بدھ, 19 فروری 2025
×

Warning

JUser: :_load: Unable to load user with ID: 46

ایمز ٹی وی (راولپنڈی)انسداد منشیات فورس نے بے نظیر بھٹو انٹر نیشنل ایئر پورٹ سے خلیجی ملک ہیروئن اسمگل کرنے کی کوشش ناکام بناتے ہوئے ایک مسافر کو گرفتار کر لیا ہے۔

اے این ایف نے بے نظیر انٹر نیشنل ایئرپورٹ سے دبئی جانے والے مسافر تاج کی شک کی بناء پر تلاشی لی تو اس کے پیٹ سے ہیروئن کے 90 کیپسول برآمد ہوئے۔ اے این ایف حکام کے مطابق پکٹری گئی ہیروئن کی مالیت بین الاقوامی مارکیٹ میں لاکھوں ڈالر بنتی ہے۔ اے این ایف حکام نے ملزم کو حراست میں لے کر تفتیش شروع کر دی ہے۔

ایمز ٹی وی (اسلام آباد ) ملک بھر میں خشک سردی کی لہر جاری ہے تاہم آئندہ 24 گھنٹوں کے دوران مری سمیت گلیات میں ہلکی برف باری جبکہ بالائی پنجاب ، خیبر پختونخوا، گلگت بلتستان اور آزاد کشمیر میں ہلکی بارش کا امکان ہے۔

محکمہ موسمیات کے مطابق گزشتہ 24 گھنٹوں کے دوران ملک کے بیشتر حصوں میں موسم سرد اور خشک رہا۔ سب سے زیادہ سردی قلات اور اسکردو میں پڑی جہاں کم سے کم درجہ حرارت منفی 6 ریکارڈ کیا گیا، اس کے علاوہ ہنزہ میں منفی 5، استور،گوپس اورکوئٹہ میں منفی 4، دیر اور دالبندین میں منفی3، گلگت منفی 2، پشاور میں 3، اسلام آباد میں 4 ، لاہور میں 5 جبکہ کراچی میں کم سے کم درجہ حرارت 13 ڈگری سینٹی گریڈ ریکارڈ کیا گیا۔

 

ایمز ٹی وی (اسلام آباد)وزیر ریلوے اور مسلم لیگ (ن) کے سینئر رہنما خواجہ سعد رفیق نے کہا ہے کہ عمران خان پاکستان کے بال ٹھاکرے بننے کی کوشش نہ کریں جبکہ ان جیسے لوگوں کے ہوتے ہوئے ملک کو کسی دشمن کی ضرورت نہیں۔

اپنے ایک بیان میں خواجہ سعد رفیق نے کہا کہ تحریک انصاف کے کراچی میں ہونے والے احتجاج نے ملک کو 15 ارب روپے کا نقصان پہنچایا، شہروں میں کاروبار بند کرانے پر تحریک انصاف کو فخر نہیں بلکہ شرم کرنی چاہئے اور عمران خان جیسے ناعاقبت اندیشوں کی موجودگی میں پاکستان کو دشمنوں کی ضرورت نہیں۔

خواجہ سعد رفیق کا کہنا تھا کہ عمران خان کی 18 دسمبر کو پاکستان بند کرنے کی شیطانی خواہش کبھی پوری نہیں ہوگی۔ انہوں نے کہا کہ عمران خان کی زبان درازی جوڈیشل کمیشن کے قیام میں بڑی رکاوٹ ہے تاہم حکومت اس حوالے سے سپریم کورٹ کو خط لکھ چکی ہے اور اب کمیشن بنانا یا نہ بنانا سپریم کورٹ کا استحقاق ہے۔

ایمز ٹی وی(اسلام آباد) مسلم لیگ ن کے رہنماء حنیف عباسی کا عمران خان پر ایک ارب روپے ہتک عزت کا دعویٰ ، راولپنڈی کی مقامی عدالت نے کپتان کو بائیس دسمبر کو طلب کر لیا ۔ مسلم لیگ نون کے رہنما حنیف عباسی کی جانب سے دائر ہتک عزت کے دعوی میں مؤقف اختیار کیا گیا کہ عمران خان نے کنٹینر پر کھڑے ہو کر انہیں منشیات فروش اور جعلی دوائیاں بنانے والا کہا جس سے ان کا استحقاق مجروح اور شہرت کو نقصان پہنچا ۔ ایڈیشنل سیشن جج عبدالستار لنگاہ نے عمران خان کونوٹس جاری کرتے ہوئے بائیس دسمبر کو طلب کر لیا ہے

ایمز ٹی وی(مظفر گڑھ) پولیس نے حساس اداروں کی رپورٹ پرمظفر گڑھ میں محمود کوٹ روڈ پر دہشت گردوں کی موجودگی کی اطلاع پر چھاپہ مارا تو مسلح ملزمان نے پولیس نفری پر ہینڈ گرینیڈ اور بھاری اسلحے کی مدد سے حملہ کر دیا جس کے نتیجے میں 3 اہلکار زخمی ہو گئے، جوابی کارروائی میں 4 دہشت گرد ہلاک جب کہ 4 فرار ہونے میں کامیاب ہو گئے۔ زخمی پولیس اہلکاروں کو فوری طور پر قریبی اسپتالوں میں منتقل کیا گیا جہاں انہیں طبی امداد دی جا رہی ہے۔ پولیس حکام کا کہنا ہے کہ ملزمان چہلم شہدائے کربلا کے موقع پر مظفر گڑھ میں دہشت گردی کرنا چاہتے تھے اور گزشتہ کئی روز سے ایک مکان میں چھپے ہوئے تھے۔ ملزمان کے قبضے سے 8 خود کش جیکٹس، 7 دستی بم، راکٹ لانچرز، غیر ملکی اسلحہ، پاسپورٹس اور جہادی لٹریچر بھی برآمد ہوا، ملزمان کا تعلق پنجابی طالبان کے ابو عبداللہ گروپ سے ہے۔ پولیس نے فرار ملزمان کی گرفتاری کے لئے علاقے کا محاصرہ کر کے سرچ آپریشن شروع کردیا ہے۔

ایمز ٹی وی(کراچی) ملک بھر میں چہلم شہدائے کربلا مذہبی عقیدت و احترام کے ساتھ منایا جارہا ہے اور اس موقع پر کسی بھی نا خوشگوار واقعے سے نمٹنے کے لئے سیکیورٹی کے انتہائی سخت انتظامات کئے گئے ہیں۔راچی میں حضرت امام حسین اور ان کے جانثار ساتھیوں کو خراج عقیدت پیش کرنے کے لئے جلوس نشتر پارک سے برآمد ہوا، جلوس کے شرکا ایم اے جناح روڈ پر واقع امام بارگاہ علی رضا کے سامنے نماز ظہرین ادا کریں گے اور پھر یہ جلوس مختلف راستوں سے ہوتا ہوا امام بارگاہ حسینیہ ایرانیاں کھارادر پر اختتام پزیر ہوگا۔ مرکزی جلوس کی سیکیورٹی کے لئے 4 ہزار 800 پولیس اہلکار اور رینجرز کو بھی تعینات کیا گیا ہے، حساس مقامات پر بلند عمارتوں پر 200 اہلکاروں کو تعینات کیا گیا ہے جب کہ پولیس کے کمانڈ اینڈ کنٹرول سسٹم سے بھی جلوس کی نگرانی کی جا رہی ہے۔

ایمز ٹی وی (کراچی) تحریک انصاف کی جانب سے پلان سی کے تحت انتخابی دھاندلی کے خلاف شہر کے داخلی اور خارجی راستوں سمیت 2 درجن سے زائد مقامات پر دھرنا دیا جا رہا ہے جب کہ شہر کی مختلف شاہراہیں بند ہونے کی وجہ سے ٹریفک کا نظام درہم برہم ہو نے کے باعث عوام کو شدید مشکلات کا سامنا ہے۔ قائد آباد کے مقام پر پی ٹی آئی کے کارکنوں کے سڑک روکنے پر پولیس نے لاٹھی چارج کر کے کارکنوں کو منتشر کر دیا ۔ کارکنوں نے علی الصبح شاہراہ فیصل پر نرسری کے علاقے میں احتجاج کیا اور روڈ بلاک کر دی ۔ ریپڈ ریسپانس فورس نے لاٹھی چارج کر کے سڑک ٹریفک کے لیے کھلوا دی ۔ تحریک انصاف کے کارکنوں نے شاہراہ فیصل پر اسٹار گیٹ کے علاقے میں ٹائر جلا کر سڑک بلاک کر دی ، راشد منہاس روڈ پر بھی ٹائر جلا کر ٹریفک روک دی گئی ، پولیس اہلکاروں نے آگ بجھا کر ٹریفک بحال کرا دی۔ تحریک انصاف کے رہنما عارف علوی کی قیادت میں پی ٹی آئی کے کارکنوں نے شارع فیصل پر نرسری کے مقام پر سڑک کو ٹریفک کے لئے بلاک کر دیا ہے جس کے باعث مسافروں کو ایئرپورٹ جانے میں مشکل کا سامنا ہے۔ عارف علوی کا کہنا تھا کہ پولیس نے علی الصبح کارکنوں پر تشدد کیا جس کی ہم شدید الفاظ میں مذمت کرتے ہیں، ہم پورا شہر بند کرا دیں گے، کاروباری مراکز اور ٹریفک بھی بند کرا کے نظام زندگی معطل کر دیں گے۔

ایمزٹی وی (اسپورٹس) ایک انٹرویو کے دوران وقار یونس نے کہا کہ ہم اس میگا ایونٹ کے لیے کافی پرجوش ہیں اور جب ہر ٹیم ٹرافی کے حصول کی خواہشمند ہے تو ہم کیوں نہیں؟ ہم ڈریسنگ روم میں اس یقین کو لے جانے کی کوشش کررہے ہیں، ہمارے پاس ٹیلنٹ اور صلاحیت موجود ہے بس انہیں منظم کرکے عالمی ایونٹ کے دوران دباﺅ کا سامنا کرنے کی ضرورت ہوگی۔ پاکستان نے آٹھ دسمبر کو پانچ ون ڈے میچز کی سیریز کے پہلے میچ میں نیوزی لینڈ کو تین وکٹوں سے شکست دی تھی اب یہ دونوں ٹیمیں دوسرے مقابلے کے لیے جمعے کو شارجہ میں مدمقابل آئینگی۔ وقار یونس نے فاسٹ باﺅلر محمد عرفان کے حوالے سے کہا کہ 7 فٹ ایک انچ لمبے یہ باﺅلر ورلڈکپ میں کامیابی کے مقصد میں پاکستان کے لیے مددگار ثابت ہوسکتے ہیں اس لیے انکا کافی خیال رکھا جا رہا ہے۔ انہوں نے کہا کہ زیادہ لمبا قد ہونے پر انجریز کا خطرہ بڑھ جاتا ہے مگر پاکستان کو اسکی ضرورت ہے کیونکہ ورلڈکپ کے لیے وہ ہمارا خفیہ ہتھیار ثابت ہوسکتا ہے۔ وقار یونس نے کہا کہ 90 کی دہائی میں کرکٹ کھیلنے والے کھلاڑیوں کو پاکستان کرکٹ کی بہتری کے لیے آگے آکر کام کرنا چاہئے۔ انکا کہنا تھا کہ معین خان، مشتاق احمد، اعجاز احمد اور محمد اکرم کی موجودگی اچھا شگون ہے، یہ سب جدید کھیل کے تقاضوں سے واقف ہیں اور قومی ٹیم کو اپنی مکمل صلاحیت کے مطابق کھیلنے میں مدد فراہم کرسکتے ہیں ۔

ایمزٹی وی (سیاسی) پاکستان تحریکِ انصاف کے سربراہ عمران خان نے کہا ہے کہ اگر حکومت دھاندلی کی آزادانہ تحقیقات کے لیے جوڈیشل کمیشن تشکیل دیتی ہے تو کراچی میں احتجاج نہیں کریں گے۔ اس موقع پر عمران خان نے خود پر لاشوں کی سیاست کرنے کے الزام کو مسترد کرتے ہوئے احتجاج کو شہریوں کا ایک جمہوری حق قرار دیا۔ انہوں نے کہا کہ سب ہی سیاسی جماعتیں دھاندلی کا رونا روتی ہیں، لیکن ان میں کوئی احتجاج نہیں کرتا۔ پی ٹی آئی چیئرمین کا کہنا تھا کہ وزیراعظم کا سپریم کورٹ کو تحقیقات پر خط آنکھوں میں دھول جھونکنے کے مترادف ہے۔ پریس کانفرنس کے بعد انہوں نے اسلام آباد دھرنے کے شرکا سے خطاب بھی کیا جس میں انکا کہنا تھا کہ حکومت کو یہ بات اب معلوم ہوچکی ہے کہ کپتان کسی صورت نہیں ڈرے گا۔ خیال رہے کہ 2013 کے عام انتخابات میں مبینہ دھاندلی پر حکومت کے خلاف احتجاج کے سلسلے میں انہوں نے 30 نومبرکو اسلام آباد کے ایک بڑے جلسے میں خطاب کے دوران پلان سی کا اعلان کیا تھا جس میں انکا کہنا تھا کہ وہ چار دسمبر کو لاہور، 8 دسمبر کو فیصل آباد اور 12 دسمبر کو کراچی کو بند کریںگے، جبکہ 16 دسمبر کو ملک بھر میں احتجاج کیا جائیگا۔ واضح رہے کہ پاکستان تحریک انصاف نے رواں سال چودہ اگست کو لاہور سے اسلام آباد کی جانب مارچ کرتے ہوئے اس احتجاج کو شروع کیا تھا اور عمران خان کا اولین مطالبہ وزیراعظم نواز شریف کا استعفی ہے۔ اس دوران کئی مرتبہ حکومت اور پی ٹی آئی کے درمیان مذاکرات کی فضا بھی ہموار ہوئی لیکن یہ مذاکرات کامیاب نہ ہوسکے ۔

ایمزٹی وی (سیاسی) لاہور کی تاجر برادری 15 دسمبر کی ہڑتال اور مظاہروں سے متفق نظر نہیں آتی۔ تاجر رہنماوں کا کہنا ہے کہ حکومت نے سیکورٹی فراہم کر نے کا یقین دلایا ہے، وہ دکانیں بند نہیں کرینگے۔ لاہور میں مسلم لیگ (ن) ٹریڈرز ونگ کے زیر اہتمام شہر کی بڑی مارکیٹوں کے تاجروں کا اجلاس ہوا۔ شرکاء موجودہ سیاسی صورت حال کو کاوربار اور روز گار کے لئے تشویشناک قرار دیتے ہوئے کہا کہ 15 دسمبر کو پہیہ چلتا رہے گا۔ تاجروں کا کہنا تھا کہ کئی ماہ سے جاری دھرنوں اورہڑتالوں نے سیل کم کر دی ہے، کاروباری برادری لڑائی جھگڑے سے خوف زدہ رہتی ہے۔ تاجروں کا کہنا تھا کہ ہڑتال سیاست دانوں کا معاملہ ہے، کاروباری حضرات کو اس میں نہ گھسیٹا جائے ۔