ایمز ٹی وی (تعلیم) کراچی میں دیواروں پر لسانیت، فرقہ واریت پر مبنی نفرت آمیز نعروں اور عطائیوں کے اشتہاروں کی وال چاکنگ نے شہر کے حسن کو ماند کردیا تھا۔ آرٹسٹوں اور رضا کاروں کے ایک گروپ نے شہر کا حسن واپس لانے کیلئے دیواروں پر خوش نما ڈیزائنوں اور پینٹنگز کی ایک مہم شروع کی۔ "کراچی کی دیواروں کی نئی تصویرکشی" کے نام سے اس پراجیکٹ میں 200 افراد شریک ہیں۔ یہ افراد انتظامیہ کی اجازت سے 1600 مقامات کی دیواروں پر دوبارہ پینٹنگ کریں گے۔ منصوبہ امریکی ایجنسی برائے انٹرنیشنل ڈویلپمنٹ کے فنڈز سے چلنے والے پروگرام ”آئی ایم کراچی“ کے تحت چلایا جائے گا۔
ایمز ٹی وی (تعلیم) سابق فوجی صدر پرویز مشرف کو بھارت کی ریاست مدھیہ پردیش کے محکمہ تعلیم نے اسکول کے نصاب میں 6عظیم شخصیات میں شامل کر دیا۔ پاکستان کے سابق صدر پرویز مشرف کو بھارتی ریاست مدھیہ پردیش کے محکمہ تعلیم نے جماعت سوئم کی کتاب میں 6عظیم شخصیات میں شامل کردیا ہے۔ کتاب میں پرویز مشرف کی تصویر بھی شامل ہے۔ اس کتاب کے مصنف پنکج جین اور ناشر گائتری پبلیکیشنز ہیں جبکہ دوسری جانب ہندو انتہا پسندوں نے شدید اعتراض کرتے ہوئے پرویز مشرف کو ان 6عظیم شخصیات کی فہرست سے خارج کرنے کا مطالبہ کیا ہے۔
ایمز ٹی وی (تعلیم) بورڈ آف انٹر میڈیٹ ایجوکیشن ڈی آئی جی خان کی ویب سائٹ ہیکڈ کرلی گئی ۔کنٹرولر امتحانات کا کہنا ہے کہ ویب سائٹ پر نا تو کچھ لوڈ کیا گیا ہے اور نہ ہی امتحانی نتائج تبدیل کئے گئے ہیں بلکہ کنٹرولر امتحانات کی جانب سے ویب سائٹ ہیکینگ کو محض شرارت قرار دیا گیا ہے
ایمز ٹی وی (تعلیم) بھارت کی مغربی ریاست مہاراشٹر نے بچوں کو بھاری اسکول بیگ سے نقصان سے بچانے کے لیے حکم جاری کیا ہے کہ بیگ کا وزن بچے کے وزن کے 10 فیصد سے زیادہ نہ ہو۔ ریاستی حکام نے متنبہ کیا ہے کہ بھاری اسکول بیگ کی وجہ سے بچے تھک جاتے ہیں اور ان کی ریڑھ کی ہڈی کو بھی نقصان پہنچتا ہے۔ ریاستی حکام نے اسکول حکام سے کہا ہے کہ وہ بچوں کے بیگوں کا وزن کریں۔ تاہم حکام نے کوئی سزا کا تعین نہیں کیا ہے۔ بھارت میں بچوں پر کامیاب ہونے کا شدید دباؤ ہوتا ہے اور وہ اکثر ضرورت سے زیادہ کتابیں ساتھ لے کر جاتے ہیں۔
ایمز ٹی وی (تعلیم) پنجاب بورڈ کے تحت میٹرک کے سالانہ امتحانات سال 2015 کے نتائج کا اعلان کردیا گیا ہے ۔ نتائج کا اعلان فیصل آباد، ملتان، سرگودھا، راولپنڈی، لاہور، اسلام آباد اور پنجاب کے دیگر چھوٹے بڑے اضلاع میں کردیا گیا ہے ۔
نتائج کے مطابق تینوں پوزیشنز طالبات نے حاصل کی ہیں۔ جبکہ لڑکوں کی جانب سے کوئی امیدوار پوزیشن ہولڈر نہیں رہا۔
لاہور میں میٹرک کے نتائج کا تناسب 70 اعشاریہ۔18 فیصد رہا ،روالپنڈی میں 70 اعشاریہ 35 فیصد،ملتان میں 74 فیصدجنکہ فیصل آباد میں نتائج میں کامیابی کا تناسب 77اعشاریہ77 فیصد رہا ۔
