ایمزٹی وی(تعلیم/ اسلام آباد) یونیورسٹی آف انجینئرنگ ٹیکسلا کے طلباء و طالبات میں لیپ ٹاپ تقسیم کرنے کی تقریب سے خطاب کرتے ہوئے وفاقی وزیر نے کہا کہ حکومت ہر ضلع میں یونیورسٹی کیمپس قائم کرنے کیلئے کوشاں ہے ۔

  انجینئرز ترقی کے معمار ہیں، ہمیں ایجادات کی ریس میں دیگر قوموں کے ہم پلہ ہونا ہوگا۔علاوہ ازیں تربیتی ورکشاپ کی اختتامی تقریب سے خطاب کرتے انہوں نے کہا کہ نصاب تعلیم پر نظرثانی اور رٹہ ازم ختم کر کے تصوراتی تعلیم پر زور دیا جا رہا ہے ۔  

یہ ایجادات کا دور ہے ، اس میں جدید تقاضوں کے مطابق اپنے آپ کو ڈھالنا ہوگا۔ امتحانی نظام بہتر بنائے بغیر نصاب اور اساتذہ کی تربیت بے سود ہے ، جب تک طلبا کی صلاحیتوں کو بہتر انداز میں نہیں جانچا جاتا ذہین دماغوں کا ابھر کر سامنے آنا ممکن نہیں۔ وفاقی وزیر احسن اقبال نے کہا ہے کہ امتحانی نظام بہتر بنائے بغیر معیاری تعلیم ممکن نہیں، تین برسوں میں اعلیٰ تعلیم کا بجٹ 100 ارب روپے سے بڑھا کر 215 ارب روپے کر دیا ہے ۔