ایمز ٹی وی(مچھ) بلوچستان کے علاقے مچھ کے قریب مرکزی شاہراہ پر ٹرک حادثے کا شکار ہوگیا جس کے نتیجے میں 3 افراد جاں بحق اور متعدد زخمی ہو گئے ہیں۔

تفصیلات کے مطابق ضلع بولان کے شہرمچھ کے قریب خانہ بدوشوں سے بھرا ٹرک مرکزی شاہراہ پر الٹ گیا جس کے باعث 3 افراد موقع پر ہی جاں بحق ہو گئے اور 13 افراد زخمی ہو گئے ہیں۔

ذرائع کے مطابق حادثہ تیزرفتاری کے باعث الٹ گیا تھا جس میں بلوچستان سے تعلق رکھنے والے خانہ بدوش بمعہ ساز و سامان سوار تھے۔

ریسکیو ادرے نے فوری طور پر موقع پر پہنچ کر امدادی کارروائیوں آغاز کردیا اور حادثے میں جاں بحق و زخمی ہونے والے افراد کو قریبی اسپتال منتقل کردیا ہے جہاں زخمیوں کو امداد دی جا رہی ہے۔

زخمیوں میں سے بھی بعض کی حالت نازک بتائی جاتی ہے جس کے باعث ہلاکتوں میں اضافے کا خدشہ ہے جب کہ حادثے میں جاں بحق افراد کی میتوں کو ضروری کارروائی کے بعد لواحقین کے حوالے کر دیا گیا ہے۔

ایف سی ذرائع کا کہنا ہے کہ خانہ بدوش ٹرک میں سامان سمیت کسی مقام پرمنتقلی کے لئے جا رہے تھے کہ تیز رفتاری کے باعث ٹرک بے قابو ہو کرالٹ گیا تھا