ایمز ٹی وی(ایجوکیشن)شاہ عبداللطیف یونیورسٹی ٹیچرز ایسوسی ایشن کا اجلاس پرافیسر ڈاکڑ غلام سرور مرکھنڑ کی صدارت میں منعقد ہوا جس میں یونیورسٹی کے اساتزہ کے پروموشن میرٹ کی بنیاد پر کرنے پر خوشی کا اظہار کیا گیا اور تدریسی عمل میں مزید بہتری لانے کا اعلان کیا گیا۔پروفیسر غلام سرور مرکھنڈ نے اجلاس سے خطاب کرتے ہوئے کہا کہ شاہ عبداللطیف یونیورسٹی پاکستان کی مثالی یونیورسٹی بن چکی ہے۔ہم کوشش کر کے اس یونیورسٹی کو دنیا کی صف اول یونیورسٹیوں کی فہرست میں لائیں گے انہوں نے کہا کہ لطیف یونیورسٹی کے 35 اساتزہ دنیا کی مختلف یونیورسٹیوں میں پی ایچ ڈی کر رہے ہیں یونیورسٹی کے ملازمین کے لیے 50 ایکڑ پر ہاؤسنگ سوسائٹی بن رہی ہے جس سے یونیورسٹی  ملازمین کو رہائش کی سہولیات مہیا ہوں گی انہوں نے کہا کہ یونیورسٹی کی مثالی ترقی میں یونیورسٹی کی موجودہ وائس چانسلر ڈاکڑ پروین شاہ کا اہم کردار ہے انیوں نے کہا کہ یونیورسٹی کی مزید ترقی میں یونیورسٹی ڑیچرز ایسوسی ایشن وائس چانسلر کے ساتھ بھرپور تعاون کرے گی۔

ایمز ٹی وی (فارن ڈیسک) دنیا میں لاوارث اور یتیم بچوں کو سہارا دینے والوں کی کمی نہیں مگر کیا کبھی آپ نے کسی ایسے شخص کے بارے میں سنا ہے جو مردہ بچے گود لیتا ہو؟ لیکن چلی کی ایک عورت یہ منفرد کام کرتی ہے۔ ظاہر ہے کہ مردہ بچوں کی تدفین ہی کی جاسکتی ہے۔ چنانچہ برنارڈا گیلارڈو ان کی آخری رسومات بڑے اہتمام سے انجام دیتی ہے۔ مردہ بچے گود لینے سے برنارڈا کا مقصد بھی انھیں سفر آخرت پر احسن طریقے سے روانہ کرنا ہے۔

برنارڈا نے مردہ بچے گود لینے کا آغاز 12 برس قبل کیا تھا جب اس نے ایک اخبار میں خبر پڑھی کہ پوٹرٹو مونٹ (چلی کا ایک شہر) میں کچرے کے ڈھیر سے ایک نوزائیدہ بچے کی لاش ملی تھی۔ ان دنوں بے اولاد برنارڈا بچہ گود لینے کے بارے میں سوچ رہی تھی۔ اسے یہ خبر پڑھ کر از حد افسوس ہوا۔ اس نے سوچا اگر یہ بچہ زندہ ہوتا تو شاید اس کے حصے میں آجاتا۔ چناں چہ اس نے مردہ بچے کی تدفین کرنے کا فیصلہ کیا۔

برنارڈا نے ڈاکٹر سے لاش کا معائنہ کروانے کے بعد یہ سرٹیفکیٹ حاصل کیا کہ بچہ مردہ پیدا نہیں ہوا تھا بلکہ اس کی موت پیدائش کے بعد واقع ہوئی تھی۔ یہ ثابت ہوجانے کے بعد بچے کی لاش حاصل کرنے کے لیے برنارڈا کو بچہ باقاعدہ گود لینا تھا۔ یہ کوئی آسان مرحلہ نہیں تھا۔ جج کا خیال تھا کہ برنارڈا بچے کی حقیقی ماں تھی، اب اسے بچے کو کچرے کے ڈھیر پر پھینک دینے کے بعد پچھتاوا ہورہاتھا اسی لیے وہ اس کی لاش حاصل کرنا چاہتی تھی۔ خاصی جدوجہد کے بعد نارڈا جج کو قائل کرنے میں کام یاب ہوگئی اور اسے سرکاری طور پر بچہ گود دے دیاگیا۔  یہ چلی اور شاید دنیا کی تاریخ میں پہلا واقعہ تھا کہ مردہ بچہ گود لیا گیا ہو۔ 

چند ماہ کے دوران اس نے مزید کئی مُردہ بچے گود لیے۔ ان دنوں بھی وہ ایک مردہ بچی کی لاش حاصل کرنے کے لیے قانونی کارروائی سے گزررہی ہے۔ برنارڈا کا کہنا ہے کہ وہ آخری سانس تک ان معصوم مرجھائے ہوئے پھولوں کی آخری رسومات عزت و احترام سے ادا کرتی رہے گی۔ برنارڈا اپنے ’’لے پالک‘‘ بچوں کی قبروں پر باقاعدگی سے جاتی ہے۔