ایمز ٹی وی ( تعلیم) مہران یونیورسٹی آف انجینئرنگ اینڈ ٹیکنالوجی جامشورو کے کیمیکل انجینئرنگ شعبہ کی جانب سے 3روزہ بین الاقوامی کانفرنس اور نمائش کا افتتاح ہوا۔

تقریب میں داؤد یونیورسٹی کے وائس چانسلر ڈاکٹر فیض اللہ عباسی نے بطور مہمان خصوصی شرکت کی۔ افتتاحی تقریب سے خطاب کرتے ہوئے مہران یونیورسٹی کے وائس چانسلر پروفیسر ڈاکٹر محمد اسلم عقیلی نے کہا کہ ہماری بدقسمتی یہ ہے کہ صنعتوں اور جامعات کے ماہرین میں رابطہ ہونا چاہئے جو کہ نہیں ہے۔ پاکستانی صنعت کے پیچھے رہ جانے کا ایک سبب یہ بھی ہے کہ وہ جامعات میں ہونے والی تحقیق سے فائدہ نہیں اٹھاتی۔