ایمزٹی وی(انٹرٹینمنٹ)ہالی وڈ فلم "جراسک ورلڈ" باکس آفس پر تیسرےنمبر لینے میں کامیاب ہوگئی۔تفصیلات کےمطابق "دیوہیکل ڈائنوسارز" پر بنائی گئی جراسک سیزیز کی فلمیں اب بھی شائقین کے لئے دلچسپی کا باعث ہیں اور اسی دلچسپی نے ڈائنو سارز پر بنی نئی فلم ’جراسک ورلڈ‘ کو بنا دیا سینما کی تاریخ میں سب سے زیادہ کمائی کرنے والی تیسری بڑی فلم بن گئی ہے جراسک ورلڈ‘ باکس آفس پر 2 1.52 ارب ڈالرز کا بزنس کرکے ’ٹائٹینک‘ اور ’اوتار‘ کے بعد تیسری بڑی فلم بن گئی۔’ٹائٹینک‘ نے 2.18 ارب ڈالر اور ’اوتار‘ نے2.79 بلین ڈالرز کمائے تھے۔
ایمز ٹی وی(اسپورٹس)امریکا میں جاری اسپیشل اولمپکس میں قومی کھلاڑیوں کی کامیابی کا سفر جاری ہے اور انہوں نے اب تک اس ایونٹ میں مجموعی طور پر 15 تمغے اپنے نام کرلئے ہیں۔تفصیلات کےمطابقامریکا کے شہر لاس اینجلس میں جاری اسپیشل اولمپکس میں ایک کلومیٹر ٹائم ٹرائل سائیکلنگ میں خدیجہ عرفان اور میمونہ حسین، ٹیبل ٹینس سنگلز میں محمد ارحم اور بیڈمنٹن سنگلز مقابلوں میں جہاں زیب اقبال نے سونے کا تمغہ جیت لیا۔ اس کے علاوہ ٹینس ڈبلز میں احسن انور اورمحمد قیوم نے چاندی جب کہ گرلز ٹینس سنگلز میں رقیہ لطیف نے کانسی کا تمغا اپنے نام کیا۔ اس طرح اسپیشل اولمپکس 2015 میں پاکستان کے مجموعی تمغوں کی تعداد 15 ہوگئی ہے جس میں 6سونے،4چاندی اور5کانسی کے تمغے شامل ہیں۔ واضح رہے کہ لاس اینجلس میں جاری اسپیشل اولمپکس میں 27 کھیلوں کے مقابلوں میں 177 ملکوں کے 7 ہزار سے زائد کھلاڑی حصہ لے رہے ہیں۔
ایمزٹی وی(انٹرنیشنل) بی بی سی کے مطابق افغان حکومت نےملا عمر کی ہلاکت کی تصدیق کردی ملا عمر کا انتقال 2 سے 3 برس قبل ہوچکا ہے،جب کہ صدارتی ترجمان کا کہنا ہے ملا عمر 2013 میں پاکستان میں ہلا ک ہوا تاہم طالبان اب بھی اس کی تردید کررہے ہیں۔ مصدقہ اطلاعات کے مطابق ملا عمر 2013 میں پاکستان میں ہلاک ہوا تاہم افغان طالبان نے اس خبر کی تصدیق یا تردید سے انکار کرتے ہوئے کہا ہے کہ اس بارے میں جلد ہی بیان جاری کیا جائے گا۔ بی بی سی کا کہنا ہے کہ ملا عمر کی ہلاکت کی کئی مرتبہ خبریں آئی ہیں تاہم پہلی مرتبہ اس کی تصدیق اعلیٰ ترین افغان حکام نے کی ہے۔
ایمزٹی وی(اسلام آباد) سیکیورٹی اینڈ ایکسچینج کمیشن نے میر خلیل الرحمان فائنڈیشن سمیت سو این جی اوزکےلائسنس منسوخ کردیئے۔ سیکورٹی ایکسچینج کمیشن کے ذرائع کے مطابق ملک بھر میں سو سے زائد این جی اوز کے لائسنس منسوخ کر دئے گئے ہیں ، جن مین سر فہرست میر خلیل الرحمٰن فائونڈیشن کا نام ہے،اس کے علاوہ کراچی گالف کلب اورکراچی ریس کلب کےاین جی اولائسنس بھی منسوخ کر دئے گئے۔ ایس ای سی پی نے شہید ذوالفقار علی بھٹو فاونڈیشن کا لائسنس بھی منسوخ کردیا، تجارتی تنظیموں میں پاک جاپان بزنس فورم، پاک پولینڈ بزنس فورم کےساتھ ساتھ بلاول فاؤنڈیشن اورحبیب فاؤنڈیشن کےلائسنس بھی منسوخ کردیئےگئے
ایمزٹی وی(کراچی)پاکستان میڈیکل ایسوسی ایشن (پی ایم اے) نے سال 2016 کے اوائل میں 'پاک چائنا میڈی کون' نامی میڈیکل کانفرنس منعقد کرانے کا اعلان کیا ہے۔جس میں بتایا گیا کہ یہ طبی اجلاس پاکستان اور چین کے درمیان ہونے والے معاشی راہداری کے معاہدے کے حوالے سے منعقد کیا جا رہا ہےانہوں نے مزید کہاپاکستان میں بڑھتی ہوئی دہشتگردی کے باعث دنیا میں ملک کے لیے ایک منفی تاثر پایا جاتا ہے۔ اس کانفرنس کے ذریعے دنیا کو یہ بتانے میں مدد ملےگی کہ پاکستان طب کے شعبے میں بھی بھرپور صلاحیتوں کا مالک ہے‘طب کے شعبے میں پاکستان میں پہلی بار بین الاقوامی سطح پر ہونے والی اس کانفرنس میں پاکستانی طب کے شعبے میں فعال طبی ماہرین کو توقع ہے کہ اس سے پاکستانی ڈاکٹروں کو بین الاقوامی سطح پر اپنی پیشہ ورانہ صلاحیتیں پیش کرنے کا موقع ملے گا۔کراچی میں اگلے سال ہونےوالی اس کانفرنس میں شرکت کیلئے چین کے علاوہ، سارک ممالک کے ڈاکٹر پاکستان آئیں گے، جس میں شریک طبی ماہرین مختلف موضوعات پر لیکچر بھی دیں گے۔
