کراچی: عثمان انسٹیٹیوٹ آف ٹیکنالوجی کے طلبہ کی جانب سے کشمیریوں سے اظہار یکجہتی کےلئے کشمیر ڈے کا انعقاد کیاگیا

 

تقریب کےمہمانِ خصوصی ڈاکٹر فاروق ستار کا کہنا تھا کہ پاکستان اس وقت مکمل طور پر آزاد ہو گا جب مقبوضہ کشمیر آزاد کروا لیا جائے گا اس کے لئے پاکستان اقوام عالم میں صحیح معنی میں باعزت مقام حاصل کرنا ہو گا

 

کشمیر ڈے کا انعقاد پروفیشل یوتھ فاونڈیشن پاکستان اور یو آئی ٹی کے تعاون سے کیا گیا جس میں طلبہ نے بھر پور انداز میں کشمیریوں سے اظہار یکجہتی کا مظاہرہ کیا اور والہانہ تقاریر کرتے ہوئے پوری دنیا کو پیغام دیا کہ کشمیر پاکستام کا دل ہے اسے پاکستان سے جدا کرنا کسی صورت ممکن نہیں، دشمن ملک جتنی بھی سازشیں کر لے جتنی بھی تکالیف پہنچا ئے پوری دنیا جانتی ہے کہ کشمیر پاکستان کی شہ رگ ہے۔

 

دریں اثنا ڈاکٹر فاروق ستار نے کہا کہ ہمیں اپنے نوجوانوں کو بااختیار بنانا چاہیئے اور اپنے وسائل کا بڑا حصہ ان نوجوانوں پر خرچ کرنا چاہیئے تاکہ یہ نوجوان جوپاکستان کامستقبل ہیں انہیں روزگار میسر آسکے، فاروق ستار نے پاکستان زندہ آباد اور کشمیر بنے گا پاکستان کا نعرہ لگایا۔ تقریب میں اعلی ثانوی تعلیمی بورڈ کے چیئر مین پروفیسر انعام احمد نے بطور مہمان خصوصی شرکت کی اور تقریری مقابلہ جیتنے والوں کو انعامات بھی دیئے۔