کراچی: صوبائی حکومت نے سندھ کےپانچ تعلیمی بورڈز میں میں بھرتیوں پر پابندی عائد کردی ہے۔

 

ذرائع کےمطابق کے ایم سی سے محکمہ بورڈز و جامعات میں ڈیپوٹیشن پر آئے ہوئے سیکشن افسر یاسر سولنگی کے دستخط سے جاری ہونے والے مراسلے میں کہا گیا ہے کہ سندھ کے پانچ تعلیمی بورڈز کے چیرمین اپنی مدت ملازمت پوری کرنے کے قریب ہیں چناچہ وہ ملازمین کا تقرر نہیں کرسکتے تاہم اگر بہت ضروری ہے تو ایڈھاک یا ہنگامی بنیادوں پر ملازمین کے تقرر کے لئے محکمہ بورڈز و جامعات سے اجازت لے کر اشتہار کے زریعے بھرتی کی جائے ۔

 

جن بورڈز پر پابندی عائد کی گئی ہے ان میں میٹرک بورڈ کراچی، انٹر بورڈ کراچی، سندھ ٹیکنیکل بورڈ کراچی، لاڑکانہ تعلیمی بورڈ اور سکھر تعلیمی بورڈ شامل ہیں۔ جب کہ حیدرآباد تعلیمی بورڈ، میرپورخاص تعلیمی بورڈ اور نوابشاہ تعلیمی بورڈ پر بھرتیوں سے متعلق پابندی نہیں لگائی گئی ہے۔