ایمزٹی وی(گلگت بلتستان) چترال اور گردو نواح میں زلزلے کے جھٹکے محسوس کئے گئے تاہم کسی جانی نقصان کی اطلاع موصول نہیں ہوئی۔

زلزلہ کوہ پیما مرکز کے مطابق چترال اور گردو نواح میں 4.1 شدت کا زلزلہ ریکارڈ کیا گیا، زلزلے کی زمین میں گہرائی 10 کلو میٹر جب کہ اس کا مرکز چترال سے 15 کلو میڑ دور جنوب مشرقی علاقے میں تھا۔

زلزلے کے باعث کسی جانی و مالی نقصان کی اطلاع تو موصول نہیں ہوئی تاہم زلزلے کے بعد لوگوں میں خوف و ہراس پھیل گیا اور بڑی تعداد میں مرد، خواتین اور بچے اپنے گھروں سے باہر آگئے۔

ٰٓٓٓٓٓٓٓٓٓٓایمز ٹی وی (جعفر آباد/ تعلیم )اختر بہرانی نے کہا کہ بلوچستان ایگزامنیشن اسٹیٹمنٹ کمیشن (بیک) کے ناجائز فیصلوں پرائیوٹ تعلیمی اداروں کی دشمنی پر مبنی پالیسی ،ریگولیشن اتھارٹی ایکٹ 2015اور بورڈ کے تحت پنجم ششم کے امتحانات کے نتائج کو نہیں مانتے کیونکہ حکومت ایک سال سے پرائیوٹ تعلیمی اداروں کو یرغمال بنا کر قوم کے معماروں کا مستقبل تباہ کر رہی ہے۔

ایمزٹی وی (اسلام آباد)جوڈیشل مجسٹریٹ نے فہد ملک قتل کیس کے ملزم راجا ارشد کے جسمانی ریمانڈ میں 3 روز کی توسیع کردی۔
اسلام آباد پولیس نے سابق چیئرمین سینیٹ میاں محمد سومرو کے بھانجے فہد ملک کے قتل کے مرکزی ملزم راجا ارشد کو جسمانی ریمانڈ کی مدت ختم ہونے پر ڈیوٹی جج جوڈیشل مجسٹریٹ عدنان رشید کی عدالت میں پیش کیا۔تفتیشی افسر نے عدالت سے استدعا کی کہ ملزم کے قبضے سے آلہ قتل اور واردات میں استعمال ہونے والا موبائل فون برآمد کر لیا گیا ہے۔ گاڑی کی برآمدگی کے لیے مزید جسمانی ریمانڈ دیا جائے۔

ملزم کےوکیل نے ریمانڈ میں توسیع کی مخالفت کرتے ہوئے دلائل دیئے کہ سپریم کورٹ نے اس واقعے پر کوئی از خود نوٹس نہیں لیا تھا بلکہ آئی جی اسلام آباد سے صرف رپورٹ طلب کی تھی، ملزم کے مزید جسمانی ریمانڈ کیضرورت نہیں ہے۔ عدالت نے فریقین کے دلائل سننے کے بعد ملزم راجا ارشد کو مزید 3 روزہ جسمانی ریمانڈ پر پولیس کے حوالے کردیا۔

واضح رہے کہ فہد ملک قتل کیس میں ایک اور ملزم نعمان کھوکھر جوڈیشل ریمانڈ پر جیل میں ہے جب کہ راجا ارشد کو پاک افغان سرحد سے اس وقت گرفتار کیا گیا تھا جب وہ فرار ہورہا تھا۔

ایمزٹی وی(آزاد کشمیر)صدر آزادجموں وکشمیرسردار مسعود خان نے کشمیرہاؤس اسلام آ باد میں وزیر اعظم راجہ فاروق حیدر خان سے ملاقات کی ۔ملاقات میں مقبوضہ کشمیرکی تازہ صورتحال اور آئندہ ہفتے ہونے والے او آئی سی کے اجلاس میں کشمیرایشو کے تناظر میں مشاورت کی گئی۔

دونوں رہنمائوں نے مقبوضہ کشمیر میں انسانیت سوز بھارتی مظالم کی مذمت کی ، ملاقات میں فیصلہ کیا گیا کہ مسئلہ کشمیر کو عالمی سطح پر موثر انداز میں اٹھایا جائے گا، کھلانہ ،چکوٹھی کے وفد نے وزیراعظم راجہ فاروق حیدر سے ملاقات کی اور مسائل سے آگاہ کیا ، وزیراعظم نے گفتگو کرتے ہوئے کہا کہ ایل او سی پر آباد شہری آبادی کے تحفظ کے لیے بنکرز تعمیر اوربھارتی جارحیت سے بھر پور تحفظ فراہم کریں گے۔

وزیر اعظم نے کہا کہ ایل او سی پر آبادشہری آبادی استحکام پاکستان کی جنگ میں مصروف ہے کشمیر ی شہداکا لہو رنگ لا رہا ہے تحریک کا راستہ نہیں روکا جا سکتا ۔انہوں نے کہا کہ ایل او سی پر آباد 13انتخابی حلقوں میں تعمیروترقی کے اقدامات ترجیحی بنیادوں پر کریں گے ۔

وزیراعظم نے کہا کہ آزادکشمیرمیں جاری منصوبوں کیلئے 19ارب روپے درکار ہیں سابقہ حکومت کی طرف سے 18ارب روپے کا خسارہ ورثے میں ملا ہے حکومت 5سالوں میں تمام زیر تکمیل منصوبوں کو مکمل کرے گی، تعلیمی نظام میں خرابیوں کو دور کریں گے ادھر وزیراعظم راجہ فاروق حیدر سے سماہنی سے مسلم لیگ ن کے رہنما راجہ محمد رزاق خان نے ملاقات کی اور علاقہ کے مسائل سے آگاہ کیا،

راجہ فاروق حیدر خان نے کہا کہ مسلم لیگ ن کی حکومت خطہ کی تعمیر وترقی کے لئے انقلابی اقدامات کرے گی اور عوامی توقعات پر پورا اترے گی ،حلقہ سماہنی کے تمام مسائل سے بخوبی آگاہ ہوں ، محرومیوں کا ازالہ کیا جائے گا، میرٹ کے مطابق تعمیر وترقی ہو گی سڑکوں کی حالت بہتر بنانے پر خصوصی توجہ دیں گے ،

مسلم لیگ ن برطانیہ کے صدر زبیر کیانی کی قیادت میں تارکین وطن کے وفد سے بات چیت کرتے ہوئے وزیراعظم نے کہاکہ تارکین وطن کشمیرایشو کے حوالے سے اپنی کاوشوں کو منظم اور مربوط بنائیں،بھارت کی تمام سازشیں ناکام ہوں گی اور مقبوضہ کشمیر پر اس کا غیر قانونی تسلط ختم ہوکر رہے گا۔

ایمزٹی وی(پشاور) مسلم لیگ (ن) کے کارکنان کی بڑی تعداد نے خیبرپختونخوا اسمبلی کے باہر احتجاج کیا اور اسمبلی کے مرکزی دروازے پر پارٹی پرچم بھی لہرائے۔

ذرائع کے مطابق تحریک انصاف کے رائیونڈ مارچ کے اعلان کے خلاف مسلم لیگ (ن) کے کارکنان کی بڑی تعداد خیبرپختونخوا اسمبلی کے باہر جمع ہوئی اور شدید احتجاج کیا جب کہ پولیس کے روکنے کے باوجود کارکنان اسمبلی کے مرکزی دروازے پر چڑھتے ہوئے پارٹی پرچم لگا دیئے۔

دوسری جانب تحریک انصاف کے وائس چیئرمین شاہ محمود قریشی نے خیبرپختونخوا اسمبلی کے مرکزی دروازے پر چڑھنے اور پارٹی پرچم لگانے کو اسمبلی پر حملہ قرار دیتے ہوئے کہا کہ پختونخوا اسمبلی پر شرمناک حملہ جمہوریت کے منہ پر طمانچہ ہے جب کہ لیگی غنڈوں کے حملے سے حکمران جماعت کی ساکھ اور آمرانہ سوچ بے نقاب ہوگئی، تحریک انصاف کسی بھی ریاستی ادارے پر حملے کے خلاف ہے اور پختونخوا اسمبلی پر حملہ کرنے والے عناصر کو قانون کے کٹہرے میں کھڑا کیا جانا چاہیئے۔

ایمزٹی وی(تعلیم)جامعہ کراچی نے بی کام پرائیوٹ کے ضمنی امتحانات کی تاریخ کا اعلان کردیا۔ جامعہ کراچی کے ناظم امتحانات پروفیسر ڈاکٹر ارشد اعظمی کے مطابق بی کام پرائیویٹ کے ضمنی امتحانات برائے 2015 ء کاآغاز 22 ستمبر سے ہوگا۔
تمام امتحانات دوپہر 2 تا شام 5 بجے جبکہ جمعے کے روز دوپہر 2:30 سے شام 5:30 بجے تک منعقد ہوں گے۔

ایمزٹی وی(تعلیم)ڈویژنل ڈائریکٹر BISPمیرپور خضر حیات نے کہا ہے کہ وسیلہ تعلیم پروگرام حکومت پاکستان کا غریب عوام کے لیے ایک خصوصی تحفہ ہے جس سے بچوں اور بچیوں کو زیور تعلیم سے آراستہ کیا جاتا ہے اور ماہانہ 250روپے فی بچہ وظیفہ دیا جاتا ہے آزادکشمیر کے تین اضلاع میرپور کوٹلی اور باغ میں وسیلہ تعلیم پروگرام کامیابی سے جاری ہے ۔ اور یہ پروگرام جلد مزید اضلاع میں پھیلایا جا رہا ہے ۔ یہ بات وسیلہ تعلیم پروگرام کی ماہانہ میٹنگ کے موقع پر خطاب کرتے ہوئے کہی.

ایمزٹی وی (تعلیم)اوپن یونیورسٹی اور سندھ مدرستہ الاسلام یونیورسٹی کراچی کے مابین تحقیق اور انفارمیشن ٹیکنالوجی کے میدان میں دوطرفہ تعاون کے مفاہمت کی یادداشت پر دستخط ہوگئے۔

دونوں جانب سے اتفاق کیا گیا کہ تعلیمی پروگرامز اور تمام سطحوں پر تعلیم کے معیار کو بہتر بنانے میں ایک دوسرے کی مدد کی جا ئے گی ۔

سندھ مدرستہ الاسلام کے وائس چانسلر پروفیسر ڈاکٹر محمد علی شیخ اور اوپن یونیورسٹی کے وائس چانسلر پروفیسر ڈاکٹر شاہد صدیقی نے معاہدے کی دستاویز پر دستخط کئے ۔

ایمزٹی وی (اسلام آباد)عمران خان نےسماجی ویب سائٹ ٹوئٹ پر کہا ہے کہ مسلم لیگ (ن) کے غنڈوں کی جانب سے رائیونڈ مارچ کو روکنے کے لئے خیبر پختونخوا اسمبلی پر دھاوا بولنا انتہائی شرمناک ہے اور یہ (ن) لیگ کا پرانا وطیرہ ہے۔

تحریک انصاف کے چیرمین کا کہنا تھا کہ (ن) لیگ کی آج کی غنڈہ گردی کے بعد میں رائیونڈ کی جانب مارچ کرنے کے حوالے سے پہلے سے زیادہ پر عزم ہو چکا ہوں، تحریک انصاف (ن) لیگ کی دھمکیوں سے ڈرنے والی نہیں۔

سماجی ویب سائٹ پر عمران خان کا مزید کہنا تھا کہ فاروق احمد خان لغاری کے دور صدارت میں (ن) لیگ والوں نے لغازی ہاؤس کی جانب مارچ کیا جب کہ پیپلز پارٹی کے دور میں (ن) لیگ والوں نے ایوان صدر کی دیواروں پر چڑھنے کی کوشش کی۔

حریک انصاف کے چیرمین عمران خان نے کہا کہ (ن) لیگ والوں کی جانب سے سب سے زیادہ شرمناک حرکت سپریم کورٹ پر حملہ تھا اور آج (ن) لیگی غنڈوں نے ایک بار پھر تاریخ دہراتے ہوئے خیبر پختونخوا اسمبلی پر دھاوا بولا۔

واضح رہے کہ چیرمین پی ٹی آئی عمران خان نے 24 مارچ کو رائیونڈ کی جانب مارچ کی کال دے رکھی ہے جب کہ پیپلز پارٹی، پاکستان عوامی تحریک اور (ق) لیگ کی جانب سے رائیونڈ کی جانب مارچ نہ کرنے کا اعلان کیا جا چکا ہے تاہم تحریک انصاف کی قیادت رائیونڈ کی جانب مارچ کے لئے پرعزم ہے

ایمزٹی وی(اسلام آباد) پاکستان اور روس رواں برس پہلی مشترکہ فوجی مشقیں کرنے والے ہیں جبکہ پاکستان جدیدترین روسی جنگی جہازایس یو35 خریدنے پر بھی غور کر رہا ہے۔پاکستانی فوج ٹینک شکن ہتھیاروں اور ایئر ڈیفنس نظام کے حصول کی خواہاں بھی ہے تاہم یہ بات چیت ابھی ابتدائی مرحلے میں ہے،گزشتہ15ماہ کے دوران آرمی، ایئر فورس اور نیوی کے سربراہوں نے ماسکو کے دورے کیے ہیں، ماسکو میں پاکستانی سفیر قاضی خلیل اللہ نے ایکسپریس ٹریبیون کو بتایا ہے کہ ایئر چیف سہیل امان نے روسی حکام سے ثمرآور مذاکرات کیے ہیں۔

اسلام آباد کے سفارتی ذرائع اور عہدیداروں کا کہنا ہے کہ فوجی مشقیں فوج سے فوج کی سطح پر بڑھتا ہوا تعاون دونوں ممالک کے مسلسل فروغ پاتے باہمی تعلقات کی جانب ایک اور قدم ہے.ماسکو کے لیے پاکستانی سفیر قاضی خلیل اللہ نےمیڈیا کو بتایا ہے کہ یہ پہلا موقع ہے کہ دونوں ممالک کے فوجی اہلکار مشترکہ فوجی مشقوں میں حصہ لے رہے ہیں، ان مشقوں کو فرینڈشپ2016کا نام دیا گیا ہے تاہم انھوں نے ان مشقوں کی تفصیلات ، مقام نوعیت یا تاریخ کے حوالے سے کچھ نہیں بتایا۔ خلیل اللہ کے مطابق اس پیشرفت سے دونوں ممالک کے مابین بڑھتے ہوئے تعاون کی عکاسی ہوتی ہے۔

اسلام آباد نے اس وقت اپنی خارجہ پالیسی کے آپشنز کو توسیع دینے کا فیصلہ کیا جب امریکا سے اس کے تعلقات خراب ہوئے۔ تعلقات میں خرابی کی پہلی وجہ القاعدہ کے سربراہ اسامہ بن لادن کو ہلاک کرنے کیلیے ایبٹ آباد میں خفیہ چھاپہ تھا جبکہ دوسری وجہ افغان سرحد کے ساتھ پاکستان کی سلالہ چیک پوسٹ پر امریکی حملہ تھا۔ پارلیمنٹ کے مشترکہ سیشن نے امریکا اور نیٹو کے اقدام سے پاکستان پر آنے والے مضمرات کا جائزہ لے کر خارجہ پالیسی کیلیے نئے رہنما خطوط دیئے تھے جن کے تحت روس سے رابطے استوار کیے گئے تھے۔