لاہور: لاہور کالج فاروومین یونیورسٹی نےانٹرمیڈیٹ کے طلباوطالبات کی تعطیلات میں اضافہ کردیا۔
موسمِ سرما کی تعطیلات میں اضافے کا نوٹیفکیشن بھی جاری کردیا ہے جس کے مطابق بی ایس اور دیگر کلاسز معمول کے مطابق آج سے شروع ہوجائیں گی جبکہ بارہویں جماعت تک تعطیلات جاری رہیں گی۔
لاہور: پاکستان کرکٹ بورڈ نے آسٹریلیا کے خلاف سڈنی ٹیسٹ کیلئے 11 رکنی ٹیم کا اعلان کردیا۔
سڈنی میں کھیلے جارہے سیریز کے آخری ٹیسٹ میچ کیلئے قومی ٹیم میں بڑی تبدیلیاں کی گئی ہیں، اوپنر امام الحق کی جگہ نوجوان صائم ایوب ڈیبیو کریں گے جبکہ شاہین آفریدی کی جگہ ساجد خان کو موقع دیا گیا ہے۔
اسکواڈ میںاوپنر صائم ایوب، عبداللہ شفیق، سعود شکیل، بابراعظم، محمد رضوان، سلمان علی آغا، ساجد خان، حسن علی، میر حمزہ اور عامر جمال شامل ہیں
دونوں ٹیموں کے درمیان سیریز کا آخری ٹیسٹ میچ 3 سے 7 جنوری تک تاریخی سڈنی کرکٹ گراؤنڈ میں کھیلا جائے گا۔
واضح رہے کہ تین میچوں کی ٹیسٹ سیریز میں آسٹریلیا کو 0-2 کی فیصلہ کن برتری حاصل ہے۔
کراچیـ : جامعہ کراچی اور سندھ ہیلتھ کیئر کمیشن کے مابین مفاہمتی یادداشت پر دستخط کی تقریب گزشتہ روز وائس چانسلر سیکریٹریٹ جامعہ کراچی میں منعقد ہوئی۔
جامعہ کراچی کی جانب سے مفاہمتی یادداشت پر ڈائریکٹر آفس آف ریسرچ اینوویشن اینڈ کمرشلائزیشن ڈاکٹر سیدہ حورالعین اور سندھ ہیلتھ کیئر کی جانب سے ڈاکٹر سید احمد رضاکاظمی نے دستخط کئے
کراچی: جامعہ کراچی نے داخلہ ٹیسٹ اور اوپن میرٹ کی بنیاد پر ہونے والے داخلہ فیس جمع کروانے کی تاریخ میں توسیع کردی۔
انچارج ڈائریکٹوریٹ آف ایڈمیشنز جامعہ کراچی ڈاکٹر صائمہ اختر کے مطا بق مختلف شعبہ جات میں بی ایس(مارننگ پروگرام)،ڈاکٹر آف فارمیسی(مارننگ وایوننگ)،ڈاکٹر آف فزیکل تھراپی،بی ای، بی ایڈ(آنرز) اور اوپن میرٹ کی بنیاد پر ہونے والے داخلوں جن میں بی ایس فرسٹ اور بی ایس تھرڈ ایئر کے داخلے شامل ہیں کی داخلہ فیسیں 08 جنوری 2024 ء تک جمع کرائی جاسکتی ہیں۔
لاہور: ورچوئل یونیورسٹی کا13واں کانووکیشن لاہور کیمپس میں منعقد ہوا۔
جلسہ تقسیم ِ اسنادمیں خزاں 2020، خزاں وبہار 2021 اور بہار 2022 کے سمسٹرز کےدوران کل 22,762طلبا ایسوسی ایٹ ڈگری ، بی ایڈ، دو سالہ بیچلرز،4 سالہ بیچلرز، ماسٹرز اور ایم ایس کے ایوارڈ کے اہل ہوئے، ان میں سے 4977ڈگریاں کانووکیشن میں دی گئیں، جن میں بیچلرز کے 2311، ماسٹرزکے2550اور ایم ایس /ایم فل کے 116طلبا شامل تھے،13ویں کانووکیشن میں کے مہمانِ خصوصی یونیورسٹی کے سابق ریکٹر جناب تاجدار عالم تھے۔
تقریب سے خطاب کرتے ہوئے مہمان خصوصی کاکہنا تھا کپ یہ دور مصنوعی ذہانت کا دوور ہے جو طلبا اس ٹیکنالوجی سے دور رہیں گے وہ بہت مشکلات کا سامنا کرسکتے ہیں۔
اعلیٰ ثانوی تعلیمی بورڈ کراچی نے سرکاری و نجی تعلیمی اداروں کے انٹرمیڈیٹ حصہ اول (فریش) اور حصہ اول (Repeaters) کے سائنس پری میڈیکل، پری انجینئرنگ، سائنس جنرل، کامرس، آرٹس، ہوم اکنامکس گروپس اور میڈیکل ٹیکنالوجی کے سالانہ امتحانات برائے 2024ء میں شریک ہونے کے اہل اور خواہشمند امیدواروں کو امتحانی فارم جمع کروانے کیلئے بروزبدھ 3 جنوری 2024ء سے تاریخوں کا اعلان کردیا ہے۔
سرکاری تعلیمی اداروں کے انٹرمیڈیٹ حصہ اول (فریش) تمام گروپس کے طلبا و طالبات اپنے امتحانی فارم 3 جنوری 2024 ء سے 16فروری 2024ء تک اپنے تعلیمی اداروں میں جمع کرواسکتے ہیں۔
جبکہ نجی تعلیمی اداروں کے انٹرمیڈیٹ حصہ اول (فریش) کے سائنس، کامرس، آرٹس اور میڈیکل ٹیکنالوجی کے امیدوار اپنے امتحانی فارم 3100 روپے فیس کے ساتھ بروز بدھ 3جنوری سے بروز پیر 29جنوری 2024ء تک اپنے کالجوں میں جمع کرواسکتے ہیں۔
سرکاری و نجی تعلیمی اداروں کو جمع کروائے جانے والے امتحانی فارمز کی مکمل فہرست بھی تعلیمی اداروں کے سربراہ کے دستخط کے ساتھ جمع کروانا ہوں گی۔ امتحانی فارمز اعلیٰ ثانوی تعلیمی بورڈ کراچی کی آفیشل ویب سائٹ This email address is being protected from spambots. You need JavaScript enabled to view it. سے بھی ڈاؤن لوڈ کیے جاسکتے ہیں۔
اسلام آباد: وزیراعظم نے پیٹرولیم مصنوعات کی قیمتوں میں ردوبدل کی منظوری دے دی ہے۔
وزارت خزانہ نے پیٹرولیم مصنوعات کی قیمتوں میں ردوبدل کا نوٹیفکیشن جاری کردیا ہے۔
نوٹیفکیشن کے مطابق یکم جنوری سے پیٹرول کی فی لیٹر قیمت 267 روپے 34 پیسے برقرار رکھی گئی ہے، ڈیزل کی قیمت بھی 276 روپے 21 پیسے برقرار رہے گی۔
مٹی کا تیل 2 روپے 19 پیسے فی لیٹر سستا کرنےکی منظوری دی گئی ہے۔
اس کے علاوہ لائٹ ڈیزل آئل ایک روپے 11 پیسے مہنگا کرنے کی منظوری دی گئی ہے۔
اسلام آباد: علامہ اقبال اوپن یونیورسٹی کے وائس چانسلرپروفیسر ڈاکٹر ناصر محمود نے نئے سال کے آغاز پرپیغام جاری کردیا۔
وائس چانسلر پروفیسر ڈاکٹر ناصر محمود نے نئے سال کے آغاز پر طلبہ کو مبارکباد پیش کرتے ہوئے کہا کہ جنہوں نے آگے بڑھنا ہے، انہیں بھرپور محنت کرنے اور اپنے آپ کو تعلیم کے زیور سے آراستہ کرنے کا عہد کرنا ہوگا۔ اپنے پیغام میں وائس چانسلر نے تعلیم کو ترقی کا زینہ قرار دیتے ہوئے نوجوان نسل کو ہدایت کی ہے کہ تعلیم کو پہلی ترجیح قرار دے کر اپنی پوری توجہ تعلیم کے حصول پر دیں اور ملک و قوم کی ترقی میں کردار ادا کریں۔
ڈاکٹر ناصر محمود نے کہا کہ علامہ اقبال اوپن یونیورسٹی بھی نئے سال کے آغاز پر اس عہد کا اعادہ کرتی ہے کہ تعلیم کے متلاشی افراد کے لئے اپنے دروازے ہمیشہ کھلی رکھے گی اور انہیں تعلیمی نیٹ میں شامل کرنے کے لئے ہر ممکن سپورٹ فراہم کرے گی۔
وائس چانسلر نے کہا کہ یونیورسٹی کے سمسٹر بہار 2024ء کے داخلے 15جنوری سے شروع ہورہے ہیں، ہم ملک بھر کے ایسے غریب افراد کے بچوں کو جو فیس ادا کرنے سے قاصر ہوتے ہیں کو فیس میں رعایت فراہم کریں گے۔اپنے پیغام میں وائس چانسلر نے یونیورسٹی کے علاقائی سربراہان کو بھی ہدایت کی ہے کہ وہ طلبہ کی سہولتوں پر خصوصی خیال رکھے اور داخلوں کے لئے آنے والے طلبہ کو بھرپور ر معاونت فرہم کریں
کراچی: نگران وفاقی وزیرِ مذہبی اُمور و معروف صحافی انیق احمد نے این ای ڈی یونیورسٹی میں منعقدہ’ـ داستان ‘ایپ کے افتتاحی تقریب سے خطاب کرتے ہوئے کہا کہ آج اُردو ڈیجیٹلائز ہوگئی، "داستان... اُردو ہے میرانام" ایپ کا مقصد اُردو زبان کو دورِجدید کے تقاضوں سے ہم آہنگ کرنا ہے، مصنوعی ذہانت پر مبنی آپٹیکل کریٹر ریکگنیشن (او سی آر) پر کام این ای ڈی کا کارنامہ ہے۔ ان کا مزید کہنا تھاکہ ہر فرد شعوری اور لاشعوری طور مادری زبان کے دائرے میں رہتا ہے یہی وجہ ہے کہ خواب مادری زبان آتے ہیں.
اس موقعے پر شیخ الجامعہ پروفیسر ڈاکٹر سروش لودھی کا کہنا تھا کہ آپٹیکل کریٹر ریکگنیشن (او سی آر) کی تیکنیک پر کام کے ذریعے امیج فائل کو اُردو ٹیکسٹ میں تبدیل کیا جاسکے گا۔جس کے ذریعے صدیوں پرانی کتب/رسائل/ جرائد و دیگر کو بھی محفوظ کیا جاسکے گا۔
نجمن ترقی اُردو پاکستان کے صدر واجد جواد کا کہنا تھا کہ مصنوعی ذہانت سے مرتب کردہ او سی آر تکنیک کے ذریعےمرتب کردہ اس ایپ سے اُردو کے زبانی پیغام کو دُرست تلفظ اور ہجوں کے ساتھ پی ڈی ایف میں منتقل کیا جاسکے گا۔
ڈین ای سی ای ڈاکٹر سعد احمد قاضی اور ٹیم لیڈ ڈاکٹر ماجدہ کاظمی کے مطابق این ای ڈی، انجمن ترقی اُردو پاکستان اور این سی ایل لیب کے اشتراک سے "داستان۔۔۔ اُردو ہے میرا نام" ایپ بنانے کے لیے دو سال قبل مفاہمتی یاداشت پر دستخط کیے گئے تھے۔ دو سال کے قلیل عرصے میں اس ایپ کوتیار کرنا دشوار مرحلہ تھا۔ تاہم زبان سے محبت کا حق ادا کرتے ہوئےیہ ایپ تکمیل کو پہنچی۔
تقریب میں اُردو سے محبت کرنے والے حیدر عباس رضوی، غازی صلاح الدین، میریٹوریس پروفیسر ڈاکٹر صاحبزادہ رفیقی،پرووائس چانسلر ڈاکٹر محمد طفیل، شعبہ اردو جامعہ کراچی کی پروفیسر ڈاکٹر راحت افشاں، ڈاکٹر یاسمین فاروقی سمیت عمائدین شہر، اساتذہ اور طالب علموں کی بڑی تعداد نے شرکت کی۔
ویب ڈیسک : امریکا سے فائزر کی نئی کووڈ ویکسین پاکستان کو چند دنوں میں ملنے کی توقع ہے۔
وفاقی حکام کے مطابق امریکا سے کووڈ ویکسین کی 2لاکھ ڈوززکی آمد چند دنوں میں متوقع ہے اور نئی فائزر کووڈ ویکسین کی مزید 3 لاکھ ڈوزز بھی اسی مہینے مل جائیں گی۔
حکام کا کہنا ہےکہ فائزر کی نئی ویکسین کووڈ 19 کے نئے ویرینٹس کے خلاف بھی مؤثر ہے، کووڈ ویکسین حجاج کرام اور ہائی رسک لوگوں کو لگائی جائے گی۔
حکام نے بتایا کہ پاکستان میں ابھی تک نئے ویرینٹ جے این ون کا کوئی کیس سامنے نہیں آیا اور پاکستان میں ابھی کووڈ 19 کے کیسز کی شرح ایک فیصد سے بھی کم ہے۔
واضح رہےکہ امریکا، برطانیہ اور بھارت میں کورونا کے نئے ویرینٹ جے این ون کے کیسز سامنے آئے ہیں اور نئے ویرینٹ سے بھارت میں اموات بھی ہوئی ہیں جب کہ امریکا میں کورونا کے نئے ویرینٹ سے متاثر افراد کااسپتالوں میں داخل ہونا بڑھ گیا ہے۔