جمعرات, 29 فروری 2024


فیس بک نے گیمنگ کے لیے ایپ لانچ کردی

فیس بک نے گیمنگ کے عالمی منظرنامے میں کودنے کا فیصلہ کیا ہے اور اس کے لیے ایک ایپ لانچ کردی ہے۔ اس میں بہت سے گیم، فورم ، پلے گروپ اور آپشن موجود ہیں۔

 اس بالکل نئی ایپ کے تین اہم پہلو ہیں۔ ان میں پہلے نمبر پر واچ ہے جس کی بدولت ای اسپورٹس اور گیم بنانے والی مشہور کمپنیوں کے اشتہارات ، خبریں اور دیگر تفصیلات دیکھی جاسکیں گی۔  دوسرا پہلو پلے کا ہے جس کے ذریعے کسی ڈاؤن لوڈ کے بغیر آپ کس بھی وقت کسی بھی جگہ کئی اقسام کے گیم کھیل سکیں گے۔ تیسرا آپشن کنیکٹ ہے جس میں آپ مختلف دوستوں اور گیم کھیلنے والوں سے رابطہ کرسکیں گے اور ان سے مشورے اور ٹپس بھی حاصل کرسکیں گے۔

اس سے قبل بھی فیس بک بہت سی گیم پیش کرتا رہا ہے اور اپنی فیس بک ایپ میں ہی کئی آپشن پیش کرچکا ہے لیکن یہ نئی ایپ ایک باقاعدہ گیمنگ ایپ کے طور پر پیش کی جارہی ہے۔  فیس بک نے تحمل سے عوامی رائے اور ڈیٹا کے رحجانات کا جائزہ بھی لیا ہے۔ لاطینی امریکا اور ایشیا کے کئی ممالک میں یہ ایپ ایک سال سے زیرِ استعمال ہے جو ظاہر ہے کسی بڑے ٹیسٹ کا حصہ بھی ہے۔

اگلے مرحلے میں فیس بک بہت سے ورچول ریئلٹی ٹول بنائے گا اور اسے اس گیمنگ ایپ کے ساتھ ہم آہنگ بھی کیا جائے گا۔ اس کے بعد شاید یہ ایپ دنیا میں خاص مقام حاصل کرسکے گی۔

پرنٹ یا ایمیل کریں

Leave a comment