ایمزٹی وی(تعلیم/کراچی)سندھ پروفیسرز اینڈلیکچررز ایسوسی ایشن (سپلا) کاٹیچرز کنونشن گورنمنٹ کالج کالی موری کے تاریخی ہال میں منعقد ہواجس میں سندھ بھرسے کالج اساتذہ نے شرکت کی۔
کنونشن میں اساتذہ کے مسائل کے حل کے لئے ایک ایڈہاک ایکشن کمیٹی کاقیام سپلا کے الیکشن تک عمل میں لایاگیا جس کے چیئرمین پروفیسر محمدیعقوب چانڈیو جبکہ اراکین میں پروفیسر جادم گجو‘ پروفیسر فیضان صدیقی‘ پروفیسر انورمنصور ودیگر شامل ہیں۔ترجمان کے مطابق ایڈہاک کمیٹی 18,17اور19گریڈ کی سینیارٹی لسٹ فائنل کرکے خالی آسامیوں پر پروموشن ودیگرمسائل حل کرائے گی۔