ایمز ٹی وی ( نیشنل )

ایم کیو ایم کے قائد الطاف حسین کا کہنا ہے کہ متحدہ کیخلاف 1992ء والا آپريشن کيا جارہا ہے، کارکنوں کو ماورائے عدالت قتل اور لاپتہ کیا جارہا ہے، رينجرز کے افسران دھمکياں دے رہے ہيں کہ نائن زیرو آپريشن سے متعلق مزید انکشاف کريں گے، ایم کیو ایم کیخلاف جھوٹ پہ جھوٹ بولا جارہا ہے۔ ان کا کہنا ہے تمام سیکٹر اور یونٹ انچارجز کو گرفتار کرنے کی باتیں کی جارہی ہیں، بتایا جائے کہ کس قانون کے تحت انچارجز کو گرفتار کیا جائیگا؟۔ الطاف حسین کہتے ہیں کہ خواجہ آصف نے کہا تھا فوج کے 2 سابق افسران نے دھرنا کرایا، چوہدری نثار نے خواجہ آصف کے بیان پر تو کچھ نہیں کیا، میں قربانی دینے کیلئے تیار ہوں۔ انہوں نے کہا کہ مجھ پر چاروں طرف سے پابندیاں لگادی گئی ہیں، مجھے تنگ کرنے کی کوشش کی جارہی ہے، بندوق یا گرفتاریوں سے خوفزدہ نہیں کیا جاسکتا۔

ایمز ٹی وی ( نیشنل ) رابطہ کمیٹی کا کہنا ہے ایسے ہتھکنڈوں سے ڈرایا نہیں جاسکتا ۔ایم کیوایم رابطہ کمیٹی کے جاری بیان میں کہا گیا ہے کہ حقائق بیان کرنے پر الطاف حسین کیخلاف مقدمے درج کئے جارہے ہیں ۔ حقائق پر سنجیدگی سے غور کرنے کی بجائے ریاستی انتقام کا نشانہ بنایا جارہا ہے ۔رابطہ کمیٹی نے پیپلزپارٹی کی حکومت کے رویے کو شرمناک قرار دیتے ہوئے کہا کہ مقدمات سے قیادت کو ڈرایا نہیں جاسکتا ۔ جبکہ مظلوموں کے حقوق کی جدوجہد سے بھی نہیں روکا جاسکتا ۔ سماء

ایمز ٹی وی (نیشنل )

بورے والامیں رشتہ کے تنازع پربھانجے کی فائرنگ سےماموں اور اس کا بیٹاجاں بحق جبکہ ایک ماموں زاد بھائی زخمی ہوگیا۔پولیس کے مطابق بورے والا کے نواحی علاقہ بستی بڈن شاہ میں بھانجےاللہ دتہ نے رشتے کے تنازعہ پر3 ساتھیوں کے ہمراہ ماموں اوراسکے بیٹوں پر فائرنگ کردی جس کے نتیجے میں دونوں افراد موقع پر جاں بحق جبکہ ایک ماموں زاد بھائی زخمی ہوگیا۔واقعہ کے بعد ملزم اپنی ماموں زاد بہن کو لے کر موقع سے فرار ہوگیا۔ پولیس نے ملزمان کے خلاف مقدمہ درج کرکے تحقیقات شروع کردی ہیں۔

ایمز ٹی وی ( نیشنل )سانحہ صفورا میں ملوث تمام گرفتار ملزمان سے مکمل تحقیقات کے بعد تشکیل دی گئی مشترکہ تحقیقاتی رپورٹ اور سانحے میں ملوث تمام ملزمان کی تصاویر سماء نے حاصل کر لیں۔ تفتیشی رپورٹ کے مطابق سانحے میں جماعت اسلامی، تنظیم اسلامی اور القاعدہ کےسابق ارکان ملوث ہیں، ملزم طاہر سائیں جماعت اسلامی کا سابق کارکن ہے جس نے پہلی عسکری تربیت جماعت اسلامی کے کیمپ میں حاصل کی۔ملزم طاہر سائیں نےکراچی میں اپنے 53 ساتھیوں کی نشاندہی بھی کی۔ سانحے میں ملوث دوسراملزم حافظ ناصر تنظیم اسلامی سے وابستہ رہاجس کا بھائی بھی دہشتگردی میں ملوث تھا۔ ملزم اظہرعشرت بھی تنظیم اسلامی سے وابستہ رہا لیکن اس سے قبل کسی کارروائی میں شامل نہیں رہا۔جے آئی ٹی رپورٹ کے مطابق اظہرعشرت کا کردار ملزمان کو سہولیات فراہم کرنے کی حد تک تھا۔ ملزم اسد الرحمان بھی تنظیم اسلامی میں رہا جس نے کوئٹہ کے قریب پہاڑی علاقے میں تربیت لی جبکہ ملزم اسد ریکی اور دہشتگردی کے واقعات میں بطور ڈرائیور شامل رہا۔ ملزمان نے جے آئی ٹی کے روبرو انکشاف کیا کہ انکا ایک ساتھی عمر عرف جلال کروڑوں روپے کا فنڈ القاعدہ قیادت کو بھجواچکاہے، یہ فنڈنگ زیادہ تر یورو کرنسی میں کی جاتی تھی۔ سانحہ صفورا میں ملوث تمام ملزمان کے بیانات کی پولی گراف ٹیسٹ سے بھی تصدیق کی گئی ہے