Reporter SS
مانیٹرنگ ڈیسک: پاکستان ٹیلی کمیونیکشن اتھارٹی (پی ٹی اے) کی جانب سے ملک میں انٹرنیٹ پر ہر طرح کے مواد تک رسائی کے لیے ورچوئل پرائیویٹ نیٹ ورکس (وی پی این) سافٹ ویئر استعمال کرنے والے صارفین کو رجسٹریشن کے لیے 30 جون تک مہلت دی گئی تھی، تاہم اب اس مدت میں اضافہ کردیا گیا ہے۔
پی ٹی اے کی جانب سے جاری بیان کے مطابق کاروباری اداروں اور عام افراد کو سہولت فراہم کرنے کے لیے وی پی این ایس رجسٹریشن کی مدت میں ایک ماہ کا اضافہ کردیا گیا ہے۔
اب صارفین 31 جولائی تک رجسٹریشن کراسکیں گے۔
بیان میں انٹرنیٹ صارفین کو تجویز دی گئی کہ وہ اپنے انٹرنیٹ سروس پرووائیڈر سے 31 جولائی تک وی پی این کی رجسٹریشن کروالیں، جبکہ متعلقہ معلومات کے لیے ای میل ایڈریس This email address is being protected from spambots. You need JavaScript enabled to view it. پر رابطہ کیا جاسکتا ہے۔
ہائیر ایجوکیشن کمیشن (ایچ ای سی ) نے یونیورسٹیز کھلنے کی خبروں کی تردید کردی ہے۔
ہائیر ایجوکیشن کمیشن (ایچ ای سی ) کے آفیشل ٹوئیٹر اکاؤنٹ پہ جاری بیان میں کہا گیا کہ رواں ماہ یونیورسٹیز کھلنے کی خبروں میں کوئی صداقت نہیں ہے۔
ایچ ای سی کا کہنا ہے کہ حکومت آئندہ ہفتے میٹنگ میں یونیورسٹیز کو کھولنے یا نہ کھولنے سے متعلق امور زیر غور لائے گی۔ابھی تک یونیورسٹیز کھولنے سے متعلق کوئی فیصلہ نہیں ہوا ہے نہ ہی یونیورسٹیز کو کوئی ہدایات دی گئی ہیں۔
واضح رہے کہ گذشتہ ماہ سوشل میڈیا پر خبریں گردش کر رہی تھیں کہ ایچ ای سی نے 7 جولائی سے جامعات کھولنے کا اعلان کیا ہے۔
انجمن اساتذہ جامعہ کراچی اس بات پر انتہائی تشویش کا اظہار کرتی ہے کہ KE کی طرف سے پچھلے کچھ ہفتوں سے جامعہ کراچی کو لوڈ شیڈنگ والے علاقوں کی فہرست میں ڈال دیا ہے جس کے نتیجے میں جامعہ اعلانیہ اور غیر اعلانیہ لوڈ شیڈنگ کی زد میں ہے۔
پاکستان کے سب سے بڑے تعلیمی ادارے کی حیثیت سے جامعہ کراچی میں سینکڑوں طلباءاور اساتذہ تحقیقی کام سے منسلک ہیں۔
سائنس کے شعبہ جات میں لاکھوں روپوں کے کیمیائی مرکبات اور نباتاتی جرثومے نمونوں کے طور پر رکھے ہوئے ہوتے ہیں جن کو ایک مخصوص درجہ حرارت پر رکھنا انتہائی ضروری ہے ورنہ یہ تحقیقی نمونے خراب ہو جاتے ہیں۔
بجلی کی فراہمی کے تعطل کے سبب جامعہ کو کروڑوں مالیت کے نقصان کا خطرہ ہے۔
ہم حکام بالا سے پرزوراپیل کرتے ہیں کہ وہ اس بابت توجہ دیں اور جامعہ کو لوڈ شیڈنگ سے استثناء دیا جائے تاکہ قومی خزانے کو اور تحقیق کو نقصان سے بچایا جا سکے۔
کراچی : کورونا وائرس کےخطرات کےپیش نظر محکمہ تعلیم کی جانب سےآن لائن کلاسز کے آغاز کے بعد مارکیٹس سے کمپیوٹر کے سامان خاص کرلیپ ٹاپ، کیمرے،ما ئیک اور ہیڈ فونز غائب یا مہنگے داموں فروخت ہونے سے والدین اور طلباء پریشانی کا شکار ہوگئے ہیں۔
جس کی وجہ طلب میں اضافہ اورکمپیوٹر کے سامان کی پیداوار اور درآمدات میں کمی کا ہونا بتایا جارہا ہے۔
دوسری جانب والدین جہاں بچوں کو آن لائن کلاس میں دی جانیوالی تعلیم سے غیرمطمئن نظر آتے ہیں وہیں کمپیوٹر کے سازوسامان مہنگے ہونے سے والدین دہری پریشانی میں مبتلا ہوگئے ہیں۔
والدین کا کہنا ہے کہ موجودہ صورتحال میں تعلیمی ادارے بند ہونے کے باوجود بھاری فیسوں کی ادائیگی کے ساتھ ساتھ بچوں کو آن لائن کلاس کےحصول کے لئےلیپ ٹاپ اور ہیڈفون کا مہنگے ہوجانا اور انتظامیہ کی جانب سے غیر معیاری سازوسامان کی من مانی قیمت وصول کرنے کیخلاف کارروائی نہ کرنا سمجھ سے بالاتر ہے۔
والدین نے حکومت سے مطالبہ کیا ہے کہ اس صورتحال کا جلدحل نکالا جائے تاکہ بچوں کی آن لائن کلاسز میں حائل رکاوٹیں دور ہوسکیں۔
محکمہ تعلیم سیول سیکرٹریٹ کمیٹی روم میں ایک اعلی سطحی اجلاس کی صدارت کرتے ہوئے صوبائی وزیر تعلیم اکبر ایوب خان نے کہا ہے کہ سرکاری اسکولوں میں تعلیمی معیار کی بہتری کیلئے عنقریب تین ہزار ٹیم لیڈرز تعینات کئے جائیں گے جو کہ اسکولوں میں صرف تعلیمی معیار کی بہتری کے لیے کام کریں گے جبکہ نئے ضم شدہ قبائلی اضلاع میں جاری بھرتیوں کا عمل بھی جلد پورا کردیا جائیگا، قبائلی اضلاع میں نئی پوسٹوں پر بھرتی اور ٹیم لیڈرز کی تعیناتی کے لیے صوبائی ٹیسٹنگ ایجنسی کی خدمات حاصل کی جائے گی۔
اس موقع پروزیراعلی کے مشیر برائے اعلی تعلیم خلیق الرحمن، سیکرٹری ہائر ایجوکیشن حسن یوسفزئی، سیکرٹری ایلمنٹری اینڈ سیکنڈری ایجوکیشن ندیم اسلم چوہدری، ڈائریکٹر ایجوکیشن حافظ محمد ابراہیم، ڈائریکٹر ہائیر ایجوکیشن اور چیئرمین پشاور تعلیمی بورڈ قیصر علم بھی اس موقع پر موجود تھے۔
وزیراعلی کے مشیر برائے اعلی تعلیم خلیق الرحمان نے کہا کہ ایٹا ایک سرکاری ادارہ ہے جس کو ازسرنو فعل کیا گیا ہے جس سے ان کی استعار میں مزید اضافہ ہوا ہے اور آئندہ کالجز اور یونیورسٹیز بشمول ایلمنٹری اینڈ سیکنڈری ایجوکیشن میں بھرتیوں کا عمل ایٹا کے ذریعے مکمل کیا جائے گا۔ انہوں نے کہا کہ ٹیسٹنگ ایجنسی کے ساتھ ٹیسٹنگ کے حوالےسےبہترین ڈیٹا بینک اور معیاری سسٹم موجود ہے۔
وزیر تعلیم اکبر ایوب خان نے کہا کہ ہم ایٹا کو مکمل سپورٹ کریں گے انہوں نے ہدایت جاری کی کہ ٹیسٹنگ ایجنسیوں کی سلیکشن میں ریٹ کے ساتھ ساتھ بھرتیوں کے عمل کی تکمیل کا دورانیہ بھی مد نظر رکھا جائے۔ہمیں اساتذہ کی کمی کا سامنا ہے اور ہماری کوشش ہے کہ بھرتیوں کا عمل جلد از جلد پورا کردیا جائے۔جبکہ ٹیسٹ کم سے کم تعلیمی قابلیت کو مدنظر رکھ کر بنایا جائے۔
پشاور تعلیمی بورڈ کے چیئرمین قیصرعالم نے پشاور بورڈ کی طرف سے ٹیکنیکل سپورٹ فراہم کرنے کی یقین دہانی کرائی۔وزیر تعلیم اکبر ایوب خان نے معذور اور خصوصی افراد کے لیے مخصوص پیرامیٹرز متعین کرنے کے احکامات جاری کر دیئے۔ انہوں نے کہا کہ ان افراد کی ٹیسٹ، انٹرویوز اور ڈیمو میں ان کی مخصوص خصوصیات کو جانچا جائے اور اس پر خصوصی توجہ دی جائے انہوں نے کہا کہ ہماری کوشش ہے کہ کرونا صورتحال کے بعد سکولوں میں اساتذہ کی کمی ہر حال میں پوری کر دی جائے گی۔
پاکستان ٹیلی کمیونیکشن اتھارٹی (پی ٹی اے) نے ملک میں مقبول آن لائن گیم پلیئر ان نونز بیٹل گراؤنڈز (پب جی) پر عارضی پابندی عائد کردی ہے۔
پی ٹی اے کی جانب سے جاری بیان کے مطابق مختلف حلقوں سے ملنے والی شکایات کو دیکھتے ہوئے پی ٹی اے نے پب جی گیم کو عارضی طور پر معطل کرنے کا فیصلہ کیا ہے۔
بیان میں بتایا گیا کہ پی ٹی اے کو اس گیم کے خلاف لاتعداد شکایات موصول ہوئی تھیں جن میں کہا گیا تھا کہ یہ گیم اپنا عادی بنادیتی ہے، وقت کا ضیاع اور بچوں کی ذہنی اور جسمانی صحت پر نگین منفی اثرات کا باعث بنتی ہے۔
پی ٹی اے کا کہنا تھا کہ حالیہ رپورٹس کے مطابق پب جی گیم کے حوالے سے خودکشی کے واقعات بھی سامنے آئے ہیں جبکہ لاہور ہائی کورٹ نے بھی پی ٹی اے کو شکایت کرنے والوں سے بات کرکے اس معاملے کو دیکھنے اور فیصلہ کرنے کی ہدایت کی تھی۔
اس حوالے سے ایک سماعت 9 جولائی 2020 کو ہورہی ہے۔
پی ٹی اے نے آن لائن گیم کے حوالے سے لوگوں کی رائے جاننے کا بھی فیصلہ کیا ہے اور عوام کو 10 جولائی تک This email address is being protected from spambots. You need JavaScript enabled to view it. پر رائے دینے کا کہا ہے ۔
خیال رہے کہ گزشتہ ماہ کے دوران پب جی کھیلنے کے عادی 3 نوجوانوں نے خودکشیاں کرلی تھیں۔
مانیٹرنگ ڈیسک : شیاؤمی کی ذیلی کمپنی ریڈمی نے جون کے شروع میں ریڈمی 9 متعارف کرایا تھا اور اب مزید 2 فونز ریڈمی 9 اے اور 9 سی پیش کردیئے ہیں۔
کمپنی نے ایک پوسٹ میں فیس بک پران دونوں فونزکااعلان کیاتاہم تفصیلی فیچرز ظاہر نہیں کیے تاہم کچھ اہم فیچرز کا ذکر ضرور کیا۔
ریڈمی 9 اے میں 6.53 انچ ڈسپلے واٹر ڈراپ نوچ کے ساتھ دیا گیا ہے جبکہ یہ ڈیوائس ہیلیو جی 25 ای او سی پراسیسر سے لیس ہے۔
اس کے علاوہ 2 جی بی ریم اور 32 جی بی اسٹوریج موجود ہے جبکہ 5000 ایم اے ایچ بیٹری دی گئی ہے۔
مانیٹرنگ ڈیسک : معروف کمپنی لامبورگینی نے ایسی کشتی تیار کی ہے جو پانیوں میں دوڑتی کی سپرکار کی طرح نظر آتی ہے۔
اس کمپنی نے اطالوی کمپنی دی اٹالین سی گروپ کے ساتھ مل کر یہ سپریاٹ تیار کی ہے جو لامبورگنی سیان ایف کے پی 37 ہائپر کار سے متاثر ہوکر تیار کی گئی۔
اسے ٹیکنومار فار لامبورگینی 63 کا نام دیا گیا ہے، جس میں 63 سے مراد 1963 ہے جب اس کمپنی کا قیام عمل میں آیا تھا۔
کمپنی کی جانب سے جاری بیان کے مطابق اس سپریاٹ کا وزن 24 ٹن ہے جبکہ یہ 63 فٹ لمبی ہے، جس میں 2 ٹی وی 12 انجن دیئے گئے ہیں اور ہر ایک 2 ہزار ہارس پاور کی طاقت رکھتا ہے۔
ڈیزائن کے لحاظ سے یہ لامبورگینی کی کسی سپرکار جیسی ہی ہے اور یہ بہت کم تعداد میں تیار کی جائے گی۔
مگر اس ٹیکنالوجی 2020 کی ہے جبکہ اس کا اسٹیلتھ گرے رنگ اس سپریاٹ کو کسی تارپیڈو جیسا ظاہر کرتا ہے۔
کمپنی کا کہنا ہے کہ کشتی کا ڈھانچا ہائی پرفارمنس شیل سے تیار کیا گیا ہے اور اسے ایک نیول انجنیئر تیار کیا ہے جو ہائیڈروڈائنامک سائنسز میں مہارت رکھتا ہے۔
اس کی قیمت بھی ہوش اڑا دینے والی ہے کیونکہ اسے خریدنے کے لیے 34 لاکھ ڈالرز (57 کروڑ پاکستانی روپے سے زائد) خرچ کرنا ہوں گے۔
یہ کشتی اگلے سال کسی وقت صارفین کے لیے دستیاب ہوگی۔
جامشورو: مہران یونیورسٹی آف انجیئرنگ اینڈ ٹیکنالاجی جامشورو کی انتظامیہ نے کورونا کے بعد پیدا ہونے والے معاشی حالات کو نظر میں رکھتے ہوے 870 طلبا و طالبات کو اسکالرشپ کی رقم جاری کردی۔
مہران یونیورسٹی کے اسٹوڈنٹس فنانشل ایڈ آفس کےفوکل پرسن ڈاکٹرعامر محمود سومروکی جانب سے جاری کردہ بیان میں بتایا گیا ہے کے یونیورسٹی انتظامیہ نے کورونا کے بعد پیدا ہونے والے معاشی حالات کو نظر میں رکھتے ہوئے مختلف شعبہ جات کے 870 طلبا و طالبات کو اسکالرشپ جاری کی گئی ہے۔جن میں 250 مستحق طلباوطالبات شامل ہیں جب کے620 طلبا کو ہائیر ایجوکیشن کمیشن کی میرٹ اسکالرشپ دی گئی ہے۔
مانیٹرنگ ڈیسک: سماجی رابطوں کی مقبول ایپ ’واٹس ایپ‘ نے آئندہ ہفتے تک صارفین کی آسانی کے لیے چند نت نئے فیچرز کی سہولت پیش کرنے کا اعلان کیا ہے۔
بلاگ پوسٹ کے ذریعےواٹس ایپ نے اپنی 5 فیچرز کی سہولت فراہم کرنے کا اعلان کرتے ہوئے کہا ہےکہ کمپنی ہمیشہ صارفین کی آسانی کے لیے نئے راستے تلاش کرتی رہتی ہے۔
ان 5 فیچرز میں اینیمیٹڈ اسٹیکرز، کیو آر کوڈز، ڈارک موڈ فار ڈیسک ٹاپ، گروپ ویڈیو کالز اور اسٹیٹس کمز کائی او ایس شامل ہیں۔
ڈارک موڈ
واٹس ایپ کا ڈارک موڈ موبائل ایپ میں تو شامل ہوگیا ہے لیکن اب اس کی سہولت واٹس ایپ ویب میں بھی فراہم کی جائے گی یعنی واٹس ایپ ڈیسک ٹاپ کے لیے بھی ڈارک موڈ یعنی بلیک اسکرین ہوگی۔
اینیمیٹڈ اسٹیکرز
کمپنی کا کہنا ہے کہ صارفین اینیمیٹڈ اسٹیکرز کے ذریعے زیادہ بہتر طریقے سے جذبات کا اظہار کرتے ہیں اس لیے نیو اینیمیٹڈ اسٹیکرز کا پیک شامل کیا جارہا ہے۔
کیو آر کوڈز
کیو آر کوڈز فیچر نئے کانٹیکٹس کو آسانی سے ایڈ کرنے کے لیے ہے اور اس کے لیے واٹس ایپ نے نیا کیو آر کوڈ متعارف کرایا ہے۔ اس فیچر کی مدد سے صارف کسی دوسرے صارف کے کیو آر کوڈ کو اسکین کرکے کانٹیکٹس میں شامل کرسکے گا، یعنی فون نمبر کو ٹائپ کرنے کی ضرورت نہیں پڑے گی۔
گروپ ویڈیو کالز
گروپ ویڈیو کالز کے نئے فیچر کے تحت صارف کال میں شریک دوسرے صارف کے آئیکون کو کچھ دیر تک دبا کر فل اسکرین میں دیکھ سکے گا۔
اسی طرح گروپ چیٹس میں ایک ویڈیو آئیکون بھی دیا جائے گا تاکہ سنگل کلک سے گروپ ویڈیو کال شروع کی جاسکے لیکن یہ ان گروپس میں ہی نظر آئے گا جس میں لوگوں کی تعداد 8 یا اس سے کم ہوگی۔
اسٹیٹس کمز کائی آپریٹنگ سسٹم
اسٹیٹس کمز کائی او ایس صارفین اس کی مدد سے اس مشہور فیچر سے لطف اندوز ہوسکتے ہیں جو 24 گھنٹوں کے بعد غائب ہوجانے والی اپ ڈیٹس کو شیئر کرے گا۔
واٹس ایپ کمپنی کا کہنا ہے کہ صارفین کے لیے یہ تمام فیچرز آئندہ چند ہفتوں میں واٹس ایپ کے جدید ورژن میں شامل کردیے جائیں گے۔