لاہور: پنجاب کے شہر لاہور میں کل سے 50فیصد حاضری کیساتھ تعلیمی سرگرمیاں جاری رکھنے کافیصلہ کیا گیا ہے۔

وزیر تعلیم پنجاب مراد راس کا کہنا ہے کہ لاہور کے تمام سرکاری اور پرائیویٹ اسکولوں میں چھٹی جماعت تک50 فیصدطلبا آئیں گےجبکہ ساتویں سے بارہویں جماعت کی کلاسز شیڈول پر رہیں گی۔

لاہور:پاکستان کرکٹ بورڈ نے پی ایس ایل 7 کے 30 لیگ میچز کے لیے امپائرز اور میچ ریفریز پینل کا اعلان کردیا

انٹرنیشنل کرکٹ کونسل کے چیف میچ ریفری رنجن مدوگالے پہلی بار ذمہ داری نبھائیں گے، انھوں نے 2 سال قبل بنگلادیش کرکٹ ٹیم کے دورہ پاکستان میں بھی میچ ریفری کی ذمہ داریاں ادا کی تھیں۔وہ 30 مارچ کو لاہور قلندرز بمقابلہ کراچی کنگز میچ میں پہلی مرتبہ پلیئنگ کنٹرول ٹیم کی سربراہی کریں گے۔

رنجن مدوگالے کے ساتھ روشن مہانامہ بھی ریفری کی ذمہ داریاں ادا کریں گے، وہ 27 جنوری کو افتتاحی میچ سمیت7 میچز میں فرائض انجام دیں گے۔

پی سی بی کے ایلیٹ پینل میں شامل میچ ریفریز علی نقوی، افتخار احمد اور محمد جاوید ملک بھی لیگ میں ذمہ داریاں ادا کریں گے۔ علیم ڈار، مائیکل گف، رچرڈ ایلنگورتھ، احسن رضا، آصف یعقوب، فیصل آفریدی، امتیاز اقبال، عمران جاوید، ناصر حسین، راشد ریاض، شوزب رضا اور ولید یعقوب امپائرنگ کریں گے۔

فائنل سمیت پلے آف میچز کے لیے میچ آفیشلز کا اعلان بعد میں کیا جائے گا۔

کراچی: معروف ٹرانس جینڈر ایکٹیوسٹ سارہ گِل نے جناح میڈیکل اینڈ ڈینٹل کالج کراچی سے ایم بی بی ایس (فائنل) کے امتحان میں کامیابی حاصل کرکے پاکستان کی پہلی خواجہ سرا ڈاکٹر کا اعزاز اپنے نام کرلیا ہے۔

سارہ پاکستان میں ٹرانس جینڈر طبقے کی فلاح و بہبود کےلیے ’’جینڈر انٹریکٹیو الائنس‘‘ کے نام سے ایک غیر سرکاری تنظیم بھی چلا رہی ہیں۔

ڈاکٹر سارہ گِل کا کہنا تھا کہ اگرچہ ان کے کلاس فیلوز کو ان کی اصلیت معلوم تھی لیکن پھر بھی کالج کے داخلہ فارم پر انہیں خود کو لڑکا ظاہر کرنا پڑا کیونکہ ان کے والدین کا اصرار یہی تھا۔

ٹرانس جینڈر ہونے کی وجہ سے سارہ کو اپنی تعلیم میں کئی سنگین مسائل کا سامنا کرنا پڑا، ’’لیکن ہر ٹرانس جینڈر کو اسی طرح کی صورتِ حال کا سامنا کرنا پڑتا ہے،‘‘ انہوں نے کہا۔

ایم بی بی ایس (فائنل) میں کامیابی کے بعد سارہ گِل نے پاکستانی ٹرانس جینڈر کمیونٹی سے ایک بار پھر زور دے کر کہا ہے کہ انہیں تعلیم حاصل کرنے پر توجہ دینی چاہیے اور معاشرے میں بہتر مقام بنانا چاہیے۔

کراچی: سرسید یونیورسٹی آف انجینئرنگ اینڈ ٹیکنالوجی کے زیرِ اہتمام غریب و نادار لوگوں میں موسم سرما میں گرم کپڑوں و دیگر ضروری سامان کی تقسیم کی مہم Winter Drive 2022 کا آغاز کیا گیا جس میں سینکڑوں کی تعداد میں کمبل،رضائیاں ، گرم لحاف، جیکٹس، سوئیٹر و دیگر گرم کپڑے مستحق لوگوں میں تقسیم کئے گئے ۔

اس موقع پر اظہارِ خیال کرتے ہوئے سرسید یونیورسٹی کے چانسلر جاوید انوار نے کہا کہ Winter Drive 2022 کے محرک سرسید یونیورسٹی کے اساتذہ ہیں جنہوں نے اس مہم کا انتظام کیا ہے ۔ غریب اور نادار لوگوں کی داد رسی کے لیے یہ پہلی رفاحی و فلاحی مہم ہے جو اساتذہ کی جانب سے چلائی جارہی ہے ۔ اور اس مہم میں جامعہ کے تمام شعبہ جات نے بھرپور تعاون کیا ہے ۔

سرسید یونیورسٹی کے وائس چانسلر پروفیسر ڈاکٹر ولی الدین نے کہا کہ بے سہارا اور غریب خاندانوں میں خدمت خلق کے جذبے سے موسم سرما میں گرم کپڑے تقسیم کرنا کارخیر کے ساتھ انسانی فریضہ بھی ہے ۔ اس سے اللہ کی رضا اور اطمینانِ قلب حاصل ہوتا ہے ۔ انسانیت کی خدمت میں آگے بڑھیں ۔

رجسٹرار سید سرفراز علی نے کہا کہ انسانی خدمت ایک نیک اور مستحسن عمل ہے ۔ دوسروں کی مدد کرنا ، ان کی ضرورت کے وقت کام آنا، اللہ کے نزدیک سب سے زیادہ پسندیدہ فعل ہے جو ایک صدقہ جاریہ ہے ۔

علیگڑھ مسلم یونیورسٹی اولڈ بوائز ایسوسی ایشن کے جنرل سیکریٹری محمدارشد خان نے کہا کہ خدمتِ خلق ایک مقدس جذبہ ہے جس کی تحریک کے لیے کسی رہبر کی ضرورت نہیں پڑتی ۔ تسکینِ قلب کا بہترین عمل یہی ہے کہ ہم اپنی زیادہ تر زندگی خدمتِ خلق میں گزاریں

اس مہم کوسرسید یونیورسٹی کے اساتذہ نے ترتیب دیا جس میں جامعہ کے تمام شعبہ جات سمیت طلباء و طالبات کی کثیر تعداد نے حصہ لیا

اسلام آباد: این سی او سی نے کورونا کی 10 فیصد سےزائد شرح والے شہروں میں تعلیمی سرگرمیاں محدود کرنے کا فیصلہ کرلیا۔

ذرائع کے مطابق وزیر منصوبہ بندی اسد عمر کی صدارت میں این سی اوسی کا اجلاس ہوا، جس میں ملک بھر میں کورونا کی موجودہ صورتحال اور احتیاطی تدابیر پر عملدرآمد کا جائزہ لیا گیا، اجلاس میں احتیاطی تدابیر پر 31 جنوری تک عمل جاری رکھنے اور شادی ہالز کے حوالے سے احتیاطی تدابیر پر 15 فرروی تک برقرار رکھنے کا فیصلہ کیا گیا۔ جب کہ این سی او سی 27 جنوری کو دوبارہ اجلاس میں صورتحال کا جائزہ لے گی۔
این سی او سی کے مطابق کورونا کی 10 فیصد سے زائد شرح والے شہروں میں تعلیمی سرگرمیاں بھی محدود کرنے کا فیصلہ کیا گیا ہے، 12 سال سے کم عمر طلبا 3 دن 50 فیصد آئیں گے، اور 12 سال سے زائد عمر کے اسٹوڈنٹس کی مکمل حاضری ہوگی، تاہم 12 سال کے زائد عمر کی طلبا کے لیے ویکسینیشن لازمی قرار دی گئی ہے۔

این او سی کی جانب سے جاری بیان میں بتایا گیا ہے کہ این سی او سی کی جانب سے 10 فیصد سے زائد شرح والے شہروں میں پابندیاں عائد کی گئی ہیں، کورونا کی 10 فیصد سے زائد شرح والے تمام شہروں میں ہر قسم کے اجتماعات پر پابندی عائد کردی گئی ہے، ان شہروں میں ان ڈور اجتماعات میں 300 افراد کہ گنجائش کی اجازت ہوگی، اور 300 افراد آؤٹ ڈور اجتماعات کر سکیں گے، 10 فیصد سے زائد شرح والے شہروں میں انڈور شادی تقریبات پر پابندی عائد کردی گئی ہے، جب کہ ان شہروں میں ڈائن ان پر بھی پابندی عائد کی گئی ہے۔

این سی او سی کے بیان کے مطابق انڈور جمز کو 50 فیصد فراد کی گنجائش کے ساتھ کام کرنے کی اجازت ہوگی، سینما، مزارات اور پارکس میں بھی 50 فیصد افراد کی شرط عائد کی گئی ہے، 10 فیصد سے زائد شرح والے تمام شہروں میں تمام قسم کی کنٹیکٹ اسپورٹس پر بھی پابندی ہوگی، پبلک ٹرانسپورٹ کو بھی 70 فیصد افراد کی گنجائش کے ساتھ کام جاری رکھنے کی ہدایات کی گئی ہے، این سی او سی کی جانب سے کاروباری اوقات اور دفاتر کے اوقات کار میں کسی بھی قسم کی تبدیلی نہیں کی گئی۔

اسلام آباد: چیئرمین ایچ ای سی ڈاکٹر طارق بنوری کو انکےعہدے پر بحال کردیا گیا

اسلام ہائیکورٹ میںچیف جسٹس اطہرمن اللہ اور جسٹس عامر فاروق پرمشتمل ڈویژن بینچ نے مختصر فیصلہ سناتےہوئےطارق بنوری کو بطور چیئرمین ایچ ای سی ہٹانے کانوٹیفکشن کلعدم قراردے دیا ہے جبکہ طارق بنوی کو بطور چیئرمین ایچ ای سی بحال بھی کردیا ہے

یاد رہے مئی 2018 میں ڈاکٹر طارق بنور ی کو بطور چیئرمین ایچ ای سی
تعینات کیا تھاجنہیں27مارچ2021 کو ڈاکٹر طارق بنوری کو عہدے سے ہٹادیا گیاتھا

ڈاکٹر طارق بنوری کو بطور چیئرمین مئی 2022 تک 4سالہ مدت پوری کرنا تھی

کراچی:کورونا کی پانچویں لہر، ڈی جی اسکولز سندھ کاوالدین کے لئیے ہدایت نامہ جاری کردیا

ڈائریکٹر جنرل اسکول کی جانب سے تمام اسکولوں کو مراسلہ ارسال کردیا گیا جس میں والدین کو ہدایت کی گئی ہے کہ یہ وائرس پاکستان میں بلعلوم اور کراچی میں بالخصوص تیزی سے پھیل رہا ہےاور اومی کرون بچوں پر بھی اثر انداز ہو رہا ہے، والدین بچوں کو بلا ضرورت گھر سے باہر نہ نکلنے دیں۔اسکول سے گھر واپسی پر باہر سے کچھ نہ خریدیں

ڈائریکٹر جنرل ڈاکٹر منصوب حسین صدیقی نے والدین سے درخواست کی ہے کہ بچوں کو لازمی ویکسینیشن کرائےوباء کا مقابلہ کرنے کیلئے ایس او پی پر عمل درآمد کو یقینی بنائیںاسکول اور کلاس میں ماسک لازمی پہن کر رکھیں

بچے ہمارا مستقبل ہیں،ان کا خاص خیال رکھیں شاپنگ مال اور شادی جیسی بڑی تقریبات میں شرکت نہ کریں۔کوویڈ ویرینٹ وائرس40فیصد سے زائد پھیل چکا ہے
حکومتی فیصلے کے تحت تعلیمی ادارے کھلے رہیں گے اور تعلیمی سلسلہ برقرار رہے گا

کراچی: اعلیٰ ثانوی تعلیمی بورڈ کراچی نے نے انٹرمیڈیٹ گیارہویں جماعت کے آرٹس ریگولر، سائنس جنرل گروپس اور خصوصی امیدواروں کے سالانہ امتحانات برائے 2021ء (دوسرے مرحلہ) کے نتائج کا اعلان کردیا ۔

چیئرمین انٹربورڈ پروفیسر ڈاکٹر سعید الدین نے نتائج کی تفصیلات بتاتے ہوئے کہا کہ آرٹس ریگولر گروپ کے امتحانات میں 24ہزار 284امیدواروں نے رجسٹریشن حاصل کی اور 22ہزار 890امیدوار امتحانات میں شریک ہوئے۔ان امتحانات میں 20ہزار 979 امیدوارچھ پرچوں میں، 1ہزار 592پانچ پرچوں میں، 297 چار پرچوں میں اور 22 تین پرچوں میں کامیاب قرار پائے۔

چیئرمین انٹربورڈ نے مزید بتایا کہ سائنس جنرل گروپ کے امتحانات میں 4ہزار 672 امیدوار وں نے رجسٹریشن حاصل کی جبکہ 4ہزار 609 امیدوار امتحانات میں شریک ہوئے۔ ان امتحانات میں 4ہزار 291امیدوار چھ پرچوں میں، 134امیدوار پانچ پرچوں میں، 166 امیدوارچار پرچوں میں اور 18امیدوارتین پرچوں میں کامیاب ہوئے۔

چیئرمین انٹربورڈ پروفیسر ڈاکٹر سعید الدین نے بتایا کہ خصوصی امیدواروں کے امتحانات میں 114امیدواروں نے رجسٹریشن حاصل کی، 113امیدوار امتحانات میں شریک ہوئے۔ ان امتحانات میں 111امیدوار چھ پرچوں میں، ایک امیدوار پانچ پرچوں میں اور ایک امیدوار تین پرچوں میں کامیاب ہوا

اسلام آباد:نیشنل کمانڈ آپریشنل آف سینٹر کاکہناہےتعلیمی اداروں میں چھٹی کےحوالےسےفیصلہ شام تک کردیا جائے گا۔

تفصیلات کے مطابق ملک بھر میں کورونا کے بڑھتے ہوئے کیسز کے پیش نظراین سی او سی نے وزرائےتعلیم کا اجلاس آج ہوگا این سی او سی کا کہنا ہے کہ تعلیمی اداروں میں چھٹیوں کے حوالے سے مشاورت جاری ہے،بغیر مشاورت کے کوئی فیصلہ نہیں لے سکتے حتمی فیصلے کے لیے اتفاق رائےضروری ہے،تعلیمی اداروں میں چھٹیوں کے حوالے سے آج شام تک عوام کو آگاہ کردیا جائے گا

بورڈ امتحانات کےحوالے سے این سی او سی کاکہنا ہے کہ نئے نصاب کا اعلان صوبائی وزرائے تعلیم ایک سے دو روز میں کریں گے.رواں سال ملک میں بورڈ کے تمام امتحانات ہر حال میں ہوں گے

دبئی: آئی سی سی نے ورلڈ ٹیسٹ چیمپئن شپ کی رینکنگ جاری کردی

ٹیسٹ رینکنگ میں پاکستانی ٹیم تیسری پوزیشن حاصل کرنے میں کامیاب رہی۔

انٹرنیشنل کرکٹ کونسل کی جانب سے جاری ہونے والی ٹیسٹ سیریز کے پوائنٹس ٹیبل میں سری لنکا 24 پوائنٹس کے ساتھ پہلے نمبر پر ہےجبکہ آسٹریلیا دوسرے نمبر پر ہے جس نے چار میچز میں فتح حاصل کی جبکہ ایک میچ برابر ہوا۔

اسی طرح پوائنٹس ٹیبل پر پاکستان کی تیسری پوزیشن رہی، جس نے تین ٹیسٹ میچز میں سے دو میں فتح حاصل کی جبکہ قومی ٹیم کو ایک میچ میں شکست کا سامنا کرنا پڑا۔

پوائنٹس ٹیبل پر جنوبی افریقا چوتھے، بھارت پانچویں، نیوزی لینڈ چھٹے، بنگلادیش ساتویں، ویسٹ انڈیز آٹھویں اور انگلینڈ کی ٹیم نویں نمبر پر رہی۔