سندھ ٹیکسٹ بُک بورڈ کی جانب سے کراچی ریجن میں درسی کتب کی ترسیل کا مرحلہ مکمل کرلیا گیا۔

کراچی کو کتب کی ترسیل کے آخری مرحلہ مکمل ہونے کے سلسلے میں ایک تقریب سندھ ٹیکسٹ بُک بورڈ کے لانڈھی کراچی میں واقع ویئر ہاؤس میں منعقد کی گئی۔ تقریب میں سندھ ٹیکسٹ بک بورڈ کے چیئرمین عبدالعلیم لاشاری، سیکریٹری بورڈ حفیظ اللہ مہر، ضلع ملیر کے تعلیمی افسران اور مختلف شعبہ ہائے زندگی سے تعلق رکھنے والے افراد نے شرکت کی۔

اس موقع پر میڈیا کے نمائندوں سے بات کرتے ہوئے چیئرمین سندھ ٹیکسٹ بک بورڈ عبدالعلیم لاشاری نے کہا کہ سندھ کے 17 اضلاع میں کتب کی ترسیل کا مرحلہ مکمل کر لیا گیا ہے اس ضمن میں کراچی کے ضلع کیماڑی کے لیے آخری کھیپ بھیجی جا رہی ہے۔ انہوں نے کہا کہ کراچی ریجن کو تقریباً 7لاکھ درسی کتب کے سیٹس مہیا کیے گئے ہیں۔

چیئرمین عبدالعلیم لاشاری نے کہا کہ وزیر تعلیم سید سردار علی شاہ کی ہدایت کے مطابق کتب کی ترسیل کا کام شروع کیا گیا، ایک سوال پر انہوں نے کہا کہ ٹیکسٹ بک بورڈ کتب نے 1970 سے کتب کی چھپائی اور ترسیل کا سلسلہ جاری رکھا ہوا ہے اس میں وقت کے ساتھ کچھ چیلینجز بھی درپیش رہے ہیں، کتب کا مسودہ تیار ہونے پر ان کو پبلش اور ترسیل کی ذمہ داری ٹیکسٹ بک بورڈ کی ہے اس ضمن میں ہم نے اس رواں سال سے تمام ضلعوں کی انتظامیہ سے بھی مدد لے رہے ہیں۔

انہوں نے کہا کہ ٹیکسٹ بک بورڈ نے اس سال 4.4 ملین کتب سے سیٹ کی چھپائی کو مکمل کیا ہے۔ عبدالعلیم لاشاری نے کہا کہ ٹیکسٹ بک کا اگلا مرحلہ کتب کو موبائیل ایپ پر منتقل کرنے کا ہے تا کہ موبائیل کے ذریعہ بھی طلباء کو درسی مواد تک رسائی دی جا سکے۔ ایک سوال پر چیئرمین نے کہا کہ 138 تعلقہ میں سے 68 تحصیل ہو کتب تقسیم ہو چکی ہیں،انہوںنے کہا کہ کتب کی ترسیل کا اگلا مرحلہ آئیندہ ہفتہ سے شروع ہوگا۔ بعد ازاں چیئرمین سندھ ٹیکسٹ بک بورڈ عبدالعلیم لاشاری نے مختلف شخصیات کے ہمراہ کتب کو کنٹینر میں رکھوایا اور سارے مرحلہ کی نگرانی بھی کی۔

افریقہ سے تعلق رکھنے والے ڈپلومیٹس، سفاترکار، تعلیمی اداروں کے سربراہان اور دیگر نے سندھ اسمبلی کی ایم پی اے اور کھیلوں اور نوجوانوں کے امور کی پارلیامانی سیکریٹری صائمہ آغا کی قیادت میں سندھ زرعی یونیورسٹی ٹنڈوجام میں وائس چانسلر ڈاکٹر فتح مری سے ملاقات کی۔

وفد میں نائجیر میں پاکستانی سفیر ڈاکٹر احمد علی سیروہی، کے اے اے ٹی یونیورسٹی نائجیر کے ریکٹر مسٹر ابراہیم گیرو محمدول-ہادی، ڈاکٹر حلیدو سومانا ابراہیم، آئی پی ایس پی نائجیر کے ریکٹرساندا مائیگا عبداللہ، آل ٹی افریقی انسٹیٹیوٹ آف ٹیکنالوجی، نیامے کے نمائندہ ابراہیم بن مقصود اور دیگر موجود تھے،

نائیجیرین وفد کی زرعی یونیورسٹی کا دورہ، نائجیر میں زراعت، لائیواسٹاک اور پولٹری کیلئے، زرعی یونیورسٹی سے ماہرین کی مہارت اور تعاون کی گذارش، وائیس چانسلر کو نائجیر کی دورے کی دعوت، تفصیلات کے مطابق اور نائجیر کی جامعات میں فیکلٹی آف ایگریکلچر شروع کرنے کیلئے وائیس چانسلر ڈاکٹر فتح میں تعاون کی گذارش کی،

وفد سے باتیں کرتے ہوئے وائس چانسلر ڈاکٹر فتح مری نے کہا سندھ زرعی یونیورسٹی بیرون ممالک طلبہ کیلئے اعلیٰ تعلیم کیلئے سازگار ماحول بنا رہی ہے، اور گذشتہ سال سے خاص طور پر افریکی طلبہ کیلئے ایڈمیشنز کا آغاز کر چکی ہے، اور داخلہ فیسز سے مستثنیٰ قرار دیا گیا ہے، انہوں نے کہا سندھ زرعی یونیورسٹی ریگستانی زراعت اور نامیاتی میواجات اور سبزیوں پر تحقیق کا آغاز کر چکی ہے، سندھ زرعی یونیورسٹی افریکی ممالک کی جامعات میں زرعی، لائیو اسٹاک اور پولٹری میں فنی معاونت کرے گی،۔

اس ضمن میں وائیس چانسلر نے نائجیر کا دورہ کرنے کی حامی بھری، انہوں نے کہا او آئی سی کی مالی معاونت سے ترقی پذیر ممالک میں زرعی تعلیم کو فروغ دیا جائیگا، اس موقع پر کے اے اے ٹی یونیورسٹی نائجیر کے ریکٹر مسٹر ابراہیم گیرو محمدول-ہادی نے اپنی جامعی میں زرعی فیکلٹی کے قیام کیلئے وائیس چاننسلر ڈاکٹر فتح مری سے معاونت کی گذارش کی۔

واٹس ایپ کا استعمال دنیا بھر میں 2 ارب سے زائد افراد کرتے ہیں اور اس پر اکثر صارفین کو میسجز کی بھرمار کا سامنا ہوتا ہے۔

درحقیقت بیشتر افراد کے لیے واٹس ایپ کے تمام پیغامات کو پڑھنا کافی مشکل ہوتا ہے جن میں سے زیادہ تر ان کے لیے غیرضروری ہوتے ہیں۔مگر کیا آپ کو معلوم ہے کہ واٹس ایپ میں ایک ایسا فیچر موجود ہے جس سے آپ تمام ان ریڈ (unread) میسجز کو فوری طورپر کلیئر کرسکتے ہیں؟

جی ہاں واقعی اس فیچر کا علم بہت کم افراد کو ہے۔ویسے تو واٹس ایپ کے میسجز کو کلیئر کرنے کا عمل کافی وقت طلب ہے کیونکہ اس کے لیے ہر چیٹ کو اوپن کرکے تمام میسجز کو دیکھنا پڑتا ہے۔

مگر واٹس ایپ کے ایک چھپے ہوئے مینیو سے یہ عمل بہت تیز رفتاری سے مکمل کیا جا سکتا ہے۔اس فیچر سے آپ واٹس ایپ ان باکس کو لاتعداد ان ریڈ میسجز سے پاک رکھ سکتے ہیں۔اسے استعمال کرنے کے لیے پہلے یہ دیکھنا ہوگا کہ واٹس ایپ میں موجود چیٹ فلٹرز یعنی آل، ان ریڈ، گروپس اور فیورٹس بٹن موجود ہیں یا نہیں۔

اگر یہ بٹن موجود ہیں تو آل یا ان ریڈ فلٹر کو دبا کر رکھنے پرایک مینیو شو ہوگا جس پر مارک ایز ریڈ کا آپشن نظر آئے گا۔

اس آپشن کو سلیکٹ کرنے پر تمام ان ریڈ میسجز غائب ہو جائیں گے یا یوں کہہ لیں کہ ایسا شو ہوگا جیسے آپ نے انہیں پڑھ لیا ہے۔اس فیچر سے ان صارفین کو زیادہ فائدہ ہوگا جو متعدد واٹس ایپ گروپس کا حصہ ہیں اور ان کے لیے تمام میسجز کو پڑھنا ممکن نہیں ہوتا۔

اس طریقہ کار سے انہیں وقت بچانے کے ساتھ ساتھ واٹس ایپ ان باکس کو منظم رکھنے میں بھی مدد ملتی ہے۔

کراچی: اعلیٰ ثانوی تعلیمی بورڈ کراچی کی جانب سے الحاق شدہ تمام سرکاری و نجی کالجوں اور ہائیرسیکنڈری اسکولوں کو مطلع کیا جاتا ہے کہ انٹرمیڈیٹ حصہ اول، حصہ دوم (فریش، فیلیئر) کے سالانہ امتحانات برائے 2024ء کے آرٹس ریگولر گروپ کے عملی امتحانات 15 اگست2024 ء سے 31 اگست 2024ء تک ہوں گے۔

انٹربورڈ کی جانب سے طالب علموں کو ہدایت کی گئی ہے کہ وہ عملی امتحانات کا پروگرام 15 اگست سے پہلے اپنے کالجوں سے حاصل کرلیں۔

تمام پرائیویٹ امیدوار، ایڈیشنل سبجیکٹ، امپروومنٹ آف ڈویژن، شارٹ سبجیکٹ، بارہ پرچے (T.P)، اسپیشل چانس کے امیدوار عملی امتحانات اپنے سابقہ کالجوں میں ہی دیں گے۔

بنگلادیش کیخلاف 2 ٹیسٹ میچز کی سیریز کیلئے میچ آفیشلزکے ناموں کا اعلان کردیا گیا۔

سری لنکا سے تعلق رکھنے والے میچ ریفریز کے آئی سی سی ایلیٹ پینل کے ممبر رنجن مدوگالے پاکستان اور بنگلادیش کے دونوں ٹیسٹ میچوں میں آئی سی سی میچ ریفری ہوں گے۔سیریز کے دونوں میچز آئی سی سی ورلڈ ٹیسٹ چیمپئن شپ کا حصہ ہیں۔

دونوں ٹیموں کے درمیان پہلا ٹیسٹ میچ 21 سے 25 اگست تک راولپنڈی کرکٹ ا سٹیڈیم جبکہ دوسرا ٹیسٹ میچ 30 اگست سے 3 ستمبر تک نیشنل اسٹیڈیم کراچی میں کھیلا جائے گا۔ٹیسٹ سیریز کیلئے 3 امپائرز آئی سی سی ایلیٹ پینل آف امپائرز سے ہوں گے اور 2 امپائرز آئی سی سی انٹرنیشنل پینل آف امپائرز سے ہوں گے۔

راولپنڈی ٹیسٹ میں انگلینڈ کے رچرڈ کیٹلبرو اور جنوبی افریقہ کے ایڈرین ہولڈ اسٹوک آن فیلڈ امپائر ہوں گے، انگلینڈ کے مائیکل گف تھرڈ امپائر جبکہ پاکستان کے راشد ریاض فورتھ امپائر کے فرائض انجام دیں گے۔

کراچی ٹیسٹ میں مائیکل گف اور ایڈرین ہولڈ سٹوک آن فیلڈ امپائر کے فرائض انجام دیں گے جبکہ رچرڈ کیٹلبرو تھرڈ امپائر اور پاکستان کے آصف یعقوب فورتھ امپائر ہوں گے۔

کراچی: جناح سندھ میڈیکل یونیورسٹی (جے ایس ایم یو) اور جناح پوسٹ گریجویٹ میڈیکل سینٹر (جے پی ایم سی) نے طبی تعلیم اور تربیت میں تعاون کو بڑھانے کے اپنے عزم کو باضابطہ شکل دی۔ مفاہمتی یادداشت پر دستخط کرنے کی تقریب جے ایس ایم یو میں منعقد ہوئی جو جے پی ایم سی میں تدریسی سرگرمیوں کے معیار کو بہتر بنانے کی جانب ایک اہم قدم ہے۔

جے ایس ایم یو کے وائس چانسلر پروفیسر امجد سراج میمن نے بتایا کہ 'اس معاہدے کے تحت یونیورسٹی جے پی ایم سی کو فیکلٹی ممبران فراہم کرے گی، تدریسی عملے میں اضافہ کرے گی اور تعلیمی فراہمی میں موجود خلا کو پورا کرے گی۔

ایگزیکٹو ڈائریکٹر جے پی ایم سی پروفیسر شاہد رسول نے مفاہمتی یادداشت کو طبی تعلیم اور تربیت کے معیار کو بہتر بنانے، تعاون کو فروغ دینے اور تدریسی سرگرمیوں میں موجودہ خلا کو دور کرنے کی جانب ایک اہم قدم قرار دیا

دستخط کی تقریب میں دونوں اداروں کی نمایاں شخصیات نے شرکت کی، جن میں پرنسپل ایس آئی او ایچ ایس پروفیسر زبیر عباسی، پروفیسر یاور عابدی، ڈائریکٹر ہیومن ریسورسز ڈاکٹر راحت ناز، ڈاکٹر یحییٰ خان، ڈپٹی ایگزیکٹو ڈائریکٹر جے پی ایم سی، ڈاکٹر محمد سلیمان، جوائنٹ ایگزیکٹو ڈائریکٹر جے پی ایم سی، ڈاکٹر نوشین رؤف، ڈپٹی ڈائریکٹر جے پی ایم سی، اور ڈاکٹر کوثر، پروفیسر آف فزیالوجی جے پی ایم سی شامل تھے۔

مفاہمتی یادداشت پر جے پی ایم سی کے ایگزیکٹو ڈائریکٹر پروفیسر شاہد رسول اور جے ایس ایم یو کے رجسٹرار ڈاکٹر اعظم خان نے دستخط کیے جبکہ میڈیسن کے ڈین اور سندھ میڈیکل کالج کے پرنسپل پروفیسر مسرور احمد اور بیسک میڈیکل سائنسز کے ڈین پروفیسر محمد اظہر مغل نے بطور گواہان دستخط کیے۔

56 واں انٹر نیشنل کیمسٹری اولمپیاڈ میں پاکستانی طالب علموں نے بہترین کارکردگی کا مظاہرہ کرتے ہوئے کانسی کا تمغہ حاصل کر لیا،

سعودی عرب کے شہرریاض میں 56 واں اولمپیاڈ21 تا30 جولائی(2024) منعقد ہوا جس میں کراچی گرامر اسکول کے عبدالرافع نے کانسی کا تمغہ حاصل کیا جبکہ ٹیم کے دیگر اراکین میں لاہور گرامر اسکول وا کینٹ کی ماہ نور راشد،پنجاب کالج برائے خواتین، جرانوالیہ روڈ فیصل آباد کی مروا اور دبئی انٹرنیشنل پبلک اسکول اینڈ کالج مانسہرہ کے سید مہر علی شاہ شامل تھے۔

طالبِ علموں کو ایچ ای جے ریسرچ انسٹیٹیوٹ آف کیمسٹری جامعہ کراچی میں کیمسٹری کی تربیت دی گئی تھی

پاکستانی طالب علموں نے ان مقابلوں میں این سی ٹی سی کے کوآرڈینیٹر اور ایچ ای جے ریسرچ انسٹیٹیوٹ آف کیمسٹری جامعہ کراچی کے سینئر پروفیسر ڈاکٹر ایم رضا شاہ اورپروفیسر ڈاکٹر خالد ایم خان کی زیر قیادت شرکت کی تھی۔انھوں نے کہا علم کیمیاء کے مقابلوں میں پاکستانی نوجوان اسکالرز کی شرکت ا علیٰ تعلیمی کمیشن پاکستان کے تعاون سے ممکن ہوتی ہے جبکہ ان کی تربیت بین الاقوامی مرکز برائے کیمیائی و حیاتیاتی علوم جامعہ کراچی کے تحقیقی ادارے ایچ ای جے ریسرچ انسٹیٹیوٹ آف کیمسٹری میں کی گئی۔

آئی سی سی بی ایس جامعہ کراچی کی سربراہ پروفیسر ڈاکٹر فرزانہ شاہین نے کامیاب طالبِ علموں کو اور اُن کے رہنماوں کو اس کامیابی پر مبارکباد دی ہے۔ دوسری جانب شیخ الجامعہ کراچی پروفیسر ڈاکٹر خالد محمود عراقی اور سابق وفاقی وزیر برائے سائینس اور ٹیکنالوجی اور پروفیسرامریطس ڈاکٹر عطا الرحمن نے بھی اس کامیابی پر طالبِ علموں اور اُن کے رہنماوں کو مبارکباد دی ہے۔

ممبئی: پاکستانی سپر اسٹار اداکار فواد خان اور صنم سعید کی متنازعہ انڈین ویب سیریز ’برزخ‘ کو یوٹیوب سے ہٹانے کا اعلان کردیا گیا۔

پاکستانی ہدایتکار عاصم عباسی کی تحریر کردہ اور بنائی گئی ویب سیریز ‘برزخ’ کو بھارتی پروڈیوسرز نے پروڈیوس کیا ہے اور اس سیریز کو بھارتی اسٹریمنگ ویب سائٹ زی فائیو کے لیے ہی بنایا گیا ہے۔

19 جولائی کو بھارتی یوٹیوب چینل ‘زندگی’ اور ‘زی فائیو’ پر ریلیز ہونے والی سیریز ‘برزخ’ کی پہلی اور دوسری قسط نے جہاں پاکستانی اور بھارتی مداحوں کے دل جیتے تو وہیں سریز کی تیسری قسط دیکھ کر پاکستانی مداح غصے سے بھڑک اٹھے۔

‘برزخ’ کی تیسری قسط میں دو مرد کرداروں کے درمیان رومانوی مناظر اور رغبت دکھائی گئی تھی، اس کے علاوہ سیریز میں فحاشی، زنا اور بچوں کی ذہنی سازی بھی دکھائی گئی ہے۔

پاکستان میں ہم جنس پرستی کے مواد پر شدید ردعمل کے بعد بھارتی یوٹیوب چینل ’زندگی‘ نے انسٹاگرام پر اعلان کیا ہے کہ وہ نو اگست سے ویب سیریز کو یوٹیوب سے ہٹادیں گے۔

اپنے اعلامیہ میں انہوں ںے لکھا کہ فیصلہ پاکستانی ناظرین کو مدنظر رکھ کرکیا گیا ہے اور وہ اپنے ناظرین کو عزت اور احترام کی نظر سے دیکھتے ہیں۔

کراچی: وزیر تعلیم و ترقی معدنیات سندھ سید سردار علی شاہ نے اسکولز اونرشپ کے حوالے اسمبلی میمران کو دعوت دے دی۔

صوبائی وزیر سید سردار علی شاہ نے اسمبلی ممبران کو اسکولز کی ذمہ داری لینے کے لیے خط لکھ دیا۔سردار علی شاہ کا کہنا ہےکہ اسمبلی میمران اپنے حلقے کے تین اسکول کی ذمہ داری لے کر تمام انتظامات کی نگرانی کریں۔

ایم پی ایز کی طرف سے ہونے والے اسکول اونرشپ سے سماج میں ذمہ داری کے احساس کو فروغ ملے گا۔صوبائی اسمبلی میمبران کو دعوت دیتا ہوں کہ وہ بچوں کے مستقبل کے لیے اپنا حصہ ڈالیں۔ اسکولز کی اونرشپ سے تعلیمی معیار کو بہتر کرنے اور مثالی بنانے میں مدد ملے گی۔

وزیررتعلیم کاکہنا تھا کہا یم پی ایز اپنے حلقے میں کمیونٹی کی شرکت خاص طور پر اساتذہ اور والدین کے ساتھ رابطہ میں رہ کر اصلاحات متعارف کروا سکتے ہیں۔ اسکولز کے لیے نیچے سے لے کر اوپر تک ذمہ داری کا احساس پیدا ہونے سے ہم مل کر تعلیم کی ترقی ممکن بنا سکتے ہیں۔عوامی نمائندوں کی پارٹسپیشن سے اسکولز کی ضروریات اور مسائل کی نشاندہی اور انہیں حل کرنے میں مدد ملے گی۔ ہمیں اپنے اسکولز کے ساتھ وفا کا وعدہ کرنا ہے۔

کراچی: اداکارہ صنم سعید نے برزخ کو ملنے والے فیڈ بیک کوزبردست قراردےدیا۔

بھارتی میڈیا کو انٹرویو میں اداکارہ صنم سعید نے برزخ کو ملنے والے فیڈ بیک کوزبردست قرار دیتے ہوئے کہ برزخ میں بہت سی چیزیں ایسی تھیں جن کی وجہ سے لوگ اس کی طرف متوجہ ہوئے۔ کچھ لوگ ایسے ہیں جن کوشو سمجھ میں نہیں آیا۔ اگر وہ لوگ ایک بار غور سے پورا شو دیکھیں گے تو انہیں سمجھ آ جائے گی۔ برزخ پرلوگوں کا ردعمل ویسا ہی ملا جیسی ہمیں توقع تھی۔

بھارتی مداحوں سے متعلق صنم سعید کا کہنا تھا کہ بھارتی مداح میرے طویل عرصے سے کھوئے ہوئے بہن بھائیوں کی طرح ہیں۔ ہم صرف مختلف گھروں میں پلے بڑھے ہیں۔ بنیادی طور پر ہم ایک ہی سرزمین کے ہیں لیکن ہم صرف برسوں میں مختلف طریقے سے پروان چڑھے ہیں۔ طویل عرصے سے کھوئے ہوئے بہن بھائیوں کے ساتھ دوبارہ جُڑنا اچھا لگا۔

اداکارہ کا مزید کہنا تھا کہ میرا کبھی کام کے سلسلے میں بھارت جانا نہیں ہوا اس لیے یہ نہیں کہہ سکتی کہ مجھے وہاں نہ جانے پر کمی محسوس ہوتی ہے لیکن وقت کے ساتھ چیزیں ہوتی رہیں گی۔