ایمزٹی وی(ٹیکنالوجی)عالمی ماہرین فلکیات کی ایک ٹیم نے زمین سے 340 نوری سال کے فاصلے پر سیارہ مشتری کے حجم سے چار گنا بڑا ایک اجنبی سیارہ دریافت کیا ہے جسے ایچ ڈی 131399 اے بی کا نام دیا گیا ہے۔ اور یہ سیارہ اپنے تین سورجوں میں روشن ترین سورج کے گرد گردش کررہا ہے۔ اس سیارہ کی گردش کا نصف دورانیہ ہماری زمین کے 550 سال کے برابر ہے۔ سائنسدانوں نے بتایا کہ اس سیارے کے سورجوں کا آپس میں توازن اس طرح ہے کے گردش کے دوران سیارہ اور سورج آپس میں کسی جگہ ایک دوسرے سے ٹکرانے سے محفوظ رہتے ہیں۔ تینوں سورج ایک خاص ترتیب سے ایک دوسرے کے مقابل آتے ہیں جس سے سیارے میں دن اور رات کا عمل مکمل ہورہا ہے۔ اس سیارے میں ایک دن کا دورانیہ ہمارے 140 سال کے برابر ہے جب کہ سیارے کی عمر16 ملین سال بتائی گئی ہے۔