ایمز ٹی وی (ہیلتھ ڈیسک) سپریم کورٹ کے احکامات پر ڈی ایچ او نے او پی ایس پر مقرر 32 ڈاکٹرز، اسٹاف، نرسوں اور ڈبلیو ایم او کراچی رلیو کردیا۔ تفصیلات کے مطابق ڈی ای او نوشہروفیروز عبدالوھاب ودھو نے سپریم کورٹ کے احکامات پراو پی ایس پر مقرر 32ڈاکٹرز، اسٹاف، نرسوں اور ڈبلیو ایم او کراچی رلیو کردیا ہے۔

رلیو ہونے والوں میں کو آرڈینیٹر نیشنل ہیلتھ پروگرام ڈاکٹر عبدالمجید انصاری ، ڈاکٹر بہادرمغل، ڈاکٹر غلام شبیر ملک، ڈاکٹر سکینہ، ڈاکٹر یوسف نول، ڈاکٹر میمونہ جلبانی، گل بی بی، نسیم بیگم نارائي، مشتاق پھرڑو، رسول بخش عامر، ڈاکٹر شہزاد وگن، فاروق جلبانی، ضیاء الدین سولنگی، گھنو خان سولنگی، بشیر میمن، ڈاکٹر عطامحمد رند، غلام مرتضیٰ سہتو، ڈاکٹر ابراہیم منگریو اور ديگر شامل ہیں جوکہ سیاسی آشیرواد حاصل ہونے کی وجہ سے او پی ایس پر کام کررہے تھے ۔

ایمز ٹی وی (ایجوکیشن) اعلیٰ ثانوی تعلیمی بورڈ کراچی کے ناظم امتحانات عمران چشتی نے اعلان کیا ہے کہ سائنس پری میڈیکل، پری انجینئرنگ، سائنس جنرل اور آرٹس ریگولر گروپس کے ضمنی امتحانات 2015کے عملی امتحانات آج سے ہو رہے ہیں۔ تمام طلبہ اپنے عملی امتحانات کا پروگرام حاصل کر لیں۔

سائنس پری میڈیکل، پری انجینئرنگ اور سائنس جنرل گروپس کےطلبہ عملی امتحانات کا پروگرام گورنمنٹ کالج فار مین ناظم آباد جبکہ آرٹس ریگولر کے طلبہ گورنمنٹ اسلامیہ آرٹس اینڈ کامرس کالج نمبر ایک سے حاصل کرسکتے ہیں جبکہ ان تمام گروپس کی طالبات اپنے عملی امتحانات کا پروگرام سر سید گورنمنٹ گرلز کالج ناظم آباد سے حاصل کرسکتی ہیں۔

ایمز ٹی وی (ایجوکیشن) ہائر ایجوکیشن کمیشن آف پاکستان نے سندھ مدرستہ الاسلام یونیورسٹی کو معیاری تعلیم کے سلسلے میں سب سے اعلیٰ کیٹیگری ’’ڈبلیو‘‘ کا اعزاز دیا ہے۔ سندھ مدرسہ یونیورسٹی کو ڈبلیو کیٹیگری کا اعلیٰ اعزاز مختلف پیرامیٹرس کی بنیاد پر دیا گیا، جن میں سندھ مدرسہ یونیورسٹی کے تعلیمی پروگرامز کاجائزہ لینا بھی شامل تھا۔

واضح رہے کہ 2012ء میں قائم ہونے والی سندھ مدرسہ یونیورسٹی وائس چانسلر ڈاکٹر محمد علی شیخ کی سربراہی میں صرف تین برس کے قلیل عرصے میں ملک کی ایک بہترین یونیورسٹی بن کر ابھری ہے۔ سندھ مدرسہ یونیورسٹی بانی پاکستان قائد اعظم محمد علی جناح کی مادرعلمی ہے، جہاں پر انہوں نے اپنے تعلیمی کیریئر کا سب سے زیادہ وقت (1877 سے 1892ء تک) گزارا تھا۔ انہیں اپنی مادرعلمی سے بے انتہا پیار اور محبت تھی، یہی وجہ ہے کہ انہوں نے اپنی آخری وصیت کے ذریعے اپنی ذاتی ملکیت کا تیسرا حصہ سندھ مدرستہ الاسلام کو دیا تھا اور انہوں نے ہی اسے 1943ء کو کالج کا درجہ بھی دیا تھا۔

اب بانی پاکستان کی مادر علمی یونیورسٹی کا درجہ حاصل کرنے کے بعد ملک کی ایک معیاری یونیورسٹی بن گئی ہے، جس کا اعتراف اب ہائر ایجوکیشن کمیشن بھی کررہاہے۔

ایمزٹی وی(انٹرٹینمنٹ )پاکستانی گلوکار اور اداکار علی ظفر ایک سالانہ برطانوی سروے میں ایشیا کے سب سے پرکشش مردوں میں تیسرے نمبر پر آئے ہیں۔ ذرائع کے مطابق برطانوی اخبار میں 2015 کے پرکشش ایشیائی مردوں کے حوالے سے سروے ہوا، جس میں پاکستانی گلوکار علی ظفر تیسرے نمبر پر نظر آئے۔اس سروے میں لاکھوں کی تعداد میں ووٹ حاصل کرکے پہلی پوزیشن برطانوی بینڈ ون ڈائریکشن کے سابق پاکستانی نژاد گلوکار زین ملک نے حاصل کی جبکہ دوسرے پر بالی وڈ اداکار ریتھیک روشن رہے۔ زین ملک اس لسٹ میں سب سے کم عمر پرکشش مرد کے طور پر بھی سامنے آئے۔ٹاپ ٹین کی فہرست میں پاکستانی اداکار فواد خان، سلمان خان، شاہد کپور، شاہ رخ خان اور ہندوستانی ٹیلی ویژن اداکار گورمیت چوہدری شامل ہیں۔