کراچی: وزیر تعلیم سندھ سردار علی شاہ کاعالمی یوم تعلیم کےموقع پر پیغام جاری کردیا۔

عالمی یوم تعلیم کے موقع پر وزیر تعلیم سندھ سردار علی شاہ نے پیغام دیتےہوئے کہاہے کہ دنیا کی تمام اقوام کے لیے یہ ایک خوش آئند بات ہے کہ آج کا دن اقوام متحدہ کی طرف سے دنیا بھر میں عالمی یوم تعلیم کے طور پر منایا جا رہا ہےسندھ میں تعلیمی معیار پہلے سے بہتر ہو رہا ہے ہزاروں اساتذہ میرٹ پر بھرتی کیے گئے ہیں

انہوں نے مزید کہاکہ کریکیولم کو اپڈیٹ کیا جا رہا ہے اور اس کے سینکڑوں خستہ حال اسکولوں کی ترقیاتی اسکیمیں جاری ہیںں. اٹھارویں آئینی ترمیم کے بعد شعبہ تعلیم صوبائی سبجیکٹ ہے لیکن اس کے باوجود وفاقی حکومت کی طرف سے نصابی مارشل لا جیسے حکم نامے جاری کیے جاتے ہیں جوکہ صوبائی حکومتوں کی آئینی ذمہ داری پوری کرنے میں رکاوٹیں ڈالنے کا سبب بنتا ہے. وفاق کو یہ سمجھنا چاہیے کہ صوبوں کی ترقی ہی دراصل وفاق کی ترقی ہے.

آج کا دن ہمیں یہ احساس دلاتا ہے کہ ہم بحیثیت قوم بہت باصلاحیت ہیں اور دنیا کی ترقی میں مزید اپنا حصہ ڈالنے کے حامل ہیں. ضرورت اس امر کی ہے کہ وفاقی حکومت تعلیم کے معاملے کو سیاست کی نظر نہ کرے. ہم سب کو ملکر پاکستان کو شعبہ تعلیم میں آگے لیکر چلنا ہے اور تبھی ہم ایس ڈی جیز کو حاصل کر پائیں گے.

ہم سب کو ملکر پاکستان کو شعبہ تعلیم میں آگے لیکر چلنا ہے اور تبھی ہم ایس ڈی جیز کو حاصل کر پائیں گے

اہور: ایچ بی ایل پاکستان سپر لیگ 7 کے افتتاحی میچ کے تمام ٹکٹ فروخت ہوگئے۔

ایچ بی ایل پی ایس ایل کے افتتاحی میچ کے تمام ٹکٹ فروخت ہوگئے۔ کورونا کیسز میں مسلسل اضافے کے بعد تماشائیوں کی تعداد 25 فیصد کردی گئی تھی۔

این سی او سی نے پہلے 100فیصد تماشائیوں کو میچز دیکھنے کی اجازت دی تھی تاہم کورونا کیسز میں مسلسل اضافہ کے بعد تماشائیوں کی تعداد 25 فیصد کر دی گئی تھی۔

نئی پالیسی کے تحت گنجائش کے مطابق تمام ٹکٹ فروخت ہونے کے بعد ویب سائیٹ نے افتتاحی میچ کی ونڈو بند کردی ہے۔ باقی میچز کیلیے ٹکٹ دستیاب ہیں۔

ایچ بی ایل پی ایس ایل 7کا آغاز27 جنوری سے ہوگا۔ افتتاحی روزکراچی کے نیشنل اسٹیڈیم میں دفاعی چیمپئین ملتان سلطانز اورکراچی کنگز کی ٹیمیں مدمقابل ہوں گی۔

کراچی: سرچ انجن گوگل نے معروف سماجی کارکن مرحومہ پروین رحمان کی 65 ویں سالگرہ پر ڈوڈل کے ذریعے انہیں خراج تحسین پیش کیا ہے۔

پروین رحمان مشرقی پاکستان (موجودہ بنگلہ دیش) کے دارالحکومت ڈھاکا میں 22 جنوری سنہ 1957 میں پیدا ہوئیں۔ پروین رحمان ایک پاکستانی سماجی کارکن اور اورنگی پائلٹ پروجیکٹ ریسرچ اینڈ ٹریننگ انسٹی ٹیوٹ کی ڈائریکٹر تھیں۔

کراچی میں اورنگی ٹاؤن پائلٹ پروجیکٹ کی ڈائریکٹر پروین رحمان کے قتل کی تحقیقات میں سامنے آنے والے انکشافات میں یہ بات سامنے آئی تھی کہ انہیں اجرتی قاتلوں نے 40 لاکھ روپے کے عوض قتل کیا تھا۔

کراچی: جناح سندھ میڈیکل یونیورسٹی میں پاکستان میڈیکل کمیشن کے تحت ہونے والے نیشنل لائسنسنگ امتحانات کا انعقاد کیاگیا،21 اور 22 جنوری کو ہونےوالے اس امتحان میں کل 109 امیدواروں نے شرکت کی۔

ناظم امتحانات ڈاکٹر انیتا شاہ نے بتایا کہ جے ایس ایم یو نے امتحان گاہ میں ممتحن، نگران، اوزار و سامان سمیت دیگر ضروریات فراہم کیں جبکہ پی ایم سی کی جانب سے امتحانی پرچہ اور اس کی جانچ کا اہتمام کیا گیا، پی ایم سی کی جانب سے نمائندگی ڈاکٹر ثناء نے کی۔

اس موقع پر قائم مقام وائس چانسلر پروفیسر شاہد رسول کی عدم موجودگی میں جامعہ کے انتظامی امور سنبھالنے والے ڈین برائے میڈیسن پروفیسر مسرور احمد نے امتحانی مراکز کا دورہ کرکے انتظامات کا جائزہ لیا اور کہاکہ جناح سندھ میڈیکل یونیورسٹی پاکستان میں میڈیکل کی تعلیم کا معیار بڑھانے میں بھرپور کردار ادا کررہی ہے۔

آئی سی سی نے ٹی ٹوئنٹی ورلڈ کپ 2022 کے شیڈول کا اعلان کر دیا۔

ٹی ٹوئنٹی ورلڈ کپ آسٹریلیا میں 16 اکتوبر سے 13 نومبر تک کھیلا جائے گا، پاکستان براہ راست سپر 12 راؤنڈ میں جگہ بنا چکا ہے اور پاکستان اور بھارت کی ٹیمیں ایک ہی گروپ میں شامل ہیں۔

بھارت کے علاوہ بنگلا دیش اور جنوبی افریقا سمیت پہلے راؤنڈ کی دو ٹیمیں بھی پاکستان سے مقابلہ کریں گی۔

پاکستان اور بھارت کے درمیان ورلڈ کپ کا میچ 23 اکتوبر کو میلبرن میں کھیلا جائے گا۔

لاہور: پنجاب ایجوکیشن بورڈ نے انٹرمیڈیٹ خصوصی امتحانات کےنتائج کااعلان کردیا

تفصیلات کے مطابق لاہور، راولپنڈی، فیصل آباد، سرگودھا،ساہیوال گوجرانوالہ بورڈ نے انٹرمیڈیٹ سال دوم کے خصوصی امتحانات کے نتائج کااعلان ہوچکاہےنتائج بورڈ کے ویب سائٹ پراپلوڈ کردیئے گئے ہیں

طلبا اپنے ملحقہ بورڈ سےنتائج معلوم کرسکتے ہیں

پشاور: خیبر پختونخواہ کےتمام سرکاری اسکولوں میں نماز ظہر کا اہتمام لازمی قرار دے دیا گیا۔

وزیر تعلیم خیبر پختونخواہ شاہرام خان کی جانب سے مائیکرو بلاگنگ ٹوئیٹر پر ٹوئیٹ کیاگیا ہے جس میں صوبے بھر کے سرکاری اسکولوں کو نماز ظہر کااہتمام لازمی قرار دیا گیا ہے ۔

اس حوالے سے ڈائیریکٹوریٹ آف ایلیمنٹری اسکولز نے نوٹیفکیشن بھی جاری کردیا ہے جس کے مطابق اسکول ہیڈز کو نماز ظہر کے وقفہ کے لئے وقت مقرر کرنا ہو گا

جبکہ تمام اضلاع اپنے اوقات کار کے مطابق نماز ظہرکا وقفہ کریںگے

انٹرنیشنل کرکٹ کونسل نے مینز ون ڈے ٹیم آف دی ایئر میں شامل کھلاڑیوں کے ناموں کا اعلان کیا ہے

جس میں پاکستان کے کپتان بابر اعظم کو ٹیم آف دی ایئر کا کپتان جب کہ محمد رضوان ٹیم میں وکٹ کیپر قرار دیا ہے۔

آئی سی سی نے اس ٹیم کے لیے ان کھلاڑیوں کا انتخاب کیا ہے جنہوں نے گزشتہ کے دوران کہیں بلے بازی تو کہیں گیند بازی سے کمالات دکھائے۔

تو آئیے نظر ڈالتے ہیں کہ ان کھلاڑیوں نے گزشتہ سال کیا نمایاں کارنامے سر انجام دیے۔

آئی سی سی مینز ون ڈے ٹیم آف دی ایئر کا کپتان پاکستان کے بابر اعظم کو مقرر کیا گیا ہے۔ بابر اعظم گزشتہ سال 6 میچوں میں 67.50کی اوسط سے دو سنچریوں کے ساتھ 405 رنز بنانے میں کامیاب رہے۔

بابر اعظم نے پاکستان ٹیم کے جنوبی افریقا اور انگلینڈ میں کیے جانے والے دوروں کے دوران بہترین کاکردگی دکھائی جس پر بابر کو پلیئر آف دی میچ سے بھی نوازا گیا۔

کراچی: نیشنل کمانڈ اینڈ کنٹرول سینٹر کے فیصلے کی روشنی میں محکمہ تعلیم سندھ نےصوبے کے نجی وسرکاری اسکولوں کیلئےاحکامات جاری کر دیے۔

محکمہ تعلیم سندھ کے مطابق 12سال سےکم عمرطلبہ 50فیصد حاضری کےساتھ اسکول آئیں گے۔

نوٹیفکیشن میں کہا گیا ہے کہ 12 سال سے زائد عمر کے طلبہ کی مکمل حاضری ہوگی تاہم 12سال کی عمرکےطلبہ کو ویکسین لازمی لگوانی ہوگی۔

محکمہ تعلیم نے تعلیمی اداروں کو ایس او پیز کا خاص خیال رکھنے کی ہدایات بھی جاری کی ہیں۔

واضح رہے کہ پاکستان میں کورونا کی پانچویں لہر زور پکڑ چکی ہے اور سندھ کے دو بڑے شہروں کراچی اور حیدآباد میں کورونا کے مثبت کیسز کی شرح بھی انتہائی زیادہ ہے۔

صرف گزشتہ چوبیس گھنٹوں کے دوران کراچی میں مثبت کیسز کی شرح 41 فیصد ریکارڈ گئی۔

کراچی: ملک بھرمیں بارش اوربرفباری کانیا سلسلہ جاری ہونےکاامکان ہے۔

محکمہ موسمیات نے نئی ایڈوائزری جاری کی ہے جس کے مطابق کراچی میں چند روز تک صبح کے وقت ہلکی دھند رہنے کا امکان ہے جبکہ لاہور سمیت پنجاب کے  ملک کے بالائی علاقے دھند اور سردی کی لپیٹ میں ہیں۔مختلف شہروں میں بارش کے بعد موسم مزید سرد ہوگیا ہے۔

محکمہ موسمیات کے مطابق بارشیں برسانے والا نیا سلسلہ جمعے سے ملک کے بالائی اور وسطی علاقوں میں داخل ہو گا۔

ادھر مری میں ہلکی برف باری ہوئی جبکہ زیارت اور پشین میں بھی برف باری کا سلسلہ جاری ہے۔

ضلع استور میں بھی چار روز سے وقفے وقفے سے برفباری کا سلسلہ جاری ہے جس کے باعث نظام زندگی شدید متاثر ہے جبکہ کئی بالائی علاقوں کا زمینی رابطہ بھی منقطع ہوگیا ہے۔