کراچی: وزیراعلیٰ سندھ سید مراد علی شاہ کا عالمی یوم اساتذہ پر کہناہے کہ سندھ حکومت چاہتی ہے کہ استاد اپنے بہترین ٹیچنگ اسکل سے سندھ کے بچوں کا مستقبل سنواریں۔

تفصیلات کے مطابق وزیر اعلیٰ سندھ مراد علی شاہ نے عالم کے عالمی دن پر پیغام جاری کرتے ہوئے کہا کہ آج اساتذہ کا عالمی دن دنیا میں منایا جا رہا ہے۔ اس دن کو منانے کا مقصد استاد کی تعلیم کے حوالے سے خدمت اور استاد کے کردار کی اہمیت کو اجاگر کرنا ہے۔

انہوں نے اپنےپیغام میں مزید کہاکہ اس دن کے منانے سے استاد کے حقوق اور استاد کی زمہ داریوں کو فوکس کیا گیا ہے۔ سندھ حکومت نے اساتذہ کی تنخواہیں اور دیگر مراعات کو بھرپور خیال میں رکھا ہے استاد کا پیشہ پیغمبری پیشہ ہے اور اس پیشے سے معاشرے اور استاد کی طرف سے ہر لحاظ سے انصاف ہونا چاہئے۔

کراچی: سر سید یونیورسٹی آف انجینئرنگ اینڈٹیکنالوجی نےکامیاب جوان پروگرام کےبارے میں طلباء کی رائےاورتاثرات کاجائزہ لینےکےلیےایک آن لائن سیشن کا انعقاد کیا گیا ۔

طلباء اور پروگرام کے سربراہ عثمان ڈار نے سازگار ماحول میں اعلیٰ معیار کی تدریسی خدمات انجام دینے پر سرسید یونیورسٹی کے کردار کو بے حد سراہا اور کہا کہ یہاں کے اساتذہ قابل اور تجربہ کار ہیں ۔

وزیرِاعظم کے خصوصی مشیر اور کامیاب جوان پروگرام کے سربراہ عثمان ڈار نے طلباء کے ساتھ براہ راست بات چیت کی اور پروگرام اور اس کی افادیت سے متعلق سوالوں کے جوابات دئے ۔

انھوں نے بتایاکہ ہم طلباء کو وہ کورسز کرا رہے ہیں جو انہیں ملازمت کے حصول میں بہت مدد دیں گے ۔ اس پروگرام کو مزید بڑھایا جارہا ہے ۔ یہ لائیوسیشن کرنے کامقصد آپ کے مسائل کے بارے میں واقفیت حاصل کرنا تھا تاکہ اس کا حل نکالا جاسکے ۔ سفیر ہونے کے ناطے اب آپ بھی اپنا کردار ادا کریں ۔

اس موقع پر خطاب کرتے ہوئے سرسید یونیورسٹی کے چانسلر جاوید انوار نے کہا کہ معاشرے یا قوم کی ترقی ٹیکنالوجی کی ترقی سے منسلک ہے ۔ انفارمیشن ٹیکنالوجی اب ہر ادارے کی ضرورت بن گئی ہے ۔ کوئی شعبہ ایسا نہیں ہے جہاں آئی ٹی کا کوئی کردار نہ ہو ۔ وقت کا تقاضا ہے کہ جدیدیت کو فروغ دینے کے لیے ایسے ساز و سامان مہیا کئے جائیں جو نئے آئیڈیاز کو سامنے لانے کا باعث بنیں ۔
چانسلر جاوید انوار نے نشاندہی کی کہ اس قومی تعمیراتی عمل میں حکومتِ پاکستان اور NAVTTC کے ساتھ سرسیدیونیورسٹی ایک فعال شراکت دار کی حیثیت سےشریک ہے جو نوجوانوں کی ترقی کو مدنظر رکھتے ہوئے انسانی سرمایہ میں سرمایہ کاری کو یقینی بناتا ہے ۔

سرسید یونیورسٹی کے وائس چانسلرکی جانب سے مہمانوں کا خیر مقدم کرتے ہوئے رجسٹرار سید سرفراز علی نے کہا کہ یہ پروگرام نوجوانوں کے لیے ترقی کے نئے مواقع پیدا کرے گا ۔ ہنرمند پروگرام کے پہلے بیچ کے لیے11000 اور دوسرے بیچ کے لیے13000 درخواستیں موصول ہوئیں جوکہ سندھ میں ہنرمند افراد کی تربیت کرنے والے اداروں میں سب سے بڑی تعداد ہے ۔

انہوں نے بتایا کہ166 نوکریاں دی گئیں ۔ ۔ بیچ 2 میں پانچ کورسز میں 350 طلباء رجسٹرڈ ہیں ۔ بیچ 2 کے PMP کورس مکمل کرنے کے بعد 100 میں سے 67 طلباء مختلف اداروں میں کام کر رہے ہیں ۔اس موقع پر پروجیکٹ ڈائریکٹر ڈاکٹرطاہر فطانی نے پروگرام کی پروگریس کے بارے میں بتایا ۔

پنجاب : وزیرتعلیم پنجاب مراد راس کاکہنا ہے کہ اساتذہ ہمارے معاشرے کا اہم ترین ستون ہیں ۔

انہوں نے اساتذہ کے عالمی دن پرٹوئیٹرپرپیغام جاری کیاہے جس میں انکاکہناہے کہ اساتذہ سے بہتر طلباء کی زندگیوں پرکوئی بھی اثر اندازنہیں ہوتے ۔

براہ کرم اپنی تمام مہربانی اور محبت طلباء کو دیں۔ انہوں نے کہاکہ ہمارے پیارے ملک پاکستان کا مستقبل آپ کے ہاتھوں میں ہے معزز اساتذہ کا ہمیشہ احترام کریں۔

محکمہ تعلیم خیبر پختونخواہ کے تحت داخلہ مہم ' پکاررہی ہے اسکول کی گھنٹی'زور و شور سے جاری ہے۔

تفصیلات کے مطابق وزیرتعلیم خیبرپختونخواہ شاہرام خان ترکئی کاکہناہے کہرواں سال تعلیمی سال میں ہم نولاکھ سے زیادہ بچےاسکول داخل کرانے میں کامیاب ہوئےداخلہ مہم میں ہدف آٹھ لاکھ بچوں کاتھا خیبرپختونخواہ ٹارگٹ سےکہیں زیادہ بچوں کو اسکول لانے میں کامیاب ہوئے۔

داخلہ مہم میں ـ' اسکول کی گھنٹی کی پکار' خیبرپختونخواہ کے کونے کونے تک پھیلی جسے سب نے دیکھااور سنا۔

پشاور : وزیرتعلیم خیبر پختونخواہ شاہرام خان ترکئی کااساتذہ کےعالمی دن پرپیغام جاری کردیا۔

سماجی رابطے کی ویب سائٹ ٹوئیٹرپر انہوں نے کہا کہ اساتذہ کےعالمی دن پرمیں اپنے تمام اساتذہ کے ساتھ اپنے دل کی بات شیئرکرنا چاہتا ہوں۔

انہوں نے مزید کہا کہ میں آپ سب کے مقدس مقصد کو خراج تحسین پیش کرنا چاہتا ہوں اصل لگام آپ کے ہاتھ میں ہے، آپ قوم بنانے والے ہیں آپ ہمت ، کامیابی اور طاقت کا مظہر ہیں

برلن: کامیڈی کنگ عمرشریف کی نماز جنازہ ادا کردی گئی ہے۔

ذرائع کے مطابق جرمنی کے شہر نیورمبرگ میں عمر شریف کی جنازہ نماز ادا کردی گئی، نماز جنازہ میں پاکستانی سفارتی عملے کے علاوہ جرمنی بھر سے آنے والے پاکستانیوں نے شرکت کی۔

عمرشریف کے بیٹے کے مطابق ان کے والد کی میت منگل یا بدھ کوکراچی لائی جائے گی تاہم ابھی اس بات کا تعین نہیں کیا گیا کہ میت کوچارٹرڈ فلائٹ یا پھرعام پروازکے ذریعے وطن واپس لایا جائے گا۔

نماز جنازہ کی ادائیگی سے قبل عمرشریف کی میت ورثا کے حوالے کی گئی۔ عمرشریف کا ڈیتھ سرٹیفکیٹ جاری کئے جانے کے بعد میت کو مقامی مسجد منتقل کیا گیا۔

واضح رہے کہ عمرشریف کی میت گلشن اقبال، کے ڈی اے نزد صدیق اکبرمسجد والے گھرسے اٹھائی جائے گی، جب کہ نمازجنازہ عمرشریف پارک کلفٹن میں ادا کی جائے گی۔

کراچی: جناح سندھ میڈیکل یونیورسٹی نے بلوچستان سے آنے والے پبلک ہیلتھ کےطلباءکےاعزازمیں استقبالیہ دیا۔

یہ طلباء یو ایس ایڈ کے تعاون سے ایپنا انسٹیٹیوٹ آف پبلک ہیلتھ کے ماسٹرز ان پبلک ہیلتھ پروگرام کے لیے منتخب کیے گئے ہیں۔

صوبائی وزیر برائے جامعات اور بورڈز اسماعیل راہو نے اس موقع پر خطاب کرتے ہوئے یو ایس ایڈ کی مدد سے اس خصوصی پروگرام کے شرکاء طلبہ وطالبات کو خوش آمدید کہا اور پبلک ہیلتھ کے حوالے سے ان کی تربیت کو ملک میں صحت کے شعبے میں ایک اہم قدم قرار دیا۔

امریکی قونصل جنرل مارک سٹرو نے کہا کہ کرونا وبا کے دور میں پبلک ہیلتھ اور باہمی تعاون کی ضرورت دوچند ہو گئی ہے، مجھے پاکستانی پبلک ہیلتھ ماہرین کے ساتھ ان کے ادارے کی وابستگی پر فخر ہے۔

جے ایس ایم یو کےوائس چانسلر پروفیسر شاہد رسول نے تمام مہمانوں کو خوش آمدید کہتے ہوئے کہا کہ یہ پروگرام بین الصوبائی تعاون کی بہترین مثال ہے۔

ایپنا انسٹیٹیوٹ آف پبلک ہیلتھ کی سربراہ پروفیسر لبنیٰ انصاری بیگ نے اس عزم کا اعادہ کیا کہ مشترکہ پروجیکٹس کے ذریعے پبلک ہیلتھ کے شعبے میں ملکی ماہرین کی استعداد بڑھانا ان کے ادارے کے مشن کا حصہ ہے۔

تقریب سے بلوچستان کے پرائمری اور سیکنڈری ہیلتھ کئیر ڈپارٹمنٹ سیکرٹری عزیز احمد جمالی، جان سنو انکارپوریٹڈ سے بابر تسنیم شیخ، ویمن یونیورسٹی سکھر کی وائس چانسلر پروفیسر ثمرین حسین نے بھی خطاب کیا۔تقریب کی نظامت پروگرام ڈائریکٹر زعیمہ احمر نے کی۔

لاہور: قذافی اسٹیڈیم میں نیشنل ٹی ٹوئنٹی کے ہونے والے میچز کے لیے تیاریاں مکمل کرلی گئی ہیں۔

کرکٹ بورڈ کے شیڈول کے مطابق 6 اکتوبر کو قذافی اسٹیڈیم میں سینٹرل پنجاب اور سندھ کی ٹیمیں پہلے میچ میںآمنے سامنے ہونگی، دوسرا میچ ناردرن اور بلوچستان کی ٹیموں کے درمیان ہوگا۔

بلوچستان اورسندھ او کی ٹیموں نےگزشتہ روز صوبائی دارالحکومت میں ڈیرے ڈال لیے تھے دوسری ٹیموں کی آج آمد شیڈول ہے۔

نیشنل ٹی 20 میں اب تک تمام ٹیمیں 6،6 میچز کھیل چکی ہیں، پوائنٹس ٹبیل پر اس وقت سندھ کی ٹیمیں آٹھ پوائنٹس کے ساتھ پہلے نمبر پر ہے، خیبر پختوانخوا نے بھی آٹھ پوائنٹس حاصل کررکھے ہیں، تیسرے نمبر پر موجود سینٹرل پنجاب کی ٹیم کے پوائنٹس کی تعداد بھی آٹھ ہے۔ ناردرن کے مجموعی پوائنٹس بھی آٹھ ہیں۔ بلوچستان کی ٹیم چار پوائنٹس کے ساتھ پانچویں پوزیشن پر موجود ہے، سدرن پنجاب کی ٹیم اب تک کسی میچ میں کامیابی حاصل نہیں کرسکی، اس کا کوئی پوائنٹ نہیں۔

پی سی بی ترجمان کےمطابق آج کوئی پریکٹس شیڈول نہیں، منگل سے ٹیمیں پریکٹس کریں گی۔ بیٹنگ کے لیے ساز گار پچز تیار کی گئی ہیں، نشتر پارک اسپورٹس کمپلیکس کے راستوں پر لائٹس بھی لگا دی گئی ہیں۔ سیکیورٹی کے حوالے سے بھی تمام ضروری اقدامات کو حتمی شکل دے دی گئی ہے۔ دس ہزار کے قریب اہلکار قذافی اسٹیڈیم اور اس کے ارد گرد کے علاقے میں ڈیوٹی پر مامور ہوں گے۔

کراچی: سر سید یونیورسٹی آف انجینئرنگ اینڈ ٹیکنالوجی کے سینٹر فار گائیڈنس، کیریئر پلاننگ اینڈپلیسمنٹ کے زیرِ اہتمام لیڈر شپ ڈیولپمنٹ اور نیشن بلڈنگ کے موضوع پر ایک سیشن کا اہتمام کیا گیا جس میں سری لنکا میں تعینات پاکستان کے سابق سفیرمیجر جنرل (ر) محمد سعد خٹک نے زیرِگفتگو موضوع پر اپنے خیالات کا اظہار کیا ۔

اس موقع پر خطاب کرتے ہوئے میجر جنرل (ر) محمد سعد خٹک نے کہا کہ پاکستان ایک نظریاتی ملک ہے مگر ہم بعض وجوہات کی بناء پر اپنی اقدار اور ترجیحات سے روگردانی کر رہے ہیں ۔ تقدیر پر سے ہمارا اعتماد اٹھ گیا ہے ۔

انھوں نے کہا کہ آدمی کو وہی کام کرنا چاہئے جو وہ ٹھیک طریقے سے کرسکتا ہے ۔ ہر کام ہر آدمی نہیں کرسکتا ۔ ہماری لیڈشپ نے نوجوانوں کو بہت مایوس اور نا امید کیا ہے ۔ وہ اپنے مستقبل کے بارے میں غیریقینی کا شکار ہیں ۔ ہمارا قومی المیہ یہ ہے کہ ہم تعلیم پر تو توجہ دیتے ہیں مگر تربیت کو نظرانداز کردیتے ہیں جو کہ انتہائی اہم ہے ۔ یہی وجہ ہے کہ اچھی لیڈر شپ کا فقدان ہے ۔ ہم نے دنیا ہی کو اپنا سب کچھ سمجھ لیا ہے اور ہماری خواہشات بہت زیادہ ہو گئی ہیں ۔ شخصیت سازی کہاں سے ہوگی ۔

سرسیدیونیورسٹی کے وائس چانسلرپروفیسر ڈاکٹر ولی الدین نے کہاکہ ایسے وقت جب برصغیر کے مسلمان سخت مایوسی کی شکار تھے اوربہت ابتر حالت میں تھے، ترقی کے تمام دروازے ان پر بندہوچکے تھے، ایسے میں سرسید احمد خان نے ایک ایسے ادارے کی بنیاد رکھی جہاں مسلمانوں کو تعلیم اور تربیت دونوں ملیں ۔

علیگڑھ مسلم یونیورسٹی کے طلباء نے برصغیرکی کی تاریخ بدل دی اور قیام پاکستان کا سبب بنے ۔سرسیدیونیورسٹی کے رجسٹرار سرفراز علی نے مہمان مقرر کا تعارف پیش کرتے ہوئے کہا کہ میجر جنرل (ر) محمد سعد خٹک نے پینتیس سال تک ملک کے اندر اوربیرونِ ملک مختلف نوعیت کی خدمات انجام دیں ۔

بلوچستان، خیبر پختونخواہ، فاٹا اور اسلام آباد راولپنڈی میں سینئر عہدوں پرفائز رہے ۔ فرنچ آرمی جونیئراسٹاف کورس، ڈیفنس انٹیلیجنس ڈائریکٹر کورس، برطانیہ، کمانڈ اینڈ اسٹاف کالج کوئٹہ اور نیشنل ڈیفنس یونیورسٹی اسلام آباد سے فارغ التحصیل ہیں ۔ میڈیا میں سیکوریٹی کے ماہر کی حیثیت سے شریک ہوتے ہیں۔

لاہور: ٹی ٹوئنٹی ورلڈکپ 2021میں پاکستان اور بھارت کےدرمیان میچ کےتمام ٹکٹ چند گھنٹوں میں فروخت ہوگئے۔

رواں ماہ ٹی 20 ورلڈ کپ میں روایتی حریف پاکستان اور بھارت کے درمیان ہونے والے میچ کے ٹکٹ آن لائن فروخت کئے گئے، ویب سائٹ پر خریداری کے لیے ونڈو کھلتے ہی ہزاروں کی تعداد میں شائقین ٹکٹ کے حصول کے لیے کوشاں تھے۔

گزشتہ رات 1500 درہم کے پریمیئم اور2600 درہم کے پلاٹینم ٹکٹ ہی باقی رہ گئے تھے تاہم آج صبح تک یہ بھی ختم ہوگئے، شائقین کی بڑی تعداد سوشل میڈیا پربلیک میں ٹکٹ حاصل کرنے کے لیے کوشاں نظر آتی ہے۔

واضح رہے کہ ورلڈ کپ میں پاکستان اور بھارت کا میچ 24 اکتوبر کو کھیلا جائے گا۔