کراچی: کوویڈ 19 کے پھیلاو کے پیش نظر ضیاء الدین یونیورسٹی کا سترہواں جبکہ پہلا ورچوئل جلسہ تقسیم اسناد 27 ستمبر 2020 بروز اتوار صبح 11 بجے منعقد ہوگا جسے ضیاء الدین یونیورسٹی کے فیس بک پیج پر براہ راست نشر کیا جائے گا۔
جلسہ تقسیم اسناد میں ایم فل اور پی ایچ ڈی سمیت 557 گریجویٹس کو اسناد تفویض کی جائیں گی جبکہ نمایاں کارکردگی کے حامل طلبا و طالبات کو گولڈ میڈل بھی دیے جائیں گے۔
اسناد حاصل کرنے والوں میں ضیاء الدین کالج آف مڈیسن، کالج آف ڈینٹسٹری، کالج آف اسپیچ لینگویج اینڈ ہیئرنگ سائنسز، کالج آف ریہیبلیٹیشن سائنسز، کالج آف میڈیکل ٹیکنالوجی، کالج آف نرسنگ، بایو میڈیکل انجینئرنگ، فیکلٹی آف فارمیسی اور کالج آف میڈیا سائنسز اور کے طلبا و طالبات شامل ہیں۔