لاہور: ڈیجیٹل سفر پروگرام کے تحت لاہور میں ایک ہزار سے زائد اساتذہ کو آئندہ ہفتے ٹریننگ دی جائے گی۔

پنجاب انفرمیشن ٹیکنالوجی بورڈ نے آن لائن اساتذہ کی ٹریننگ اور ناموں کی فہرست جاری کردیا

۔دو روزہ ٹریننگ 25 نومبر سے لاہور کے مختلف اسکولوں میں شروع کی جائے گی ۔پہلاسیشن 25سے 26 نومبر تک جاری رہے گا۔

ٹریننگ کا دوسرا سیشن27 سے28 نومبر تک جاری رہے گا۔ٹریننگ حاصل کرنیوالے اساتذہ کا ٹیسٹ 29 نومبر بروز جمعہ لیا جائے گا۔ٹیسٹ میں اچھے نتائج دینے والے اساتذہ کو سرٹفیکیٹس جاری کیے جائینگے۔

پاکستانی ٹیم نےبلائنڈ ٹی ٹوئنٹی ورلڈ کپ میں جنوبی افریقا کو 8 وکٹوں سے شکست دے دی۔

میچ میں جنوبی افریقا بلائنڈ کرکٹ ٹیم نے ٹاس جیت کر پہلے بیٹنگ کرتے ہوئے مقررہ اوورزمیں 7 وکٹ پر 129 رنز اسکورکیے۔ لیسیڈی لے سوفی 24 رنزبناکرنمایاں رہے، ترہار 17 اور ٹیبوہو فرانسس نے 15 رنزبنائے۔

پاکستان بلائنڈ کی جانب سے بابرعلی نے دو اور شاہ زیب نے ایک کھلاڑی کوآؤٹ کیا۔

130 رنزکا ہدف پاکستان بلائنڈ ٹیم نے 11 ویں اوورزمیں دو وکٹ پر باآسانی حاصل کرلیا اور یوں جنوبی افریقا کو 8 وکٹ سے شکست دی۔

نعمت اللہ 59 رنزبناکرنمایاں رہے، ظفر اقبال نے ناقابل شکست 33 اور محمد صفدرنے 13 رنزبنائے۔

افتتاحی روز کے ایک اور میچ میں سری لنکا نے نیپال کو مات دے دی۔ ایک اور میچ میں بنگلا دیش کو بھارت کے خلاف واک اوور دے دیا گیا۔

بلائنڈ ٹی ٹوئنٹی ورلڈ کپ2024 میں بھارت کے خلاف حریف ٹیموں کو واک اوور دے دیا گیا۔

بلائنڈ ٹی ٹوئنٹی ورلڈ کپ میں بھارتی حکومت کے فیصلے نے بھارتی بلائنڈ ٹیم کو ایونٹ میں شرکت سے محروم کیا۔

تاہم منتظمین نے ایونٹ کے میچز ری شیڈول کرنے کے بجائے بھارت کے خلاف ٹیموں کو واک اوور دے دیا۔

کل شیڈولڈ میچ میں بنگلا دیش، 24 نومبر کو جنوبی افریقا اور 25 نومبر کو پاکستان کو واک اوور مل گیا۔

اس کے علاوہ 26 نومبر کو افغانستان اور 29 نومبر کو نیپال کو بھارت سے میچ میں واک اوور ملا۔

واضح رہے کہ بھارتی حکومت نے بلائنڈ کرکٹ ٹیم کو ٹی ٹوئنٹی ورلڈ کپ میں شرکت کرنے کے لیے این او سی دینے سے انکار کر دیا تھا۔

واک اوور کیا ہے؟
واک اوور  کھیلوں میں استعمال ہونےوالی ایک اصطلاح ہے جوکسی ٹیم یا کھلاڑی کو بغیر مقابلہ کیئے جیت دے دی جائے کیونکہ ان کا مخالف یا تو مقابلے میں شامل نہیں ہو سکایا دستبردار ہو گیا۔

صدارتی تمغہ یافتہ معروف مزاحیہ اداکاراسماعیل تاراکی دوسری برسی آج منائی جائیگی۔

تقریباً 5 دہائیوں تک اپنی جاندارمزاحیہ کردارنگاری کے ذریعے لوگوں کے چہروں پر مسکراہٹیں بکھیرنے والے اسماعیل تارا16نومبر1949کو کراچی میں پیداہوئے،سن 1964 میں پہلی پرمرتبہ اسٹیج پراسماعیل تارا نےاس وقت پرفارمنس دی جب ان کی عمر صرف پندرہ سال تھی۔

سن 70 کی دہائی میں ضیا محی الدین شومیں پرفارمنس کےبعد ٹی وی کے لیے راہیں ہموارہوئیں اور بعدازاں مزاحیہ سیریزففٹی ففٹی نے شہرت کے دروازے کھول دیے۔

اسماعیل تارا نےٹی وی ڈراموں کے علاوہ فلم میں بھی اپنی دھاک بٹھائی۔سلوراسکرین پربہترین اداکاری پرانھیں پانچ مرتبہ بہترین مزاحیہ اداکارکا نگارایوارڈ دیا گیا۔

ان کے مشہور کاموں میں ففٹی ففٹی کے علاوہ ربڑ بینڈ،یہ زندگی ہے،نادانیاں،ون وے ٹکٹ،دہلی کالونی،بلبلے،نمک پارے شامل ہیں۔

اسماعیل تارا کئی عرصے سے گردوں کے عارضے میں مبتلا تھےاور مختصرعلالت کے بعد 24 نومبرسن2022 کو خالقِ حقیقی سے جا ملے۔

انتقال سے دوسال قبل اسماعیل تارا کی فنکارانہ خدمات کا اعتراف کرتے ہوئے انھیں صدارتی تمغہ برائے حسن کارکردگی سے نوازاگیا تھا۔

لاہور دنیا کے آلودہ ترین شہروں کی فہرست میں ایک مرتبہ پھر اول نمبر پر آگیا۔

شہر میں اوسطا ایئر کوالٹی انڈیکس 625 ریکارڈ کیا گیا ہے۔

پاکستان انجینئرنگ سروسز روڈ پر ایئر کوالٹی انڈیکس 1137، سید مراتب علی روڈ پر 979، غازی روڈ انٹر چینج پر 882 اور کلائمٹ فنانس پاکستان ہیڈ کوارٹر 790 ریکارڈ کیا گیا۔

ماہرین کے مطابق لاہور میں ایئر کوالٹی انڈیکس انسانی صحت کے لیے انتہائی مضر ہے اور بیماری سے بچنے کا واحد حل احتیاطی تدابیر ہیں۔

لاہور میں اسکول، کالج اور یونیورسٹیز کھل گئی ہیں لہٰذا طلبہ و طالبات کے لیے ماسک کا استعمال لازمی ہے۔ شہر میں تعمیراتی کاموں پر آج رات تک پابندی عائد ہے۔

تمام تفریحی مقامات اور پارکوں پر شہریوں کے لیے کھول دیے گئے، شہر کی تمام مارکیٹیں، شاپنگ مالز پلازے رات آٹھ بجے بند ہوں گے۔ ریسٹورنٹ کو بند کرنے کے لیے رات 10 بجے کا ٹائم مقرر کیا گیا ہے۔

ضلعی انتظامیہ لاہور کی جانب سے اسموگ ایس او پیز کی خلاف ورزی پر کارروائیوں کا سلسلہ جاری ہے۔ محکمہ موسمیات کے مطابق آئندہ 24 گھنٹے موسم خشک رہے گا۔

کراچی: محکمہ موسمیات نے کراچی میں آئندہ دو روز کےلئے دھندچھانےکاامکان ظاہر کردیا۔

محکمہ موسمیات کا کہنا ہے کہ آئندہ دو روز کے دوران شہر کی فضاؤں میں صبح کے وقت دھند کے سبب حد نگاہ متاثر ہوسکتی ہے۔

محکمہ موسمیات ارلی وارننگ سینٹر کے مطابق آئندہ 3 روز کے دوران شہر میں دھوپ رہنے کا امکان ہے جبکہ رات کے وقت کراچی سمیت دیہی سندھ میں خنکی رہنے کی توقع ہے۔

شہر کا کم سے کم پارہ 19 تا 21 اور زیادہ سے زیادہ 31 سے 33 ڈگری کے درمیان ریکارڈ ہوسکتا ہے۔

اسلام آباد:سیکوریٹی خدشات کے پیشِ نظر اسلام آباد سمیت پنجاب کے دیگر شہروں میں انٹرنیٹ سروس معطل کردی گئی ہیں۔

وزارت داخلہ کے ترجمان نے موبائل ڈیٹا اور انٹرنیٹ سروس کی بندش کی تصدیق کرتے ہوئے اعلامیہ جاری کردیا جس کے مطابق صرف سکیورٹی کے خدشات والے علاقوں میں موبائل ڈیٹا اور وائی فائی سروس کی بندش کا تعین کیا جائے گا۔

ترجمان کا مزید کہنا ہے کہ ملک کے باقی حصوں میں انٹرنیٹ اور موبائل سروس معمول کے مطابق چلتی رہے گی۔

اُدھر اسلام آباد میں انٹرنیٹ کی رفتار بالکل سست ہوئی جس کی وجہ سے صارفین کو واٹس ایپ کے استعمال سمیت دیگر ایپس تک رسائی میں مشکلات کا سامنا رہا۔

قبل ازیں سرکاری ذرائع نے کہا تھا کہ پاکستان تحریک انصاف کے احتجاج کے پیش نظر رات 12 بجے کے بعد سے انٹرنیٹ سروس مکمل بند کردی جائے گی۔

ذرائع کا کہنا تھا کہ انٹرنیٹ سروس کی بندش سے وائی فائی سروس بھی متاثر ہوگی تاہم موبائل سروس کھلی رہے گی اور اس کی بندش کا فیصلہ حالات کو دیکھ کر کیا جائے گا۔

پاکستان نے زمبابوے کیخلاف پہلے ون ڈے میں ٹاس جیت کر پہلے فیلڈنگ کرنے کا فیصلہ کرلیا۔

بلاوائیو میں کھیلے گئے میچ میں قومی ٹیم کے کپتان محمد رضوان نے ٹاس جیت کر پہلے فیلڈنگ کرنے کا فیصلہ کیا، انہوں نے کہا کہ کوشش کریں میزبان ٹیم کو کم ازکم اسکور پر آؤٹ کریں اور دورے کا فاتحانہ آغاز کریں۔

اس موقع پر زمبابوین ٹیم کے کپتان کریگ ایروائن نے کہا کہ ہوم گرؤنڈ پر پاکستان کیخلاف جیت کیلئے پُرعزم ہیں۔

زمبابوے کا اسکواڈ؛
کپتان کریگ ایروائن، برائن بینیٹ، جویلورڈ گمبی، ٹریور گوانڈو، توانداناشے مارومانی، برینڈن ماوتا، بلیسنگ مزاربانی، رچرڈ نگروا، ڈیون مائرز، سکندر رضا، شان ولیمز

پاکستان کا اسکوڈ؛
کپتان محمد رضوان، صائم ایوب، عبداللہ شفیق، کامران غلام، حسیب اللہ خان، سلمان علی آغا، محمد عرفان خان، عامر جمال، حارث رؤف، محمد حسنین، اور فیصل اکرم

جامعہ اردو نے ٹیسٹ بیسڈ شعبہ جات میں داخلہ فارم2025 جمع کرانے کی تاریخ میں توسیع کردی۔

وفاقی اردو یونیورسٹی کے ڈائریکٹر ایڈمیشن ڈاکٹرمحمد راشد تنویر کے مطابق ٹیسٹ بیسڈ شعبہ جات میں داخلہ فارم2025 جمع کرانے کی تاریخ میں 29نومبر2024تک توسیع کردی گئی ہے۔

انٹری ٹیسٹ مورخہ 6 دسمبر2024 بروز جمعہ منعقد کیا جائےگا۔ امیدوار اپنا ایڈمٹ کارڈ 2 دسمبر 2024 پیر سے ڈاؤن لوڈ کرسکیں گے۔

جبکہ داخلہ برائے2025 ٹیسٹ بیسڈ شعبہ جات میں داخلے کے لیے وہ امیدوار جنہوں نے MDCAT-2024 کی بنیاد پر داخلہ فارم جمع کرایا ہے اور ان کےMDCAT-2024 کا رزلٹ کورٹ آرڈر کے تحت منسوخ کردیا گیا ہے وہ رزلٹ قابل قبول نہیں ہے۔

لہذا وہ امیدوار مبلغ1ہزار روپے کا ایڈیشنل ایڈمیشن پروسس فیس واؤچر جامعہ کی ویب سائٹ 25 نومبر 2024 سے ڈاؤن کرکے عسکری بینک کی کسی بھی برانچ میں جمع کروادیں اور 6دسمبر2024 کو ہونے والے انٹری ٹیسٹ میں شامل ہوسکتے ہیں

وفاقی اردو یونیورسٹی کے طلبا نے مرغی اور گائے کی چربی سے کم لاگت میں ماحول دوست بوٹ پالش تیار کرلی۔

ذرائع کے مطابق وفاقی اردو یونیورسٹی گلشن کیمپس کے طلبا نے قدرتی اجزا سے کم لاگت میں ماحول دوست شو پالش بنا کر سب کو حیرت میں ڈال دیا

یہ بوٹ پالش کم لاگت اور ماحول دوست ہے جس کے بنانے کا مقصد ہر شخص تک اس کی رسائی کو ممکن بنانا ہے۔

وفاقی اردو یونیورسٹی کراچی میں شعبہ کیمسٹری کے طلبہ نے اس پروجیکٹ پر پہلے طویل تحقیق کی اور اس کو عملی شکل میں تیار کیا اور استعمال کر کے خوشی کا اظہار کیا۔