ایمز ٹی وی (ایجوکیشن ) جامعہ کراچی کے ڈائریکٹر ایڈمیشن پروفیسر ڈاکٹر خالد عراقی کے اعلامیے کے مطابق ایوننگ پروگرام میں ماسٹر اور ڈپلومہ پروگرام (2015-16 ء) میں داخلوں کے لئے فارم جمع کرانے کی تاریخ میں دو دن کی توسیع کردی گئی ہے۔ داخلہ فارم 28 اور29 جولائی 2015 ءکو صبح 9:30 تا شام 5:30 بجے تک سلور جوبلی گیٹ جامعہ کراچی پرواقع یو بی ایل بینک کاﺅنٹر سے1200/= روپے کے عوض حاصل وجمع کرائے جاسکتے ہیں ۔

ایمز ٹی وی(ایجوکیشن ) جامعہ کراچی کے ناظم امتحانات پروفیسر ڈاکٹر ارشد اعظمی نے ایم اے پریویس اور فائنل (پرائیوٹ/ ریگولر) کے سالانہ امتحانات2014 ءکا امتحانی شیڈول جاری کردیا ہے جس کے مطابق امتحانات 29جولائی تا08 اگست 2015 ء منعقد ہونگے ۔ واضح رہے کہ امتحانات دوپہر 2:00 تا 5:00 بجے شام جبکہ جمعہ کے روز دوپہر 2:30 تا5:30 بجے شام جامعہ کراچی کے مختلف شعبہ جات میں منعقد ہونگے۔ ایم اے پریویس اورفائنل(ریگولر وپرائیوٹ) کے امتحانات میں تقریباً11068 طلباءوطالبات شریک ہورہے ہیں۔ علاوہ ازیں تمام امیدواروں کے ایڈمٹ کارڈ ان کے دیئے گئے پتوں پر ارسال کردیئے گئے ہیں۔ ایسے طلبا وطالبات جنہیں 28 جولائی 2015 ءتک ایڈمٹ کارڈ موصول نہیں ہوئے انہیں ہدایت کی جاتی ہے کہ وہ 28 اور 29 جولائی کو صبح 9:00 تا دوپہر ایک بجے تک ڈپلی کیٹ ایڈمٹ کارڈ اور امتحانی پروگرام شعبہ امتحانات ایکسٹرنل یونٹ واقع سلور جوبلی گیٹ کمرہ نمبر 01 سے حاصل کرسکتے ہیں۔ ایڈمٹ کارڈ کے حصول کے لئے امتحانی فارم کی اوریجنل رسید، دوعدد پاسپورٹ سائز تصاویر، اصل رجسٹریشن کارڈ اور اصل قومی شناختی کارڈ بھی لازماً ساتھ لانا ہوگا۔