اسلام آباد: وزیر تعلیم شفقت محمود کی زیر صدارت بین الصوبائی وزرائے تعلیم کانفرنس جاری ہے جس میں اسکول کالج اور جامعات کھولنے یا مزید بند رکھنے پر غور کیا  جائیگا۔

کوویڈ 19 کے باعث تعلیمی اداروں کی بندش کے مسئلے پر وفاقی وزیر تعلیم شفقت محمود کی زیر صدارت بین الصوبائی وزرائے تعلیم کانفرنس میں چاروں صوبوں، آزاد کشمیر اور گلگت بلتستان کے وزرائے تعلیم ویڈیو لنک کے ذریعے شریک ہیں۔

تمام صوبے اپنی آرا اجلاس میں پیش کریں گے اور ایس او پیز کے ساتھ تعلیمی اداروں میں امتحانات کی اجازت دینے کی تجویز غور کیا جائے گا۔

صوبوں سے مشاورت کے بعد تجاویز قومی رابطہ کمیٹی کو بھجوائی جائیں گی اور تعلیمی ادارے کھولنے کی حتمی منظوری این سی او سی دے گی۔ تمام صوبے متفق ہوئے تو جولائی اور اگست میں زیر التوا امتحانات لیے جاسکتے ہیں۔

واضح رہے کہ کورونا کی وبا کے باعث تین ماہ سے ملک بھر کے تعلیمی ادارے بند ہیں۔

کراچی: وفاقی اردویونیورسٹی گلشن اقبال کیمپس کی انجمن غیر تدریسی ملازمین ویلفیئر ایسوسی ایشن(رجسٹرڈ) کے نو منتخب عہدیداران برائے سال 2020-21 کی تقریب حلف برداری کی تقریب منعقد کی گئی ۔ تقریب سےخطاب کرتےہوئے شیخ الجامعہ پروفیسر ڈاکٹرعارف زبیر نےکہا کہ انجمن غیر تدریسی ملازمین ایسوسی ایشن جامعہ کی تعمیر و ترقی میں اہم کردار ادا کرتے ہیں۔ میری ملازمین کیلئے ہاؤسنگ سوسائٹی کا قیام اولین ترجیح ہے۔

 انہوں نے کہا کہ اساتذہ کے ساتھ ساتھ انجمن غیر تدریسی ملازمین بھی انتظامیہ کو مضبوط بنانے میں اہم کردار ادا کرتے ہیں، سب باہم مل کر جامعہ کی ترقی و سربلندی کے لئے کام کریں۔

وائس چانسلر پروفیسر ڈاکٹر عارف زبیر نے انجمن غیر تدریسی ملازمین ایسوسی ایشن کے نو منتخب صدرمحمد عدنان اختر،نائب صدر(اول)ہاشم صدیقی،نائب صدر(دوم)محمد سلیم صدیقی، جنرل سیکریٹری سید ریحان علی،جوائنٹ سیکریٹری(اول)محمد صدف شہاب،جوائنٹ سیکریٹری (دوم) عبدالطلال خان،آفس سیکریٹری(اول)تنویر حسین،سیکریٹری(دوم)محسن بٹ،پریس سیکریٹری(اول)سید کامران بخاری، سیکریٹری (دوم) عبدالرشید پریس اور خازن ہلال بختیار سے ان کے عہدوں کا حلف لیا۔تقریب سے رجسٹرار ڈاکٹر ساجد جہانگیر، رکن نامزد کنندہ کمیٹی ڈاکٹر افتخار احمد طاہری،رئیس کلیہ فنون پروفیسر ڈاکٹر محمد ضیاء الدین، رئیس کلیہ سائنس پروفیسر ڈاکٹر محمد زاہد،رئیس کلیہ معارف اسلامیہ پروفیسرڈاکٹر رابعہ مدنی اوررکن نامزد کمیٹی و سینیٹ ڈاکٹر عرفان عزیز نے بھی خطاب کیا

۔تقریب کے اختتام پر عدنان اختر نے شیخ الجامعہ پروفیسر ڈاکٹرعارف زبیر، رجسٹرارڈاکٹر ساجد جہانگیرو دیگر مہمانوں کا شکریہ ادا کیا۔تقریب میں رکن سینیٹ ڈاکٹر سید طاہر علی،ٹریثرار عاصم بخاری، ڈائریکٹر ایووننگ عبدالحق کیمپس ڈاکٹر اصغر دشتی،غلام بشیر بگھیو، ڈاکٹر شاہین قادری بھی موجود تھے۔

پاکستان کی ہونہار بیٹی نےبرطانیہ کا 'دی لیڈی ڈیانا ایوارڈ' اپنے نام کرکےقوم کاسرفخربلندکردیا۔

 لاہور کی رائنہ خان خط غربت کی لکیر سے نیچے زندگی گزارنے والے طبقے کے بچوں اور خواتین کو تعلیم دے کر ایوارڈ کی حق دار قرار پائیں۔

18 سالہ اے لیول کی طالبہ رائنہ خان معروف گلوکار عدیل برکی کی بیٹی ہیں، انہیں سماجی خدمات کے اعتراف میں ایک غیر سرکاری برطانوی تنظیم کی جانب سے ’دی لیڈی ڈیانا ایوارڈ‘دیا گیا۔ 

یہ ایوارڈ ہر سال برطانیہ کی سابق شہزادی لیڈی ڈیانا کی سالگرہ پر دیا جاتا ہے۔

رائنہ خان کے مطابق انہوں نے 2017 میں گھریلو ملازمہ کے بچوں کو پڑھانا شروع کیا اور ایک این جی او کی بنیاد رکھی۔

2 سال میں فنڈز اکٹھے کرکے ایک اسکول بنایا جہاں 250 طلبا و طالبات مفت تعلیم حاصل کر رہے ہیں جب کہ اسکول میں لڑکیوں کو سلائی کڑھائی کا کام بھی سکھایا جاتا ہے۔

سماجی خدمات کے باعث رائنہ خان 2 مرتبہ غیر ملکی ایکسچینج پروگرام اور یوتھ ایمبیسیڈر کے طور پر منتخب ہو چکی ہیں

 وہ بین الاقوامی تعلقات پالیسی میں مزید تعلیم حاصل کرکے خواتین کی بہبود کے لیے کچھ کرنا چاہتی ہیں۔

رائنہ خان کا کہنا ہے کہ ملک بھر میں تعلیم عام کرنا ان کا خواب ہے، وہ اس مقصد کے لیے اپنی کوشش جاری رکھیں گی۔ 

اسلام آباد: ملک میں پب جی گیم پر پابندی کو اسلام آباد ہائیکورٹ میں چیلنج کر دیا گیا۔ جس میں مطالبہ کیا گیا ہے کہ پی ٹی اے کی جانب سے پب جی گیم پر پابندی کا فیصلہ کالعدم کیا جائے۔

درخواستگزار نے موقف اختیار کیا کہ پاکستان میں پب جی کاٹورنامنٹ جیتا،10جولائی کوپب جی ورلڈلیگ میں شامل ہوناہے۔ تعلیمی اداروں میں نمبرکم ہونے کی وجہ سےخودکشیوں پرکیا تعلیمی ادارے بندکئےجاتے ہیں۔

درخواستگزار نے مزید موقف اختیار کیا کہ الیکٹرانک سپورٹس دنیا کی سب سے بڑی انڈسٹری ہے، پب جی گیم آن لائن پیسے کمانے کا سب سے بڑا زریعہ ہے، پب جی گیم پر پابندی سے بڑی کمپنیوں کی سپانسرشپ ختم ہونے کا خدشہ ہے۔

درخواست میں استدعا کی گئی کہ سپانسر شپ ختم ہونے سے پاکستان کو بے حد معاشی نقصان ہوگا، پب جی گیم پر پابندی سے پاکستان الیکٹرانک سپورٹس میں بلیک لسٹ ہوسکتا ہے۔ پی ٹی اے کی جانب سے پب جی گیم پر پابندی کا فیصلہ کالعدم کیا جائے۔

کراچی: داؤد یونیورسٹی آف انجینئرنگ اینڈ ٹیکنالوجی نےآج سے آن لائن کلاسز کاآغازکردیا۔

داؤد یوینیورسٹی نے فیصلہ کیا ہے کہ کورونا وائرس کے پیش نظر طلبا کو تعلیمی نقصان سے بچانے اور ہائر ایجوکیشن کمیشن کی آن لائن کلاسز سے متعلق تمام گائیڈ لائنز پر عملدرآمد کرتے ہوئے آج سے نئے سیشن کی آن لائن کلاسز (صرف تھیوری) کا آغاز کریگا۔

مذکورہ فیصلہ گزشتہ روز وائس چانسلر پروفیسر ڈاکٹر فیض اللہ عباسی کی زیر صدارت ہونے والے آن لائن اکیڈمک کونسل کے اجلاس میں کیا گیا

اجلاس  میں پرو وائس چانسلر ڈاکٹر پیر روشن دین شاہ راشدی ، ڈین فیکلٹی آف انجینئرنگ ڈاکٹر عبدالوحید بھٹو ، اکیڈمک کوآرڈی نیٹر ڈاکٹر دوست علی خواجہ ، رجسٹرار سید آصف علی شاہ، این ای ڈی یونیورسٹی کے ڈین برائے سول انجینئرنگ ڈاکٹر اسد الرحمن خان، جامعہ کراچی کی ایچ ای جے ریسرچ انسٹی ٹیوٹ کے ڈاکٹر محمد اقبال، ڈاکٹر اسما عباس و دیگر نے آن لائن شرکت کی۔