نیوزی لینڈ نے پاکستان کو دوسرے ٹی20 میچ میں 195 رنزکا ہدف دیدیا۔
ہملٹن میں کھیلے جارہے سیریز کے دوسرے ٹی20 میچ میں نیوزی لینڈ کی ٹیم مقررہ 20 اوورز میں 8 وکٹوں کے نقصان پر 194 رنز بنانے میں کامیاب ہوئی، کیوی اوپنرز نے پاکستانی بالرز کیخلاف جارحانہ کھیل کا مظاہرہ کیا تاہم 59 کے مجموعی اسکور پر کیویز کے اوپنر ڈیون کانوے 20 رنز بناکر عامر جمال کا شکار بنے۔
فن ایلن 5 چھکوں اور 7 چوکوں کی مدد سے 41 گیندوں پر 74 رنز کی اننگز کھیلی جبکہ کپتان کین ولیمسن 26 رنز بنا ریٹائرڈ ہرٹ ہوئے، اسکے بعد ڈیرل مچل 17، گلین فلپس 13، مارک چیپ مین 4 اور ایڈم ملنے صفر کے مہمان ثابت ہوئے۔
پاکستان کی جانب سے حارث رؤف نے 3، عباس آفریدی نے 2 جبکہ اسامہ میر اور عامر جمال نے ایک ایک وکٹ حاصل کی۔
قبل ازیں قومی ٹیم کے کپتان شاہین آفریدی نے ٹاس جیت کر پہلے فیلڈنگ کرنے کا فیصلہ کیا، انہوں نے کہا کہ کوشش کریں گے ابتداء میں کنڈیشنز کا فائدہ اٹھا کر کیویز کے ٹاپ آرڈر کا شکار کریں۔
اس موقع پر کیوی کپتان کین ولیمسن نے کہا کہ پلیئنگ الیون میں ایک تبدیلی کی گئی ہے، میٹ ہنری کی جگہ مچل سینٹنر کی واپسی ہوئی ہے۔
واضح رہے کہ سیریز کے پہلے میچ میں کیویز نے ہوم گراؤنڈ پر پاکستان کو 46 رنز سے شکست دیکر سیریز میں 0-1 کی برتری حاصل کررکھی ہے۔
عالمی شہرت یافتہ گلوکار علی ظفر نے پاکستان سُپر لیگ کے سیزن 9 کے ترانے کے لیے سوشل میڈیا پر ووٹنگ شروع کردی۔
پی ایس ایل کے ترانے کی بات آئے تو شائقین کرکٹ کے ذہنوں میں سب سے پہلے علی ظفر کا خیال آتا ہے کیونکہ اُنہوں نے اس ٹورنامنٹ کے تین سیزن کے ترانے گائے جوکہ بےحد مقبول ہوئے۔
اب علی ظفر نے پی ایس ایل کے ترانے کے لیے سماجی رابطے کی ویب سائٹ ایکس (سابق ٹوئٹر) پر ایک پوسٹ کی ہے جس میں اُنہوں نے شائقین کرکٹ سے اُن کی رائے طلب کی ہے۔
علی ظفر نے اپنی پوسٹ میں شائقین کرکٹ سے سوال کیا کہ “آپ مجھے بتائیں کہ اگر میں نے پی ایس ایل 9 کا ترانہ گایا تو اس سے پی ایس ایل اور پی سی بی کے برانڈ کو فروغ ملے گا؟ تمام اسٹیک ہولڈرز کو زیادہ مالی فائدہ پہنچے گا؟ یا پھر کوئی دوسرا فائدہ ہوگا؟”
انہوںنے شائقین کی رائے طلب کرتے ہوئے کہا کہ “آپ ایمانداری سے ووٹ دیں کہ کیا آپ واقعی میری آواز میں پی ایس ایل 9 کا ترانہ سُننا چاہتے ہیں؟، مجھ میں کوئی انا نہیں ہے اور نہ ہی مجھے آپ کے انتخاب سے کوئی اعتراض ہوگا کیونکہ میں طاقت کے عہدوں پر فائز چند افراد کے بجائے اپنی عام عوام کی حقیقی رائے اور ترجیحات جاننا چاہتا ہوں”۔
اُنہوں نے اپنی اگلی پوسٹ میں کہا کہ “میں اپنی پوسٹ کے حوالے سے بعد میں وضاحت پیش کروں گا، ابھی صرف آپ ووٹ دیں”۔
علی ظفر کی جانب سے رائے طلب کرنے پر شائقین کرکٹ نے یہی کہا کہ وہ علی ظفر کی آواز میں ہی پی ایس ایل 9 کا ترانہ سُننا چاہتے ہیں۔
واضح رہے کہ پی ایس ایل 9 کا آغاز 17 فروری کو ہوگا، پہلا میچ لاہور کے قذافی اسٹیڈیم میں کھیلا جائے گا، ٹی ٹوئنٹی ٹورنامنٹ میں مجموعی طور پر 34 میچ کھیلے جائیں گے، پی ایس ایل کا فائنل 18 مارچ کو کراچی میں ہوگا۔
جامشورو: جامعہ سندھ جامشورو سے ملحقہ سرکاری و نجی لا کالجز میں 5 سالہ ایل ایل بی (آنرز) پروگرام کے پہلے سیمسٹر کے امتحانات 16 جنوری سے منعقد کرنے کا اعلان کردیا ہے۔
اس حوالے سے ناظم سیمسٹر امتحانات محمد معشوق صدیقی نے کہا ہےکہ جامعہ سے ملحقہ سرکاری و نجی لا کالجز میں 5 سالہ ایل ایل بی (آنرز) پروگرام کے حصہ اول، دوم، سوم، چہارم وپنجم کے پہلے سیمسٹر 2023ء کے امتحانات 16 جنوری 2024ء سے منعقد کیے جائیں گے، جس کا تفصیلی شیڈول متعلقہ کالجز کو ارسال کر دیا گیا ہے۔
آکلینڈ: پاکستان اور نیوزی لینڈ کے درمیان 5 ٹی20 میچزپر مشتمل سیریز کیلئے ٹرافی کی رونمائی کردی گئی۔
ٹرافی کی رونمائی کپتان شاہین شاہ آفریدی اور کیوی کپتان کین ولیمسن نے کی۔
ٹی20 فارمیٹ میں پہلی بار قومی ٹیم کی قیادت کے فرائص سرانجام دینے والے کپتان شاہین آفریدی نے کہا کہ ٹیسٹ میچ میں ورک لوڈ کے سبب ٹیم مینجمنٹ کے کہنے پر آرام کیا، انجری سے بچنے کیلئے سڈنی ٹیسٹ نہیں کھیلا۔
ٹیسٹ سیریز میں قوم کی توقعات کے مطابق رزلٹ نہیں دے سکے، بطور ٹیم اچھا نہیں کھیلے، ہارنے پر زیادہ سپورٹ کی ضرورت ہے۔
یاد رہےدونوں ٹیموں کے مابین سیریز کا پہلا میچ کل آکلینڈ میں کھیلا جائے گا۔
لاہور: یو نیورسٹی آف ہیلتھ سائنسز نےپنجاب کے پرائیویٹ میڈیکل اور ڈینٹل کالجوں میں داخلہ برائے سیشن 24-2023 امیدواروں اور کالجوں کیلئے اہم ہدایات جاری کردی۔
ہدایت کے مطابق ایسے امیدواران جن کی تعلیمی اسناد کی ابھی تک آئی بی سی سی سے تصدیق نہیں ہوئی ہے متعلقہ کالج ان امید واروں کو فی الحال داخل کریں گے تاہم ان امیدواروں کا داخلہ اس وقت تک عارضی رہے گا جب تک وہ اپنی تصدیق شدہ تعلیمی اسناد متعلقہ کالج میں جمع نہیں کرا دیتے ۔
جبکہ متعلقہ کالج ان امیدواروں کی تصدیق شد و تعلیمی اسناد ان کی رجسٹریشن کے وقت یونیورسٹی کے پورٹل پر اپ لوڈ کریں گے۔ وہ امیدواران جو کسی بھی ناگریز وجہ سے اپنے کالج میں ذاتی طور پر جوائننگ نہیں دے سکتے ( مثال کے طور پر بیماری یا ملک سے باہر ہونے کے باعث ) ان کے والدین یا قریبی عزیز ان کی طرف سے کالج میں جوائننگ دے سکتے ہیں۔
تاہم متعلقہ کالج اپنے طور پر اس کی تصدیق کر یگا اور ان والدین یا قریبی عزیزوں سے ان کے شناختی کارڈ کی کاپی بھی وصول کرے گا۔ امیدواران کی سہولت کیلئے یو ایچ ایس کی ہیلپ لائن صبح 9 بجے سے شام 5 بجے تک فعال ہے۔
کراچی: ملک کی دو بڑی میڈیکل جامعات ڈاؤ یونیورسٹی آف ہیلتھ سائنسز اور جناح سندھ میڈیکل یونیورسٹی نے ہیلتھ کیئر کے شعبے میں کام کرنے والی افرادی قوت کی تعلیم و تربیت کیلئے قائم بین الا قوامی غیر منافع بخش تنظیم ایسوسی ایشن آف ہیلتھ کیئر سے سمجھوتہ برائے مفاہمت پر دستخط کیے ہیں۔
جس کے نتیجے میں ملکی اور بین الا قوامی سطح پر مختصر اور طویل المیعاد ٹریننگ کے بعد مختلف ممالک کے طبی شعبوں کی ضرورت پوری کی جائے گی۔
سمجھوتے پر ڈاؤ یونیورسٹی کی جانب سے رجسٹرار ڈاکٹر اشعر آفاق اور جے ایس ایم یو کی جانب سے رجسٹر ارا عظم خان نے دستخط کیے جبکہ ڈاکٹر جمیل الرحمن نے نمائندگی کی۔
ڈاؤ یونیورسٹی آف ہیلتھ سائنسز کے وائس چانسلر پروفیسر سعید قریشی اور جناح سندھ میڈیکل یونیورسٹی پروفیسر ڈاکٹر امجد سراج میمن اور انڈس اسپتال کے سی ای او ڈاکٹر عبد الباری بھی موجود تھی۔ پروفیسر سعید قریشی نے کہا کہ دنیا بھر میں ڈاکٹر اور ہیلتھ کیئر کے شعبے میں انسانی وسائل کی کی شدید کمی ہے جسے پورا کرنے کیلئے کسی واسطے کی ضرورت طویل عرصے سے محسوس کی جارہی تھی۔
پروفیسر ڈاکٹر امجد سراج میمن نے کہا کہ اگر ہم اپنے الائیڈ ہیلتھ شعبے کے لوگوں کو اسکلڈ اور ٹرین کریں تو ہم دنیا کے ممالک کی ضرورت پوری کر سکتے ہیں۔ ایسوسی یشن آف ہیلتھ کیئر پروفیشنل گلوبلی کے بانی ڈاکٹر جمیل الرحمن اور ڈاکٹر مظہر شیخ نے کہا کہ پاکستان میں ڈاکٹرز اور ہیلتھ کئیر میں بڑی تبدیلی آرہی ہے۔
لاہور: پاکستان ہاکی ٹیم کو پیرس اولمپکس سے قبل کوالیفائر کھیلنے کیلئے 6 کروڑ 25 لاکھ روپے کی خصوصی گرانٹ ملے گی۔
ذرائع کے مطابق پیرس اولمپکس کی تیاریوں کیلئے قومی ٹیم کا تربیتی کیپ اسلام آباد میں جاری ہے جبکہ کوالیفائرز 15 جنوری سے عمان کے دارالحکومت مسقط میں کھیلا جائے گا۔
بعدازاں قومی ٹیم فائیو اے سائیڈ ہاکی ورلڈکپ میں بھی حصہ لے گی، جو جنوری کے تیسرے ہفتے میں شیڈول ہے۔
پاکستان اسپورٹس بورڈ نے قومی ٹیم کی میگا ایونٹس میں شرکت کا معاملہ اٹھایا تھا، جس پر کابینہ کی اقتصادی رابطہ کمیٹی نے 10 کروڑ روپے کی خصوصی گرانٹ کی منظوری دی تاکہ ہاکی کے معاملات کو چلایا جاسکے۔
اسلام آباد میں 3 فروری سے پاکستان اور بھارت کے درمیان ڈیوس کپ ٹائی کے انتظامات کے اخراجات بھی برداشت کیے جائیں گے، وزیر اعظم کے پروگرام مائنڈ گیمز کیلئے بھی رقم مختص کی جائے گی۔
دبئی : آئی سی سی نے ٹیسٹ رینکنگ جاری کردی، رینکنگ میں بابر اعظم کی بدترین کاکرکردگی کے باعث دو درجے نیچےآگئے۔
آئی سی سی کی تازہ ٹیسٹ بیٹرز کی رینکنگ کے مطابق نیوزی لینڈ کے کپتان کین ولیمسن 864 ریٹنگ پوائنٹس کے ساتھ پہلی پوزیشن پر قابض ہیں جبکہ انگلینڈ کے جو روٹ 859 پوائنٹس کے ہمراہ دوسری پوزیشن پر موجود ہیں۔سابق بھارتی کپتان ویرات کوہلی آئی سی سی ٹیسٹ رینکنگ میں تین درجے ترقی پاکر چھٹے نمبر پر آگئے، بابراعظم خراب فارم کے باعث دو درجہ تنزلی کےبعد 8ویں پوزیشن پر چلے گئے ہیں
پاکستان کیخلاف تین ٹیسٹ میچوں شاندار کھیل کا مظاہرہ کرنے والے اسٹیو اسمتھ اور مارنوس لبوشین بالترتیب تیسری اور چوتھی پوزیشن پر موجود ہیں۔
سڈنی ٹیسٹ کی پہلی اننگز میں محمد رضوان کی شاندار 88 رنز کی اننگز نے ان کے لیے 10 درجے کی نمایاں چھلانگ لگائی اور 668 ریٹنگ پوائنٹس کے ساتھ 17ویں رینک حاصل کی جبکہ سعود شکیل 693 ریٹنگ پوائنٹس کے ساتھ 14ویں نمبر پر چلے گئے۔
دوسری جانب بالنگ کے شعبے میں عامر جمال نے ڈیبیو سیریز میں ہی شاندار کھیل کا مظاہرہ کرکے 12 درجے ترقی حاصل کی اور وہ کیرئیر بیسٹ 45 ویں نمبر پر پہنچ گئے ہیں۔ شاہین آفریدی 733 پوائنٹس کے ساتھ 12ویں نمبر پر موجود ہیں۔
کراچی: علیگڑھ انسٹی ٹیوٹ آف ٹیکنالوجی نے نیا اعزاز اپنے نام کرلیا ۔
انسٹیٹیوٹ کے 30 طلباء کو ملک کے ممتاز صنعتی ادارے نیشنل ریفائنری نے دو سالہ انٹرن شپ کے لیے منتخب کرلیا ہے۔الیکٹرانک اور الیکٹریکل کے طلباء کا یہ انتخاب اے آئی ٹی کی شاندار کارکردگی اور پیشہ ورانہ مہارت کی عکاسی کرتا ہےجو کہ یہ انسٹیٹیوٹ کی ایک بہت بڑی اور اہم کامیابی ہے۔
نیشنل ریفائنری نے ان طلباء کو عملی مہارت اور صنعت سے متعلق معلومات اور علم فراہم کرنے کے لیے خصوصی طور پر ایک جامع تربیتی پروگرام تیار کیا ہے۔انٹرن شپ کے پہلے سال نیشنل ریفائنری کی طرف سے طلباء کو ایک مناسب معاوضہ دیا جائے گا اور دوسرے سال طلباء کی گزشتہ سال کی کارکردگی اور مہارت کی بنیاد پرمعاوضے و دیگر مراعات میں اضافہ کیا جائے گا۔
تاہم طلباء مالی فوائد کے علاوہ، کینٹین کے رعایتی نرخوں سمیت سالانہ، اتفاقی و بیماری کی چھٹیوں کے حقدار ہوں گے۔علیگڑھ انسٹی ٹیوٹ آف ٹیکنالوجی کے طلباء کی بڑے پیمانے پر ایک ممتاز ادارے میں انٹرن شپ کی پیشکش اس بات کی غماز ہے کہ اے آئی ٹی پیشہ ورانہ تربیت اور مہارت سے لیس بہترین پروفیشنل تیار کررہا ہے اور یہاں کے فارغ التحصیل طلباء کے لیے پیٹرولیم کے سیکٹر میں ملازمت کے وسیع مواقع موجود ہیں۔
پشاور: پشاورتعلیمی بورڈ نے نویں اور دسویں جماعت کے سالانہ امتحانات کا شیڈول تبدیل کردیا۔
پشاور بورڈ کے چیئرمین پروفیسر نصیر اللہ خان کاکہناہےامتحانی شیڈول کی تبدیلی کا فیصلہ طلبا اور والدین کےمطالبے اور رمضان المبارک کے تقدس کے لئے تبدیل کیا گیا ۔
انہوں نے کہا کہ شیڈول کی تبدیلی کا فیصلہ خیبرپختونخوا کےتمام بورڈز کےچیرمینز کے اجلاس میں کیا گیا ۔
سمیت خیبر پختونخوا کےتمام بورڈز کے تحت میٹرک کے امتحانات اب امتحانات 18 اپریل کو ہوں گے۔