسا ئل تعلیمی سر گرمیوں کے فقدان غربت وافلا س کے با وجود صوبے کے طلبہ و طالبات کا قو می سطح پر اپنی قومی صلا حیتوں کا لوہا منوانا قابل تحسین عمل ہے۔طلبہ کا اسکالرشپ کا مکمل خاتمہ ان پر تدریس کے دروازے بند کرنے کے مترادف ہے ، ایم پی اے فنڈز سے طلبہ کی مالی معاونت تدریسی عمل کو مزید فعال کرنے میں راست اقدام تھا اس فنڈ کی بندش نے حکمرانوں کی تعلیم دوستی کا بھانڈا پھوڑ دیا ہے۔
ایک طرف تو بلوچستان سے تعلیمی پسماندگی کے خاتمے کے بلند وبانگ دعوے کئے جاتے ہیں تو دوسری جانب ایسا منفی طرز عمل اپنا یا جا تا ہے جس سے نوجوانوں میں احساس محرومی کو مزید بڑھا دیا جاتا ہے۔
وقاص ندیم نے کہا کہ سیاسی وابستگیوں سے بالا تر رکھتے ہوئے اور زمینی حقائق کو دیکھا جائے تو ایم پی اے طاہر محمو د نے احسن انداز اور میرٹ کو ملحوظ خا طر رکھتے ہوئے اسکالر شپ کی تقسیم کو یقینی بنا یا اس سے غریب و افلا س طلبہ کی جو حوصلہ افزائی ہوئی اس کی مثال نہیں ملتی انہوں نے مطالبہ کیاکہ اسکالر شپ کو بحال کیا جا ئے۔
ایمز ٹی وی ( جرمنی) دنیا کی پہلی ہائیڈروجن مسافر ٹرین متعارف کرادی ہے جو نہایت خاموش اور ماحول دوست ہے اس ٹرین کا نام ہائیڈرل رکھا گیا ہے۔ جسے جرمنی کے لئے فرانس کی ایک کمپنی ایلسٹوم نے تیار کیا ہے۔ اسے دنیا کی ماحول دوست سواری قرار دیا جا سکتا ہے کیونکہ ہائیڈروجن انجن کی بنا پر یہ بہت خاموش اور پر سکون سواری ہے اور صرف بھاپ اور پانی کے بخارات فضا میں میں خارج کرتی ہے جو ماحول کو کوئی نقصان نہیں پہنچاتے ۔ جرمنی میں اس وقت چار ہزار ٹر ینوں کا ایک نیٹ ورک ہے جو ڈیزل سے چلتا ہے ۔ لیکن انہیںہائیڈروجن پر منتقل کر کے گرین ہاﺅس کی وجہ بننے والی گیسوںکا اخراج صفر کیا جا سکتا ہے
گزشتہ ہفتے میں ہونے والی ایک ٹرانسپورٹ نمائش میں ہائیڈروجن ٹرین کا عملی مظاہرہ کیا گیا اور اسے ہایئڈرل کا نام دیا گیا ہے۔ پہلے اسے تجرباتی طور پر شمال جرمنی میں چلایا جائےگا اور پھر اجازت کے بعددسمبر2017 میں اسے جرمنی میں بڑے پیمانے پر استعمال کیا جائے گا۔ جرمنی کی سیاست لوورسیکسونی نے فرانسیسی کمپنی کو مزید14 ہائیڈرل بنانے کا آرڈر دے دیا ہے جسے مختلف علاقوں میں آزمایا جائے گا اس میں لیتھیم آئن بیٹریا ں نصب ہیں جو ٹرین چلاتی ہیں اور بیٹریوں کو ٹرین کی چھت پر لگے ہائیڈروجن ایندھنی ٹینک سے توانائی فراہم کی جا تی ہے ایک ڈبے کے لئے 94 کلو گرام کا ایندھن ٹینک پورے دن کے لئے کا فی ہوتا ہے اور140 کلو میٹر فی گھنٹہ کی رفتار سے 300 مسافروں کو منزلوں پر پہنچا دیتا ہے اگرچہ اس سے قبل بھی ہائیڈروجن سے ریل چلانے کے تجربات کیئے گئے ہیں لیکن یہ پہلی باقاعدہ مسافر ٹرین ہے جو گیس کو بطور ایندھن استعمال کرے گا۔
ایمز ٹی وی (کھیل) ایشئن بیچ گیمز میں ہونے والی ایشین کبڈی چیمپئن شپ میں پاکستان نے بھارت کو فائنل میں شکست دے کر سونے کا تمغہ اپنے نام کرلیا۔
ویتنام میں جاری ایشئن بیچ گیمز میں کبڈی کے مقابلے میں پاکستان نے بھارت کو فائنل میں شکست دیکر سونے کا تمغہ جیت لیا، پاکستان نے بھارت کو 28 کے مقابلے میں 30 پوائنٹس سے شکست دی۔ ایونٹ کے سیمی فائنل میں پاکستان نے کوریا کو 30 کے مقابلےمیں 35 پوائنس سےشکست دی تھی۔
دوسری جانب جوجٹسو ایونٹ میں پاکستان نے دو مزید میڈلز جیت لیے اور 56 کلوگرام میں جہانزیب رشید نے کانسی کا میڈل جب کہ 70 کلوگرام میں بینش خان نے بھی کانسی کا تمغہ اپنے نام کیا۔
ایمز ٹی وی (کراچی) جامعہ سندھ جامشورو کے ناظم امتحانات(سالانہ) کی جانب سے ایل ایل بی سال اول،دوم اور سوم کے سالانہ امتحانات 2015 کے نتائج کا اعلان کر دیا گیا ہے۔ تفصیلات کے مطابق ایل ایل بی سا ل اول کے امتحانات میں2314 نے حصہ لیا جن میں سے 1450 امید وار پاس،776 امیدوار فیل اور59 امیدوار غیر حاضر رہے جبکہ 29 امیدواروں کے نتائج مختلف اسباب کی وجہ سے روک دیئے گئے۔
جبکہ ایل ایل بی سال دوم کے امتحانات میں1535 نے حصہ لیا جن میں سے 1150، امیدوار پاس296امیداور فیل اور30 امیدوار غیر حاضر رہے۔
ایمز ٹی وی ( کراچی ) سیکرٹری تعلیم فضل پیچوہو کی زیر صدارت میں ڈپارٹمنٹل ورکنگ پارٹی کا اجلاس ہوا جس میں محکمہ تعلیم کے مختلف شعبوں کے لئے4716.250ملین روپے کے ترقیاتی منصوبوں کی منظوری دی گئی ہے۔ ان منصوبوں کے لئے مو جودہ مالی سال17-2016میں1201.517 ملین روپے مختص کئے گئے ہیں ان منصوبوں میں 325 مختلف پرائمری،سیکنڈری ،ہائر سیکنڈری اسکولوں ،کالجز کی سہولیات کی فراہمی،83پرائمری اسکولوں کی بلڈنگ کی تعمیر،28 پرائمری اسکولوں کی ایلیمنڑی، مڈل اسکول تک اپ گریڈیشن شامل ہے۔
ان منصوبوں میں ٹھل،سیٹھارجہ،گڑھی یاسین اور تعلقہ دوڑ میں چار نئے کالجوں کا قیام بھی شامل ہے جبکہ ،منصورہ ،بوزداروڈہ ضلع خیر پور ، لاءکالج سکھر او ر ناصرہ پبلک اسکول خیر پور کے کالجوں کے لئے نئی عمارت تعمیر کی جائیگی۔
ایمزٹی وی(اسلام آباد) مسلم لیگ (ق) نے تحریک انصاف کے رائیونڈ مارچ میں شرکت نہ کرنے کا فیصلہ کر لیا ہے۔
ذرائع کے مطابق یہ فیصلہ مسلم لیگ (ق) کی مرکزی قیادت کے اجلاس میں کیا گیا۔ واضح رہے کہ تحریک انصاف کے چیئرمین عمران خان نے چوہدری شجاعت سے ملاقات کے دوران رائیونڈ مارچ میں شرکت کی دعوت دی تھی اور انہیں یقین دلایا تھا کہ یہ مارچ مکمل طور پر پرامن ہو گا۔
ایمز ٹی وی (انٹرٹینمنٹ) پریانکا چوپڑا کی پہچان اب عالمی اسٹار کی بن چکی ہے،اوربولی وڈ سے مغرب کی جانب ان کا سفر کافی متاثر کن ہے،ہی وجہ ہے ان کے ہم عصر انہیں اپنا حریف سمجھتے ہیں، مگر پریانکا خود کو اپنا حریف مانتی ہیں ۔ پریناکا چوپڑا نے حال ہی میں ہگ جیک مین اور دیگر اسٹارز کے ساتھ یو این گلوبل سٹیزن شو کی میزبانی کی اورمیڈیا سے بات چیت کرتے ہوئے جب ان سے پوچھا گیا کہ ان کا سب سے بڑا حریف کون ہے تو اداکارہ نے کہا کہ میں نے ہمیشہ اپنا معیار بلند رکھا ہے۔ میں اپنی سب سے بڑی حریف خود ہوں، میں وہ ہوں جو ہر چیلنج قبول کرتی ہے، میرا کیریئر اور زندگی اس کی مثال ہے، میرا مقصد اپنا معیار کو پہلے سے بھی بلند کرنا اور پہلے سے بڑھ کر کچھ کرنا ہے، میں ہمیشہ سے اس بات پر یقین کیا ہے کہ کسی کو یہ کہنے کی اجازت نہیں کہ آپ یہ نہیں کرسکتے، مجھے نہیں معلوم میری منزل کہاں ہے مگر مجھے اپنے سفرکو جاری رکھنا چاہتی ہوں