ایمز ٹی وی (لاہور) بادامی باغ ریلوے سٹیشن لاہور پر کارگو ٹرین کے افتتاح کے موقع  پر وفاقی وزیر ریلوے خواجہ سعد رفیق نے کہا ہے کہ  خواجہ سعد رفیق نے کہا کہ ریلوے کے محنتی افسران کی کاوشوں سے کارگو ایکسپریس بحال کر دی گئی ہے۔ کارگو ایکسپریس چلنے سے 24 ہزار لوگوں کا روزگار وابستہ ہوگا۔  انکا کہنا تھا کہ تحریک انصاف کو 30 نومبر جلسہ کے لئے قانون کے مطابق پرامن رہنے کی تحریری ضمانت دینا ہوگی۔ خواجہ سعد رفیق کا کہنا تھا کہ وزیراعظم محمد نواز شریف ملک کو ترقی کی جانب لے کر جا رہے ہیں جبکہ دھرنے والے رکاوٹیں ڈال رہے ہیں۔ انکا کہنا ےھا کہ عمران خان حکومت کے مدمقابل ذہنی توازن کھو بیٹھے ہیں۔ عمران خان نے پاکستانی معیشت کو بڑا ٹیکہ لگایا ہے۔ وہ اونچی آوازوں سے قوم کو گمراہ نہیں کر سکتے۔ لوگوں کا مسئلہ امن وامان اور صاف پانی ہے۔ ان کا کہنا تھا کہ 30 نومبر کو امن وامان کا کوئی مسئلہ پیدا نہیں ہوگا تاہم تحریک انصاف کو جلسہ کے لئے قانون کے مطابق پرامن رہنے کی تحریری ضمانت دینا ہوگی۔عمران حسد کی آگ سے خود کو نکالیں ورنہ جلتے جلتے خاک ہو جائیں گے۔

ایمزٹی وی (نیوز ڈیسک)

 چنیوٹ سے تعلق رکھنے والے 40 سالہ ذوالفقار احمد کوگزشتہ ہفتے شدید بخار کے بعد فیصل آباد کے الائیڈ ہسپتال منتقل کیا گیا تھا، جہاں ڈاکٹروں نے ذوالفقار کے منہ اور ناک سے خون بہنے پر خطرناک ایبولا وائرس کا شکار ہونے کا خدشہ ظاہر کیا تھا۔

آج الائیڈ ہسپتال کی جانب سے ایبولا وائرس میں مبتلا ذوالفقار احمد کی ہلاکت کی تصدیق کردی گئی ہے۔

۔وزیراعلیٰ پنجاب شہباز شریف نے فیصل آباد میں ایبولا کے مشتبہ مریض کی ہلاکت کا نوٹس لیتے ہوئے  محکمہ صحت سے رپورٹ طلب کر لی ہے۔ وزیراعلیٰ پنجاب کا کہنا تھا کہ ایبولا وائرس سے جاں بحق ہونے والے مریض سے متعلق مکمل تحقیقات کی جائے-

جبکہ منگل کی صبح تک عالمی ادارہ صحت کی ٹیمیں بھی متوقع طور پر چنیوٹ پہنچ جائیں گی

 ایمز ٹی وی (اسلام آباد) ایک تقریب سے خطاب کرتے ہوئے وفاقی وزیردفاع خواجہ آصف نے کہاہے کہ  برصغیر میں امن چاہتے ہیں ، مسائل مذاکرات سے حل کرناچاہتے ہیں ،سارک کانفرنس میں بھارت تلخی کم کرے ، پاکستان آج بھی بھارت کے ساتھ دوستانہ تعلقات چاہتاہے ،بھارت سے عزت ووقار کے ساتھ امن چاہتے ہیں لیکن امن کی خواہش کو کمزوری نہ سمجھاجائے ، انکا کہنا تھا کہ امیدہے کہ بھارت سے دوطرفہ تعلقات بہترہوں گے ۔  وزیردفاع خواجہ آصف نے بتایاکہ خطے میں امریکی پالیسیاں بری طرح ناکام ہوئی ہیں ،  امن اور معیشت ایک دوسرے سے منسلک ہیں ، دنیا میں ایک سپر پاور ہے جس کی وجہ سے حالات خراب ہورہے ہیں ،داعش کو شام میں حکومت کیخلاف بنایاگیاتھا لیکن آج وہ اسلام کی بدنامی کا باعث بن رہی ہے ،داعش کے لوگوں کو جنیوامیں ملاقات کے لیے کیوں بلایاگیاتھا؟وزیردفاع نے کہاکہ افغانستان میں امن کے بغیر پاکستان میں امن ممکن نہیں ، افغانستان میں امن کے لیے پاکستان کو کردار اداکرناہو گا۔اُنہوں نے بتایاکہ وزیراعظم نواز شریف آج سارک کانفرنس میں شرکت کے لیے کھٹمنڈوروانہ ہورہے ہیں ،پاکستان نے دہشتگرری کے خلاف پاکستان نے بہت قربانیں دیں ، قبائلی علاقوں میں دہشتگردی کے خلاف جنگ جاری ہے جس دوران تمام شدت پسندوں کے خلاف کارروائی کررہے ہیں،دہشتگردی پر قابوپانے کے لیے پاکستان روس سے جدید اسلحہ خریدے گا۔خواجہ آصف کاکہناتھاکہ انتہائی پسندی اور توانائی پاکستان کے دوبڑے مسائل ہیں ، نواز شریف دوارب لوگوں کی خواہش کے مطابق امن چاہتے ہیں ۔اُن کاکہناتھاکہ امریکہ کے ساتھ دفاع سمیت مختلف معاہدے کیے لیکن مستقبل میں جوبھی معاہدے کریں گے ، اپنی ضروریات کو مدنظررکھیں گے ، دودہائیوں سے امریکہ نے پاکستان پر اعتماد نہیں کیاگیا، تعلقات بہتر گہرے ہیں مگر تسلسل نہیں رہا، اب جوبھی معاہدے کریں گے ، اپنی ضروریات کو مدنظررکھیں گے ۔

 ایمز ٹی وی (ملتان) تحریک انصاف کے رہنما جہانگیر ترین نے کہا ہے کہ  حکومت الزامات لگانے سے پہلے اپنے گریبان میں جھانکے ،پرویز رشید بتائیں کہ وہ حکومت میں آنے سے پہلے کن جہازوں میں گھومتے تھے ۔ان کا کہنا تھا کہ لوگ ہماری کمپنی پر اعتبار کرتے ہیں اور میری شوگر مل کسی بینک کی ڈیفالٹر نہیں ہے ،ہم ایمانداری سے کام کرتے ہیں اور کاشتکاروں کا خیال رکھتے ہیں اس لیے کاشتکار ہماری کمپنی پر بھروسہ کرتے ہیں ۔انکا کہنا تھا کہ اس ہفتے وفاقی وزیراطلاعت پر ویز رشید کو لیگل نوٹس بھیجوں گا ،پر ویز رشید مجھ سے معافی مانگیں ورنہ انہیں حرجانہ ادا کرنا ہو گا۔