ایمزٹی وی (ایجوکیشن) خیبرپختونخوا میں ہونے والے امتحانات میں ایک ضعیف شخص نے اپنی ہمت اور عزم سے بہت سارے جوانوں کو بھی مات کردیا۔ 53 سال کے محمد شفیق نے ثابت کردیا ہے کہ علم کیلئے کوئی عمر نہیں اور تعلیم حاصل کرنے میں کوئی شرم نہیں کر نی چاہیے۔ اس حوالے سے محمد شفیق کا کہنا ہے کہ اپنی بیٹیوں کے اصرار پر ہی وہ امتحان دینے کے لیے آیا ہے، اس کی2 بیٹیاں ماسٹرز کرچکی ہیں، ایک گریجویٹ ہے، ایک اسی کے ساتھ میٹرک کا امتحان بھی دے رہی ہے اور چھوٹی بیٹی آٹھویں میں ہے۔ خود زیادہ تعلیم حاصل نہ کرسکنے والے نائب قاصد محمد شفیق نے اپنی اولاد کو اعلی تعلیم دلوائی اور اب 33 سال بعد میٹرک کا امتحان دیتے ہوئے اس کا عزم ہے کہ وہ اپنا تعلیمی سلسلہ جاری رکھے گا۔